1 Korintobi 10:5 - BAIBLO ALOO NGMAMI KLƆUKLƆU Ɔ

⁵ Se enɛ ɔ tsuo se ɔ, Mawu na we a ti nihi fuu a he tsui. Lɔ ɔ he ɔ, a kpata a hɛ mi ngɛ nga a nɔ.

Somi He Ɔ

⁵ Se kɛ̃ ɔ Mawu na we a ti nihi fuu a he tsui, ejakaa a kpata a hɛ mi ngɛ nga a nɔ.

1 Korintobi 10:5 ပူးပေါင်းရင်းမြစ်များ

Hebribi 3:17

Mɛnɔmɛ lɛ Mawu mi mi fu mɛ jeha nyingmi eywiɛ sɔuu ɔ? Anɛ pi mɛ ji nihi nɛ pee yayami nɛ a fiaa si gbo ngɛ nga a nɔ ɔ lo?

Yuda 1:5

Nyɛ le enɛ ɔ momo lɛɛ, se i suɔ kaa ma kai nyɛ. Benɛ Nyɔmtsɛ ɔ jé Israel bi ɔmɛ si kake nyɔngloo kɛ je Egipt se ɔ, e kpata ni nɛmɛ nɛ he we yi ɔ a hɛ mi.

Mose IV, 14:37

Yawɛ ha gbenɔ hiɔ ba fia mɛ nɛ a gbo.

La 106:26

Enɛ ɔ he je ɔ, e wo e nine nɔ nɛ e ka mɛ kita kaa e ma kpata a hɛ mi ngɛ nga a nɔ,

La 95:11

Ye mi mi wo la, nɛ i ka kita ke, ‘He nɛ i to nɛ a ya jɔɔ a he ngɛ ɔ, ke a nane ma lejɛ ɔ fii!’ ”

La 90:1

Nyɔmtsɛ, mo ji wa wesa he ngɛ yi nɔhi tsuo a mi.

Mose IV, 14:22

nihi tsuo nɛ na ye hɛ mi nyami, kɛ okadihi nɛ i pee ngɛ Egipt kɛ nga a nɔ, se kɛ̃ a ka mi si nyɔngma sɔuu, nɛ a bui ye gbi tue ɔ,

Mose V, 2:14

Be nɛ e ngɔ wɔ kɛ nyɛɛ kɛ je Kadesh Barnea kɛ ba su be nɛ wa po Zered pa a pee jeha nyingmi etɛ kɛ kpaanyɔ. Jamɛ a yi nɔ bi ta buli ɔmɛ tsuo pɛpɛɛpɛ gbo kaa bɔ nɛ Yawɛ ka mɛ kita a.

Ezekiel 20:36

Ma kojo nyɛ nɛ ma bu nyɛ fɔ kaa bɔ nɛ i pee nyɛ nɛmɛ ɔmɛ ngɛ Sinai nga a nɔ ɔ.” Nyɔmtsɛ Yawɛ lɛ de.