1 Korintobi 10:7 - BAIBLO ALOO NGMAMI KLƆUKLƆU Ɔ

⁷ Nyɛ ko ja amaga kaa bɔ nɛ a ti ni komɛ pee ɔ. Kaa bɔ nɛ ngmami ɔ deɔ ɔ, “Ma a pue si, nɛ a ye ní, nɛ a nu ní, nɛ a fiɛ yakayaka fiɛmihi.”

Somi He Ɔ

⁷ Jehanɛ hu nyɛ ko plɛ amaga jali kaa a ti ni komɛ pee ɔ, kaa bɔ nɛ a ngma a ke: “Ma a be hi si, nɛ a ye ni, nɛ a nu da, kɛkɛ nɛ a te si nɛ a bɔni fiɛmi.”

1 Korintobi 10:7 ပူးပေါင်းရင်းမြစ်များ

1 Korintobi 6:9

Anɛ nyɛ li kaa yayami peeli be blɔ nya ko ngɛ Mawu matsɛ yemi ɔ mi lo? Nyɛ ko sisi nyɛ he! Yaholi, loo amaga jali, loo gba puɛli, loo nyumuhi kɛ yihi sɔuu nɛ kɛ a sibi peeɔ yakayaka ní,

1 Korintobi 10:14

Lɔ ɔ he ɔ, ye huɛmɛ nɛ i suɔ, nyɛɛ yu nyɛ he kɛ je amaga jami he kulaa.

Mose V, 9:12

“Kɛkɛ nɛ Yawɛ de mi ke, ‘Kple si kɛ je yo ɔ nɔ esɔ; o ma a nɛ o ya je kɛ je Egipt ɔ tla blɔ momo, nɛ a pee yayami. Amlɔ nɛ ɔ nɔuu ɔ, a gba kɛ je nɔ́ nɛ i fa mɛ ke a pee ɔ he; a puɛ amaga, nɛ a ngɛ lɛ jae.’

1 Korintobi 5:11

Nɔ́ nɛ i ngɛ tsɔɔe mohu ji, ke nɔ ko tsɛɔ e he Kristo se nyɛɛlɔ, nɛ e fiɛɔ nyumu kɛ yo yakayaka fiɛmi, loo e hɛ tsuɔ, loo e jaa wɔ, loo e jɛɔ nɔ, loo e tɔɔ dã, loo e juɔ ɔ, nyɛɛ kɛ lɛ ko bɔ. Nyɛɛ kɛ lɛ ko ye ní tete po.

1 Yohane 5:21

Ye bimɛ nɛ i suɔ! Nyɛɛ hyɛ nyɛ he nɛ hi ngɛ amagahi a he!

Mose II, 32:19

Benɛ Mose miɔ nɛ e maa su ma a sito he ɔ, nɛ́ e na na bi ɔ, kɛ ni ɔmɛ nɛ a ngɛ doe ɔ, e mi mi fu; nɛ e kɛ tɛ tɛtlɛɛ ɔmɛ nɛ e hɛɛ ngɛ e dɛ mi ɔ fia si ngɛ yo ɔ sisi, nɛ e ywia mɛ.

Mose II, 32:17

Benɛ ma a hwɔ lele nɛ Yoshua nu he ɔ, e de Mose ke, “Moo bu tue! A ngɛ ta hwue ngɛ ma a sito he ɔ.”

Mose II, 32:4

E he tue nya ní ɔmɛ ngɛ a dɛ nɛ e sile, nɛ e plɛ sika tsu nyu ɔ kɛ wo tso nɛ a kpɛ́ mi, nɛ e kɛ pee sika tsu na bi. Kɛkɛ nɛ ma a de ke, “Israel, o mawu ɔ nɛ je mo kɛ je Egipt zugba a nɔ ɔ, lɛ ji nɛ ɔ nɛ!”

1 Korintobi 8:7

Se pi nɔ tsuaa nɔ nɛ le anɔkuale nɛ ɔ. Kɛ ba si mwɔnɛ ɔ, ni komɛ susuɔ kaa amagahi ngɛ wami mi; a susuɔ kaa ke a ha amagahi ní ɔ, mawuhi nɛ a ha ní ɔ nɛ. Enɛ ɔ he je ɔ, ke a ye kikɛmɛ a ní ɔ, a he nile haoɔ mɛ, ejakaa a susuɔ kaa niye ní ɔ ma ble mɛ.

Ni Tsumi 15:20

Mohu ɔ, waa ngma mɛ womi ke a ko ye niye ní nɛ he tsɔ we, a ko ye wɔ nya lo, a hyɛ a he nɔ saminya, nɛ a ko fiɛ nyumu kɛ yo yakayaka fiɛmi. A nyɛ lohwehi nɛ a kika a kuɛ kɛ gbe mɛ, nɛ a ko ye lo nɛ muɔ ngɛ mi kɛ mwɔɔ.