1 Korintobi 10:16 - BAIBLO ALOO NGMAMI KLƆUKLƆU Ɔ

¹⁶ Nyɔmtsɛ ɔ niye ní kplu ɔ nɛ wa naa Mawu si ngɛ he ɔ, anɛ e ha we nɛ wɔ tsuo wa naa gbaami nɛ jeɔ Kristo muɔ mi ɔ eko lo? Jã kɛ̃ ke wa ku abolo ɔ nɛɛ, anɛ wɔ tsuo wa na we gbaami nɛ jeɔ Kristo nɔmlɔ tso ɔ mi ɔ eko lo?

Somi He Ɔ

¹⁶ Gbaami kplu ɔ nɛ wa gbaa a, anɛ pi waa kɛ Kristo kake peemi ngɛ e muɔ ɔ mi lo? Abolo nɛ wa kuɔ ɔ, anɛ pi waa kɛ Kristo kake peemi ngɛ e nɔmlɔ tso ɔ mi lo?

1 Korintobi 10:16 ပူးပေါင်းရင်းမြစ်များ

Luka 22:17

Kɛkɛ nɛ Yesu wo kplu, nɛ e na Mawu si, nɛ e de ke, “Nyɛ he nɛ nyɛ tsuo nyɛɛ nu.

Ni Tsumi 2:42

Nimli nɛ ɔmɛ kaseɔ ní be tsuaa be ngɛ bɔfo ɔmɛ a ngɔ; a kɛ mɛ peeɔ kake kɛ yeɔ ní, nɛ a kɛ peeɔ sɔlemi hulɔ.

Ni Tsumi 2:46

Daa ligbi ɔ, a ya kpee ngɛ sɔlemi we ɔ, nɛ a buaa a he nya kɛ ya kuɔ abolo ngɛ a sibi a we mi, nɛ a kɛ bua jɔmi nɛ je tsui mi faa yeɔ ní.

Ni Tsumi 20:11

Benɛ Paulo kpale e se kɛ ya mɔ ɔ nɔ ɔ, e ku abolo, nɛ e ye. Lɔ ɔ se ɔ, e kɛ ni ɔmɛ sɛɛ ní hluu kɛ ya si je mi tsɔ wɛsɛɛ; kɛkɛ nɛ e si mɛ.

Ni Tsumi 20:7

Otsi ɔ mi kekleekle ligbi ɔ, wa bua wa he nya, konɛ waa ye suɔmi niye ní ɔ. Paulo tu munyu tsɔɔ ni ɔmɛ, nɛ e tsa fiɛmi ɔ nɔ kɛ ya su nyɔ mi kɔ̃kɔ̃ɔ̃kɔ̃; ejakaa e nɔ jena nɔuu e maa je.

1 Korintobi 1:9

Mawu, nɔ nɛ kpee nyɛ ke nyɛɛ kɛ e Bi Yesu Kristo, wa Nyɔmtsɛ ɔ ba bɔ huɛ ɔ, anɔkualetsɛ ji lɛ.

1 Korintobi 10:15

I kɛ nyɛ ngɛ munyu tue kaa a kɛ juɛmitsɛmɛ tuɔ munyu; nɔ́ nɛ i ngɛ dee ɔ, nyɛ nitsɛmɛ nyɛ kɔ se.

1 Korintobi 12:13

Mawu ngɔ mumi kake ɔ nɔuu ngɔ wo wa tsui mi, nɛ wa ti nɔ tsuaa nɔ ba plɛ pee Kristo he nɔ́ ko, Yuda no jio, ma je no jio, nyɔguɛ jio, nɔ nɛ ye e he jio.

Hebribi 3:14

Ejakaa wa hɛ nɛ wa kɛ fɔ Kristo nɔ kɛ je sisije ɔ, ke wa hɛɛ mi kpɛii hluu kɛ ya si nyagbe ɔ, lɛɛ wa peeɔ nihi nɛ a kɛ Kristo pee kake.

1 Yohane 1:3

Nɔ́ nɛ wa na, kɛ nɔ́ nɛ wa nu ɔ, lɔ ɔ wa ngɛ fiɛe kɛ ngɛ nyɛ hae. Wa ngɛ enɛ ɔ pee, konɛ nyɛ ba piɛ wa he, nɛ waa kɛ Tsɛ ɔ, kɛ e Bi Yesu Kristo ɔ nɛ bɔ huɛ.

1 Yohane 1:7

Se ke wa ba wa je mi saminya ngɛ Mawu hɛ mi kaa bɔ nɛ lɛ Mawu ɔ e su ngɛ ɔ, lɔ ɔ lɛɛ waa kɛ wa sibi ngɛ huɛ bɔe. Kɛkɛ ɔ, e Bi Yesu Kristo muɔ ɔ maa tsukɔ wa he, nɛ e ma je wa he yayami ɔmɛ tsuo.