1 Korintobi 11:24 - BAIBLO ALOO NGMAMI KLƆUKLƆU Ɔ

²⁴ nɛ e na Mawu si, nɛ e ku mi, nɛ e de ke, “Enɛ ɔ ji ye nɔmlɔ tso nɛ a ku ngɛ nyɛ he. Nyɛɛ pee enɛ ɔ nɛ nyɛ kɛ kai mi.”

Somi He Ɔ

²⁴ nɛ e na si, nɛ e kuɔ mi, nɛ e ke: “Enɛ ɔ ji ye nɔmlɔ tso nɛ a kuɔ ngɛ nyɛ ke. Nyɛɛ pee e nɛ ɔ nɛ nyɛ kɛ kai mi.”

1 Korintobi 11:24 ပူးပေါင်းရင်းမြစ်များ

Yesaya 26:8

Yawɛ, wa maa pee o suɔmi nya ní, nɛ wa maa ngɔ wa hɛ ngɔ fɔ o nɔ; mo pɛ wa suɔ kɛ wa tsui tsuo.

Lahi 5:1

Ye nyɛmiyo; ye we ayɛflo nɛ i suɔ mo saminya, i ba ye we abɔɔ ɔ mi. I ngɛ ye tsopa kɛ e he via, kɛ mimɛ nya buae. I ngɛ ye hwo kɛ hwo gbaku yee. I ngɛ ye wai kɛ nyɔ nyu nue. Huɛmɛ, nyɛɛ ye ní nɛ nyɛɛ nu ní. Nyɛ suɔmi ɔ nɛ de nyɛ kaa dã!

Abɛ Womi 9:5

“Ba nɛ o ba ye ye ní ɔ eko, nɛ o nu wai nɛ i futu ɔ hu eko!

Mose II, 12:14

Ligbi nɛ ɔ maa pee kaimi ligbi nguaa ha nyɛ, nɛ nyɛ maa ye ligbi ɔ kaa nyami be kɛ ha Yawɛ; nɛ enɛ ɔ maa pee mlaa nɛ fɔɔ si ha nyɛɛ kɛ nyɛ nina kɛ maa ya neneene.

Yesaya 25:6

Yawɛ maa ngmɛ okplɔɔ ngɛ yo nɛ ɔ nɔ ha je ma amɛ tsuo. A maa ye ní kpakpa: lo nɛ tu zɔ saminya, kɛ zɔ nɛ a je kɛ je wu mi tɔɔ; nɛ a maa nu wai kpakpa.

Lahi 1:4

Ngɔɔ mi kɛ ho esɔ. Ye matsɛ, ngɔɔ mi kɛ ya o tsu ɔ mi. I ngɔ ye he kɛ ha mo. Wa bua maa jɔ wa he saminya. O suɔmi ɔ ngɔɔ dɔkɔdɔkɔ pe wai po. E be nyakpɛ kaa yi ɔmɛ tsuo suɔ mo!

La 111:4

Yawɛ haa nɛ a kaiɔ e nyakpɛ ní tsumi ɔmɛ. E mi mi jɔ, nɛ e naa mɔbɔ.

Mateo 26:13

Niinɛ, i ngɛ nyɛ dee ke, je nɛ ɔ mi he tsuaa he nɛ a maa fiɛ sane kpakpa nɛ ɔ ngɛ ɔ, a maa sɛɛ nɔ́ nɛ yo nɛ ɔ pee nɛ ɔ hu kɛ kai lɛ.”

La 22:29

He nɔ woli tsuo ma ba kpla si ha lɛ. Niinɛ, nimli adesahi tsuo ma ba kpla si ngɛ e nane nya.

La 22:26

Ohiatsɛmɛ maa ye ní nɛ a maa tɔ. Nihi nɛ hlaa Yawɛ se blɔ ɔ ma je e yi; a bua maa jɔ a he kɛ maa ya neneene.

Yoshua 4:7

nyɛ de mɛ ke, ‘Benɛ a kɛ Yawɛ somi daka a po Yordan pa a, nyu ɔ se po.’ Tɛ nɛ ɔmɛ ma kai Israel ma a daa nɛ nɔ́ nɛ Mawu tsu ha mɛ ngɛ hiɛ ɔ.”

Mose II, 28:12

Jehanɛ, moo fi tɛ ɔmɛ kɛ wo efɔd ɔ konɔ kpa amɛ a he, konɛ a pee tɛhi nɛ a kɛ ma kai Yakob binyumu ɔmɛ; Aaron ma kpla biɛ ɔmɛ ngɛ e konɔ enyɔ ɔmɛ, bɔ nɛ pee nɛ imi Yawɛ, ma kai ye ma a daa.

1 Korintobi 11:23

Nɔ́ nɛ i ná kɛ je Nyɔmtsɛ ɔ dɛ mi ɔ, lɔ ɔ nɛ i kɛ ha nyɛ ɔ nɛ, kaa Nyɔmtsɛ Yesu ɔ, jamɛ a nyɔ ɔ mi nɔuu nɛ a tsɔɔ e se blɔ ɔ, e kɛ̃ abolo,

1 Korintobi 11:25

Ja nɔuu e wo kplu ɔ hu benɛ a ye ní ɔ ta a, nɛ e de ke, “Kplu nɛ ɔ ji Mawu somi he ɔ nɛ a kɛ ye muɔ sɔu nya. Nyɛɛ pee enɛ ɔ, be tsuaa be nɛ nyɛ maa nu ɔ, nɛ nyɛ kɛ kai mi.”