1 Korintobi 11:26 - BAIBLO ALOO NGMAMI KLƆUKLƆU Ɔ

²⁶ Enɛ ɔ tsɔɔ kaa be tsuaa be nɛ nyɛ maa ye abolo nɛ ɔ eko, nɛ nyɛ maa nu wai ngɛ kplu nɛ ɔ mi ɔ, nyɛ ngɛ Nyɔmtsɛ ɔ gbenɔ sane ɔ fiɛe kɛ yaa su be nɛ e maa ba.

Somi He Ɔ

²⁶ Ejakaa si abɔ nɛ nyɛ yeɔ kikɛmɛ a bolo nɛ ɔ, nɛ nyɛ nuu kikɛmɛ a kplu nɛ ɔ hulɔ ɔ, nyɛ ngɛ Nyɔmtsɛ ɔ gbenɔ ɔ jajee kɛ ngɛ tsɔɔe kɛ maa su be nɛ e maa ba.

1 Korintobi 11:26 ပူးပေါင်းရင်းမြစ်များ

Kpojemi 1:7

Hyɛ! E ngɛ bɔku ɔmɛ a mi kɛ ma, nɛ nɔ tsuaa nɔ maa na lɛ; nihi nɛ gbɔɔ lɛ ní ɔ hu maa na lɛ. Nihi tsuo nɛ ngɛ je ɔ mi ɔ maa wo yana ha lɛ. Ee, é ba mi ja! Amen.

Hebribi 9:28

Jã nɔuu Kristo hu a ngɔ lɛ kɛ sã bɔ si kake pɛ, konɛ e kɛ je adesa he yayami. E maa ba si enyɔne ɔ, pi nɛ e ba tsu yayamihi a he ní hu, se mohu e ma ba he nihi nɛ ngɛ lɛ blɔ hyɛe wawɛɛ ɔ a yi wami.

Yohane 14:3

Ke i ya nɛ i ya dla he ko kɛ to nyɛ se ɔ, ma kpale kɛ ba, nɛ ma ba ngɔ nyɛ kɛ ya hi imi nitsɛ ye ngɔ. Kɛkɛ ɔ, he nɛ i ngɛ ɔ, nyɛ hu nyɛɛ maa hi lejɛ ɔ.

1 Yohane 2:28

Ye bimɛ tsɔwi, nyɛɛ ya nɔ nɛ nyɛɛ hi Kristo mi, bɔ nɛ pee nɛ ke e je e he kpo ɔ, wa nɔ gbagba nɛ te. Kɛkɛ ɔ, ligbi ɔ nɛ e maa ba a, zo be wɔ gbee ngɛ e hɛ mi.

Ni Tsumi 1:11

Nyumu ɔmɛ bi ke, “Nyɛ Galilea bi mɛni he je nyɛ daa si ngɛ kɔɔhiɔ mi hyɛe kikɛ nɛ ɔ? Yesu ɔ nɛ a ngɔ kɛ ho hiɔwe ya nɛ ɔ, e maa kpale kɛ ba ja nɔuu kaa bɔ nɛ nyɛ na lɛ nɛ e yaa a.”

2 Petro 3:10

Se Nyɔmtsɛ ɔ ligbi ɔ maa ba kaa bɔ nɛ julɔ baa a. Jamɛ a ligbi ɔ, hiɔwe maa be kɛ ho kɛ kemi nɛ nya wa. Níhi nɛ ngɛ hiɔwe ɔ tsuo maa sã, nɛ a hɛ mi ma kpata, nɛ je ɔ, kɛ e mi nɔ́ tsuaa nɔ́ maa laa.

Yohane 21:22

Yesu de lɛ ke, “Ke i suɔ kaa e hi si kɛ yaa su be nɛ ma kpale kɛ ba a, mɛni lɔ ɔ kɔɔ ngɛ o he? Moo lɛɛ nyɛɛ ye se!”

Kpojemi 22:20

Nɔ nɛ ngɛ ní nɛ ɔmɛ tsuo a he odase yee ɔ ngɛ dee ke, “Ee, i ma nɔuu!” Amen. Nyɔmtsɛ Yesu, ba!

Yuda 1:14

Henok, Adam nina tutuutu ekpane ɔ, nɔ́ nɛ e gba blema lokoo ngɛ nimli nɛ ɔmɛ a he ji nɛ ɔ nɛ: “Nyɔmtsɛ ɔ ma kɛ e bɔfo klɔuklɔuhi akpeakpe abɔ.

1 Tesalonikabi 4:16

Ejakaa Nyɔmtsɛ ɔ nitsɛ ma kple si kɛ je hiɔwe kɛ ba kɛ ose nɛ nya wa. Bɔfo nɔkɔtɔma a maa wo gbi, nɛ Mawu titimati ɔ maa pɛ. Nihi nɛ he Yesu ye loko a gbo ɔ maa te si kekle.

1 Korintobi 15:23

Se Mawu ma tle nɔ tsuaa nɔ si ngɛ be nɛ sa mi. Kekleekle nɔ ji Kristo, nɛ lɔ ɔ se ke Kristo ma a, a ma tle e we bi ɔmɛ hu si.

2 Tesalonikabi 1:10

ligbi ɔ nɛ e maa ba nɛ e ni klɔuklɔu ɔmɛ ma je e yi, nɛ nihi nɛ heɔ lɛ yeɔ maa wo e hɛ mi nyami ɔ. Nɛ nyɛ hu nyɛ maa piɛ a he, ejakaa sɛ gbi ɔ nɛ wa ngɔ ba ha nyɛ ɔ, nyɛ he ye.

1 Korintobi 4:5

Lɔ ɔ he ɔ, nyɛ ko kojo nɔ ko loko be ɔ nɛ su. Nyɛɛ mlɛ kɛ yaa si Nyɔmtsɛ ɔ maa ba. Ke e ba a, e ma je diblii mi níhi, kɛ tsui mi ní yayahi nɛ a kɛ laa a tsuo kpo. Jamɛ a be ɔ, nɔ tsuaa nɔ ma na yi jemi nɛ sa lɛ ɔ kɛ je Mawu dɛ mi.

Yohane 21:23

Munyu nɛ ɔ ba pɛ ngɛ Yesu se nyɛɛli ɔmɛ a tue mi kaa kaselɔ nɛ ɔ be gboe gblegbleegble. Kpahu Yesu de we ke e be gboe; se mohu e ke, “Ke i suɔ kaa e hi si kɛ yaa si ma kpale kɛ ba a, mɛni lɔ ɔ kɔɔ ngɛ o he?”