1 Korintobi 11:2 - BAIBLO ALOO NGMAMI KLƆUKLƆU Ɔ

² I ngɛ nyɛ yi jee, ejakaa nyɛ kaiɔ ye ní peepee, kɛ níhi nɛ i tsɔɔ nyɛ ɔ daa. Tsɔɔmihi nɛ i na kɛ je nihi a dɛ, nɛ imi hu i ngɔ kɛ ha nyɛ ɔ, nyɛ pɛtɛ he.

Somi He Ɔ

² Se, mamimɛ, i ngɛ nyɛ yi jee kaa nyɛ kaii mi ngɛ nihi tsuo mi, nɛ tsɔɔmihi nɛ i kɛ ha nyɛ ɔ, nyɛ hɛɛ mi bɔ pɛ nɛ i kɛ ha nyɛ ɔ.

1 Korintobi 11:2 ပူးပေါင်းရင်းမြစ်များ

Luka 1:6

Mɛ ni enyɔ ɔmɛ tsuo a peeɔ nɔ́ nɛ da ngɛ Mawu hɛ mi, nɛ a yeɔ e mlaa amɛ, kɛ e fami ɔmɛ a nɔ́ sisiisi.

1 Korintobi 11:17

Jehanɛ ɔ lɛɛ nɔ́ nɛ ma de nyɛ nɛ ɔ, pi kaa ma je nyɛ yi. Ejakaa ke nyɛ kpe ɔ, nɔ́ kpakpa ko ji mi; ní yayahi mohu nyɛ peeɔ.

1 Korintobi 11:22

Anɛ nyɛ be nyɛ nitsɛmɛ nyɛ wehi nɛ nyɛ maa ye ní, nɛ nyɛ maa nu ní ngɛ lejɛ ɔmɛ lo? Aloo pe nyɛ ngɛ hlae nɛ nyɛɛ gbe Mawu asafo ɔ he guɛ, nɛ nyɛ pue ni nɛmɛ nɛ be nɔ́ ko ɔ a hɛ mi si? Kɛ ma de nyɛ kɛɛ? Ma je nyɛ yi lo? Dɛbi, i be nyɛ yi jee!

1 Korintobi 15:2

Ke nyɛ pɛtɛ sane kpakpa a he wawɛɛ kaa bɔ nɛ i fiɛ tsɔɔ nyɛ ɔ, a ma he nyɛ yi wami. Ke pi jã lɛɛ nyɛ he ye yaka gu.

1 Korintobi 4:17

I ngɛ Timoteo nyɛ ngɔ tsɔe ngɛ enɛ ɔ he. E ngɛ kaa imi nitsɛ ye bi fɔfɔɛ; e yeɔ mi anɔkuale, nɛ i suɔ lɛ, ejakaa e le Kristo. Ke Timoteo ba a, e ma kai nyɛ bɔ nɛ i plɛ kɛ ngɛ Yesu Kristo se nyɛɛe ha, kaa bɔ nɛ a naa ngɛ ye ní tsɔɔmi mi ngɛ asafo ɔmɛ a mi he tsuaa he ɔ.

1 Korintobi 7:17

Nike ní nɛ Nyɔmtsɛ Yesu ha nɔ ko loko Mawu ba tsɛ lɛ ɔ, é ya nɔ nɛ e tsu he ní kaa bɔ nɛ e peeɔ ɔ. Enɛ ɔ nɛ i tsɔɔ ngɛ asafo ɔmɛ tsuo a mi.

1 Tesalonikabi 1:6

Nyɛ kase waa kɛ Nyɔmtsɛ ɔ tsuo, ejakaa benɛ a ngɛ nyɛ yi mi wae ɔ, Mawu Klɔuklɔu ɔ wo nyɛ he wami, nɛ nyɛɛ kɛ bua jɔmi he sɛ gbi ɔ.

1 Tesalonikabi 3:6

Amlɔ nɛ ɔ, Timoteo kpale kɛ ba, nɛ e ba bɔ wɔ amaniɛ saminyayoo nɛ kɔɔ nyɛ hemi kɛ yemi, kɛ nyɛ suɔmi ɔ he. E ba de wɔ ke nyɛ susuɔ wa he daa nɛ, nɛ nyɛ hɛ jaa ngɛ wa he kaa bɔ nɛ wɔ hu wa hɛ jaa ngɛ nyɛ he ɔ.

2 Tesalonikabi 2:15

Lɔ ɔ he ɔ, nyɛmimɛ, nyɛɛ da si kpɛii! Anɔkuale ɔ nɛ wa tsɔɔ nyɛ ɔ, níhi nɛ wa de nyɛ, kɛ ní nɛmɛ nɛ wa ngma nyɛ ɔ, nyɛɛ pɛtɛ he wawɛɛ.

2 Tesalonikabi 3:6

Nyɛmimɛ, wa ngɛ nyɛ fae ngɛ wa Nyɔmtsɛ Yesu biɛ mi ke nyɛɛ kɛ nihi nɛ tsu we ní, kɛ ni nɛmɛ nɛ bɛ a je mi saminya kaa bɔ nɛ wa tsɔɔ mɛ ɔ kó bɔ.