1 Korintobi 10:23 - BAIBLO ALOO NGMAMI KLƆUKLƆU Ɔ

²³ Nyɛ deɔ ke, “Wa ngɛ he blɔ kaa wa peeɔ nɔ́ tsuaa nɔ́.” Saminya! Se pi nɔ́ tsuaa nɔ́ nɛ he ngɛ se nami. “Wa ngɛ he blɔ kaa wa peeɔ nɔ́ tsuaa nɔ́.” Niinɛ! Se pi nɔ́ tsuaa nɔ́ peemi nɛ ma ha Kristo asafo ɔ maa ya nɔ.

Somi He Ɔ

²³ “Wa ngɛ nihi tsuo he blɔ,” se pi nihi tsuo nɛ hi. “Wa ngɛ nihi tsuo he blɔ,” se pi nihi tsuo nɛ haa nɔ nane nuu si.

1 Korintobi 10:23 ပူးပေါင်းရင်းမြစ်များ

Romabi 14:15

Ke o ye niye ní ko, nɛ lɔ ɔ kɛ haomi ba o nyɛmi nɔ ɔ, lɛɛ o sume o nyɛmi ɔ. Ko ha ní nɛ o maa ye ɔ nɛ kpata o nyɛmi nɛ Kristo gbo ngɛ e he ɔ hɛ mi.

1 Korintobi 14:12

Akɛnɛ nyɛ nitsɛmɛ hu ja nɔuu kɛ̃ nyɛ hɛ dɔɔ ngɛ mumi mi níhi a he ɔ, nyɛɛ bɔ ní nɛmɛ nɛ ma ha asafo ɔ maa ya nɔ ɔ a he mɔde wawɛ.

1 Korintobi 14:17

Moo o ngɛ Mawu si nae saminya mohu, se nɔ kpa a lɛɛ o ha we nɛ e na he se ko kulaa.

1 Korintobi 14:26

Ye nyɛmimɛ, nɔ́ nɛ i ngɛ tsɔɔe ɔ ji, ke nyɛ nya ba bua kɛ ha Mawu jami ɔ, nyɛ ti nɔ kake nɛ je la, nɔ ko nɛ tsɔɔ ní, nɛ nɔ ko hu nɛ ha sɛ gbi nɛ je Mawu ngɔ. Nɔ kpa nɛ tu gbi slɔɔtohi, konɛ nɔ kpa ko hu nɛ tsɔɔ sisi. Nyɛɛ pee níhi tsuo ngɛ a blɔ nɔ kɛ ha asafo ɔ nɔ yami.

1 Korintobi 6:12

Nɔ ko ma de ke, “I ngɛ he blɔ nɛ i peeɔ nɔ́ tsuaa nɔ́ nɛ i suɔ nɛ mlaa ko mlaa ko tsí ye nya.” Ee, se tsa pi nɔ́ tsuaa nɔ́ nɛ hi ha mo. Imi hu i ko de ke i ngɛ he blɔ nɛ i peeɔ nɔ́ tsuaa nɔ́ nɛ i suɔ jã nɔuu. Se i be hae nɛ nɔ́ ko nɔ́ ko nɛ ye ye nɔ.

1 Korintobi 8:1

Jehanɛ ma suɔ nɛ ma de nɔ́ ko ngɛ kusumi lo nɛ a kɛ haa amaga he. E ngɛ mi niinɛ kaa “wɔ tsuo wa le ní,” kaa bɔ nɛ a deɔ ɔ. Se nile haa nɔ woɔ e he nɔ, nɛ suɔmi lɛɛ e woɔ nɔ he wami.

1 Korintobi 8:9

Nɔ́ nɛ hia kɛkɛ ji kaa nyɛɛ hyɛ nɛ hi nɛ nyɛ ko ngɔ he blɔ nɛ nyɛ ngɛ nɛ ɔ kɛ ye ní ɔ. Ke nyɛ pee jã a, nyɛ ma ha nɛ nyɛ nyɛmimɛ Kristo se nyɛɛli nɛ mɛɛ a hemi kɛ yemi mi wɛ ɔ maa pee yayami.

2 Korintobi 12:19

Nyɛ ko susu kaa pe wa ngɛ mɔde bɔe nɛ wa fa wa he ngɛ nyɛ hɛ mi kɛkɛ. Mawu ji wa we odase kaa wa ngɛ anɔkuale tue kaa Kristo tsɔli. Nyɛmimɛ nɛ wa suɔ! Nɔ́ tsuaa nɔ́ nɛ wa ngɛ pee ɔ, wa ngɛ pee nɛ wa kɛ ye bua nyɛ.

Efesobi 4:29

Munyu nɛ maa je nyɛ ti nɔ ko nya a, e ko pee nɔ́ nɛ ma puɛ nɔ, se mohu nɔ́ nɛ hi, nɛ e he hia, nɛ nɔ́ kpakpa ko maa je mi kɛ wo nɔ he wami. Kɛkɛ ɔ, e maa pee dloomi kɛ ha nihi nɛ ngɛ nyɛ tue bue ɔ.

1 Tesalonikabi 5:11

Lɔ ɔ he ɔ, nyɛɛ wo nyɛ sibi he wami, nɛ nyɛɛ ye bua nyɛ sibi kaa bɔ nɛ nyɛ ngɛ pee amlɔ nɛ ɔ.

1 Timoteo 1:4

De jamɛ a lakpa tsɔɔli ɔmɛ ke, sanehi nɛ be mi, kɛ weku kpa tslalaa se dimi ɔ, a jɔɔ be puɛmi ngɛ he. Ní nɛ ɔmɛ ɔ, nya sami nɛ se nami be he nɛ a kɛ baa; blɔ nya nɛ Mawu to kɛ ha wɔ ɔ lɛɛ ní nɛ ɔmɛ kɔ we he kulaa; hemi kɛ yemi kɛkɛ a kɛ leɔ.