1 Korintobi 11:25 - BAIBLO ALOO NGMAMI KLƆUKLƆU Ɔ

²⁵ Ja nɔuu e wo kplu ɔ hu benɛ a ye ní ɔ ta a, nɛ e de ke, “Kplu nɛ ɔ ji Mawu somi he ɔ nɛ a kɛ ye muɔ sɔu nya. Nyɛɛ pee enɛ ɔ, be tsuaa be nɛ nyɛ maa nu ɔ, nɛ nyɛ kɛ kai mi.”

Somi He Ɔ

²⁵ Ja nɔuu e wo kplu ɔ hu ngɛ niyeni ɔ se, nɛ e ke: “Kikɛmɛ a kplu nɛ ɔ ji somi he ɔ ngɛ ye muɔ ɔ mi. Nyɛɛ pee enɛ ɔ; si abɔ nɛ nyɛ maa nu ɔ nɛ nyɛ kɛ kai mi.”

1 Korintobi 11:25 ပူးပေါင်းရင်းမြစ်များ

Luka 22:20

Benɛ a ye ní ɔ ta a, e wo kplu ɔ ja nɔuu, nɛ e de mɛ ke, “Kplu nɛ ɔ ji Mawu somi he ɔ nɛ a ngɔ ye muɔ nɛ a plɛ ngɔ pue si ha nyɛ ɔ kɛ sɔu nya a nɛ.]

Hebribi 13:20

He jɔmi Mawu ɔ, nɔ nɛ gu muɔ nɛ a kɛ sɔu neneene somi ɔ nya a nɔ, nɛ e je to ɔmɛ a hyɛlɔ ngua a nɛ ji wa Nyɔmtsɛ Yesu kɛ je gbeje kɛ ba wami mi ekohu ɔ,

2 Korintobi 3:6

Mawu nɛ ha nɛ wa nyɛ nɛ wa ngɛ lɛ Mawu ɔ sɔmɔe kaa bɔ nɛ somi he ɔ tsɔɔ ɔ. Pi mlaa nɛ a ngma nɛ waa ye nɔ ji somi he ɔ, se mohu Mawu mumi. Mlaa nɛ a ngma a, gbenɔ nɛ e kɛ baa, se mumi ɔ haa nɔ wami.

1 Korintobi 10:16

Nyɔmtsɛ ɔ niye ní kplu ɔ nɛ wa naa Mawu si ngɛ he ɔ, anɛ e ha we nɛ wɔ tsuo wa naa gbaami nɛ jeɔ Kristo muɔ mi ɔ eko lo? Jã kɛ̃ ke wa ku abolo ɔ nɛɛ, anɛ wɔ tsuo wa na we gbaami nɛ jeɔ Kristo nɔmlɔ tso ɔ mi ɔ eko lo?

2 Korintobi 3:14

Niinɛ, a nga a juɛmi nya! Kɛ ba su mwɔnɛ ligbi nɛ ɔ, kaa nɔ́ nɛ jamɛ a hɛ mi hami nɔ́ ɔ ha a hɛ mi kɛ mwɔɔ; ejakaa ke a kane somi momo ɔ, a nui sisi. Kristo pɛ lɛ ma nyɛ ma je hɛ mi hami nɔ́ nɛ ɔ.

Mose II, 24:6

Mose kɛ muɔ ɔ fa wo kahi a mi; nɛ fa a nɛ piɛ ɔ, e tsɛ̃ ngɔ pue bɔ sami la tɛ ɔ nɔ.

Mose II, 24:8

Jehanɛ Mose ngɔ muɔ ɔ kɛ fĩa ma a nɔ, nɛ e de ke, “Somi nɛ Yawɛ kɛ nyɛ so ɔ, e nya sɔumi muɔ ji nɛ ɔ nɛ, kaa bɔ nɛ a ngma ngɛ womi nɛ ɔ mi ɔ.”

Yeremia 31:31

Yawɛ ke, “Be ma nɛ i kɛ Israel ma a, kɛ Yuda ma a maa so somi he.

1 Korintobi 11:24

nɛ e na Mawu si, nɛ e ku mi, nɛ e de ke, “Enɛ ɔ ji ye nɔmlɔ tso nɛ a ku ngɛ nyɛ he. Nyɛɛ pee enɛ ɔ nɛ nyɛ kɛ kai mi.”