1 Korintobi 10:15 - BAIBLO ALOO NGMAMI KLƆUKLƆU Ɔ

¹⁵ I kɛ nyɛ ngɛ munyu tue kaa a kɛ juɛmitsɛmɛ tuɔ munyu; nɔ́ nɛ i ngɛ dee ɔ, nyɛ nitsɛmɛ nyɛ kɔ se.

Somi He Ɔ

¹⁵ I kɛ nyɛ ngɛ munyu tue kaa a kɛ ni leli tuɔ munyu; nyɛ nitsɛmɛ nyɛ kɔ nɔ nɛ i ngɛ dee ɔ se.

1 Korintobi 10:15 ပူးပေါင်းရင်းမြစ်များ

1 Tesalonikabi 5:21

Nyɛɛ ka nɔ́ tsuaa nɔ́ hyɛ. Nɔ́ nɛ hi ɔ, nyɛɛ pɛtɛ he nɛ wa;

1 Korintobi 8:1

Jehanɛ ma suɔ nɛ ma de nɔ́ ko ngɛ kusumi lo nɛ a kɛ haa amaga he. E ngɛ mi niinɛ kaa “wɔ tsuo wa le ní,” kaa bɔ nɛ a deɔ ɔ. Se nile haa nɔ woɔ e he nɔ, nɛ suɔmi lɛɛ e woɔ nɔ he wami.

1 Korintobi 14:20

Ye nyɛmimɛ, nyɛ ko susu nyɛ yi mi kaa jokuɛwi. Yayami peemi blɔ fa mi ɔ lɛɛ nyɛɛ pee nyɛ ní kaa jokuɛwi, se nyɛ susu nyɛ yi mi kaa nihi nɛ wa ngɛ mumi mi.

1 Korintobi 11:13

Kɛ nyɛ nitsɛmɛ nyɛ susuɔ kɛɛ? Anɛ e da kaa yo maa sɔle ha Mawu ngɛ ma hɛ mi, nɛ e hɛ́ e yi nɔ lo?

1 Korintobi 6:5

Anɛ juɛmitsɛ kake too be nyɛ kpɛti nɛ ma nyɛ maa hyɛ nyɛmimɛ a kpɛti sane mi ha mɛ lo?

1 Korintobi 4:10

Kristo he ɔ, wa plɛ kuasiahi, se nyɛɛ lɛɛ nyɛ ba pee ní leli! Wa gbɔjɔ, se nyɛɛ lɛɛ nyɛ he mi ba wa nyɛ! Nyɛ hɛ mi ba nyami, se wɔɔ lɛɛ wa hɛ mi pue si.

1 Korintobi 10:14

Lɔ ɔ he ɔ, ye huɛmɛ nɛ i suɔ, nyɛɛ yu nyɛ he kɛ je amaga jami he kulaa.

1 Korintobi 10:16

Nyɔmtsɛ ɔ niye ní kplu ɔ nɛ wa naa Mawu si ngɛ he ɔ, anɛ e ha we nɛ wɔ tsuo wa naa gbaami nɛ jeɔ Kristo muɔ mi ɔ eko lo? Jã kɛ̃ ke wa ku abolo ɔ nɛɛ, anɛ wɔ tsuo wa na we gbaami nɛ jeɔ Kristo nɔmlɔ tso ɔ mi ɔ eko lo?