1 Korintobi 10:26 - BAIBLO ALOO NGMAMI KLƆUKLƆU Ɔ

²⁶ Ejakaa ngmami ɔ ke, “Je ɔ, kɛ e mi níhi tsuo ɔ, Nyɔmtsɛ ɔ nɔ́.”

Somi He Ɔ

²⁶ ejakaa “zugba a kɛ e mi ni ɔmɛ kulaa a, Nyɔmtsɛ ɔ nɔ ʼi.”

1 Korintobi 10:26 ပူးပေါင်းရင်းမြစ်များ

La 24:1

Je ɔ, Yawɛ nɔ́. Zugba a, kɛ e mi ní, kɛ nimli nɛ ngɛ zugba a nɔ ɔ, Yawɛ níhi ji mɛ tsuo.

Mose II, 19:5

Lɔ ɔ he ɔ, ke nyɛ maa bu ye gbi tue, nɛ nyɛ maa ye ye somi ɔ nɔ ɔ, lɛɛ nyɛ maa pee imi nitsɛ ye ma titli pe ma amɛ kulaa; ejakaa je ɔ tsuo ye nɔ́ ji mɛ.

La 50:12

“Ke hwɔ ngɛ mi yee ɔ, i be nyɛ dee, ejakaa ye nɔ́ ji je ɔ kɛ e mi nɔ́ tsuaa nɔ́.

Hiob 41:11

Mɛnɔ lɛ e kɛ nyaka ya kpe kunɔ hyɛ nɛ e he je mi? Dɛbi! Je ɔ mi tsuo ɔ, nɔ ko nɔ ko be!

Mose V, 10:14

Yawɛ, nyɛ Mawu ɔ nɔ́ ji hiɔwe ploplooplo ɔ tsuo, zugba a, kɛ nɔ́ tsuaa nɔ́ nɛ ngɛ zugba a nɔ ɔ.

1 Timoteo 6:17

Niatsɛmɛ nɛ ngɛ nyɛ kpɛti ɔ, nyɛɛ a nɔ nɛ a ko wo a he nɔ. Á ko ngɔ a hɛ ngɔ fɔ ní nɛ a na a nɔ, ejakaa ní nami se maa po. Á ngɔ a hɛ ngɔ fɔ Mawu mohu nɔ. Lɛ nɛ e haa wɔ ní kpakpahi babauu nɛ wa yeɔ faa.

1 Korintobi 10:28

Se ke nɔ ko de nyɛ ke, “Niye ní nɛ ɔ, a kɛ sã bɔ ha amaga” a, lɔ ɔ lɛɛ nyɛ ko ye. Pi nyɛ nitsɛmɛ, loo nyɛ he nile he je nɛ i ngɛ nyɛ enɛ ɔ dee, se nɔ kpa a nɛ de nyɛ lo ɔ he sane ɔ, lɛ mohu e he nile he je.

Mose II, 9:29

Mose de lɛ ke, “Ke i je ma a mi pɛ ma wo ye nine nɔ ngɔ tsɔɔ Yawɛ. Hiɔwe simi ɔ se maa po, nɛ gbiɛ ngo ngu ɔ be nɛe hu, konɛ o na nɛ o le kaa Yawɛ nɔ́ ji je ɔ nɛ.

1 Timoteo 4:4

Nɔ́ tsuaa nɔ́ nɛ Mawu bɔ ɔ hi. Wa ko kua ekoeko; mohu ɔ, wa sɔ́le nɔ́ tsuaa nɔ́, nɛ waa na Mawu si ngɛ he.