1 Korintobi 11:27 - BAIBLO ALOO NGMAMI KLƆUKLƆU Ɔ

²⁷ Lɔ ɔ he ɔ, nɔ tsuaa nɔ nɛ yeɔ Nyɔmtsɛ ɔ we abolo ɔ, nɛ́ e nuu wai nɛ ngɛ kplu ɔ mi bɔ nɛ sɛ ɔ, e peeɔ yayami kɛ siɔ Nyɔmtsɛ ɔ nɔmlɔ tso ɔ, kɛ e muɔ ɔ.

Somi He Ɔ

²⁷ Lɔ ɔ he ɔ, nɔ tsuaa nɔ nɛ yeɔ kikɛmɛ a abolo nɛ ɔ nɛ e nuu Nyɔmtsɛ ɔ kplu ɔ bɔ nɛ sɛ́ ɔ, e ngɛ Nyɔmtsɛ ɔ nɔmlɔ tso ɔ kɛ e muɔ ɔ nɔ tɔe.

1 Korintobi 11:27 ပူးပေါင်းရင်းမြစ်များ

Yohane 6:51

Imi ji abolo nɛ je hiɔwe nɛ haa nɔ wami. Nɔ nɛ maa ye kikɛmɛ a abolo nɛ ɔ eko ɔ maa hi si kɛ maa ya neneene. Abolo nɛ ma ha lɛ ɔ ji imi nitsɛ ye he lo nɛ i ngɔ kɛ ha, bɔ nɛ pee nɛ je ɔ tsuo yi nɛ na wami.”

1 Korintobi 10:21

Nyɛ be nyɛe maa nu Nyɔmtsɛ ɔ kplu ɔ, nɛ́ nyɛ ma ya nu mumi yayamihi hu a kplu. Nyɛ be nyɛe maa ye ní ngɛ Nyɔmtsɛ ɔ we okplɔɔ ɔ he, nɛ nyɛɛ kɛ mumi yayamihi hu ma ya ye ní.

Hebribi 10:29

Lɛɛ nɔ ko nɛ hia nane kɛ si Mawu Bi ɔ, nɛ Kristo muɔ nɛ a kɛ sɔu somi ɔ nya kɛ tsu e he ɔ, e buu lɛ kaa yaka nɔ́ ko kɛkɛ, nɛ jehanɛ hu, e wo Mawu mumi ɔ mi mi la a, kɛ a maa pee lɛ kɛɛ? Anɛ e sɛ́ kaa a gblaa e tue wawɛɛ pe jã lo?

Mose IV, 9:13

Se nɔmlɔ nɛ he tsɔ, nɛ e hiɛ blɔ hulɔ, nɛ e kua Hetsɔmi ɔ yemi ɔ, jamɛ a nɔ ɔ lɛɛ a je lɛ we kɛ je e ma mi bi ɔmɛ a kpɛti; ejakaa e kɛ Yawɛ nike ní ɔ bɛ be nɛ a to ɔ. Nɔmlɔ nɛ ɔ, lɛ nitsɛ e musu maa tloo lɛ.

Mose IV, 9:10

ke e de Israel bi ɔmɛ ke, “Ke nyɛ ti nɔ ko, aloo nyɛ nina ko ya ta nɔ gbogboe he nɛ e kɛ ble e he, aloo e hia blɔ kɛ ho ma se lokoo ya a, jamɛ a nɔ ɔ ma nyɛ maa ye Yawɛ Hetsɔmi ɔ faa.

Mateo 22:11

“Se benɛ matsɛ ɔ ba nɛ e ba hyɛ nihi nɛ a kpee ɔ, e na nyumu ko ngɛ lejɛ ɔ nɛ lɛɛ e wui yo kpeemi tade.

1 Korintobi 11:29

Ejakaa nɔ nɛ yeɔ abolo ɔ, nɛ e nuɔ wai ngɛ kplu ɔ mi kɛkɛ, nɛ e susuu we Nyɔmtsɛ ɔ nɔmlɔ tso ɔ he, kɛ nɔ́ nɛ e ji ɔ, Mawu maa gbla e tue.