1 Korintobi 10:14 - BAIBLO ALOO NGMAMI KLƆUKLƆU Ɔ

¹⁴ Lɔ ɔ he ɔ, ye huɛmɛ nɛ i suɔ, nyɛɛ yu nyɛ he kɛ je amaga jami he kulaa.

Somi He Ɔ

¹⁴ Lɔ ɔ he ɔ, mamimɛ, nyɛɛ tu wɔ jami nya fo!

1 Korintobi 10:14 ပူးပေါင်းရင်းမြစ်များ

Kpojemi 21:8

Se fɔ̃li, nihi nɛ he we yi, nihi nɛ peeɔ níhi nɛ a hiee, nɔmlɔ gbeli, yaholi, nyuali, wɔ jali, kɛ lakpatsɛmɛ tsuo lɛɛ he nɛ fɔɔ si ha mɛ ji taku kɛ e mi la nɛ ngɛ tsoe gegeege ɔ. Lɔ ɔ ji gbenɔ enyɔne ɔ nɛ.”

1 Yohane 5:21

Ye bimɛ nɛ i suɔ! Nyɛɛ hyɛ nyɛ he nɛ hi ngɛ amagahi a he!

1 Petro 2:11

Nyɛmimɛ nɛ i suɔ! I ngɔ sane nɛ ɔ kɛ ngɛ nyɛ hɛ mi fɔe kaa nibwɔhi, kɛ blɔ hiali ngɛ je nɛ ɔ mi. Nyɛ ko ya di he lo mi níhi a se, ejakaa a kɛ nyɛ klaa ngɛ ta hwue daa.

Kpojemi 22:15

Se ni nɛ ɔmɛ lɛɛ a be mɛ blɔ hae nɛ a sɛ ma a mi: gbe ɔmɛ, nyuali ɔmɛ, nihi nɛ fiɛɔ yo kɛ nyumu yakayaka fiɛmi ɔ, nɔmlɔ gbeli ɔmɛ, amaga jali ɔmɛ, kɛ nihi nɛ suɔ lakpa yemi ɔ.

2 Korintobi 7:1

Siwohi nɛ wa na kɛ je Mawu dɛ mi ji nɛ ɔmɛ nɛ. Lɔ ɔ he ɔ, ye nyɛmimɛ nyɛ ha wa je níhi tsuo nɛ woɔ wa nɔmlɔ tso, kɛ mumi he mu kɛ ya se, konɛ wa he nɛ tsɔ kulaa kɛ hi si ngɛ Mawu gbeye yemi nya.

2 Korintobi 6:17

Lɔ ɔ he ɔ, Nyɔmtsɛ ɔ ke, “Nyɛɛ je a kpɛti, nɛ nyɛ tsɔ nyɛ he kɛ je a he. Nyɛ ko ta nɔ́ ko nɛ he tsɔ we he; nɛ ma he nyɛ atuu.

Kpojemi 13:8

Nihi tsuo nɛ ngɛ je ɔ mi ɔ ma ja lɛ. Ni nɛmɛ nɛ a ngma a biɛ kɛ wo hɛ kali a womi ɔ mi loko a bɔ je ɔ, mɛ pɛ lɛ a be lɛ jae. To bi ɔ nɛ a gbe ɔ nɔ́ ji jamɛ a womi ɔ.

Kpojemi 2:14

Se kɛ̃ ɔ, i kɛ mo ngɛ sane bɔɔ ko. Ni komɛ ngɛ nyɛ kpɛti nɛ ya wo Balaam tsɔɔmi ɔ. Balam lɛ tsɔɔ Balak kaa e tsɔ Israel bi ɔmɛ klama nɛ a ye wɔ nya lo, nɛ a fiɛ yo kɛ nyumu yakayaka fiɛmi.

1 Korintobi 10:7

Nyɛ ko ja amaga kaa bɔ nɛ a ti ni komɛ pee ɔ. Kaa bɔ nɛ ngmami ɔ deɔ ɔ, “Ma a pue si, nɛ a ye ní, nɛ a nu ní, nɛ a fiɛ yakayaka fiɛmihi.”

2 Korintobi 11:11

Mɛni he je nɛ i ngɛ enɛ ɔ dee? Pe i sume nyɛ lo? Dɛbi, Mawu le kaa i suɔ nyɛ.

Romabi 12:19

Ye huɛmɛ, nyɛ ko ye nyɛ nitsɛmɛ nyɛ he lue, se mohu nyɛɛ ngmɛ Mawu blɔ nɛ e kɛ e mi mi la nɛ pee. Ejakaa ngmami ɔ deɔ ke, “Ye nɔ ji lue yemi; Imi ma pee kɛ to nane mi. Nyɔmtsɛ ɔ lɛ de.”

Filipibi 4:1

Ye nyɛmimɛ, nyɛɛ hyɛ bɔ nɛ i suɔ nyɛ ha! Nyɛɛ hyɛ bɔ nɛ ye hɛ ngɛ jae ngɛ nyɛ he ha! Nyɛ lɛ nyɛ haa mi bua jɔmi; nyɛ ngɛ kaa jlasi ngɛ ye yi! Ye nyɛmimɛ nɛ i suɔ. Kaa nihi nɛ ngɛ Nyɔmtsɛ ɔ mi ɔ, kikɛ nɛ ɔ pɛ ji bɔ nɛ sa nɛ nyɛɛ ba nyɛ je mi.

2 Korintobi 12:15

Ma suɔ kaa ma ngɔ níhi tsuo nɛ i ngɛ ɔ, kɛ ye nɔmlɔ tso ɔ tete ngɔ ha nɛ ma kɛ ye bua nyɛ. Ke i suɔ nyɛ babauu kikɛ nɛ ɔ, e sɛ kaa nyɛ hu nyɛɛ suɔ mi jã lo?

Filemon 1:1

Imi Paulo nɛ a wo mi tsu ngɛ Kristo Yesu he ɔ, kɛ wa nyɛmi Timoteo ngma womi nɛ ɔ kɛ ya ha Filemon, wa suɔlɔ, kɛ wa huɛ nɛ waa kɛ lɛ tsuɔ ní ɔ,

2 Korintobi 12:19

Nyɛ ko susu kaa pe wa ngɛ mɔde bɔe nɛ wa fa wa he ngɛ nyɛ hɛ mi kɛkɛ. Mawu ji wa we odase kaa wa ngɛ anɔkuale tue kaa Kristo tsɔli. Nyɛmimɛ nɛ wa suɔ! Nɔ́ tsuaa nɔ́ nɛ wa ngɛ pee ɔ, wa ngɛ pee nɛ wa kɛ ye bua nyɛ.

Ni Tsumi 15:20

Mohu ɔ, waa ngma mɛ womi ke a ko ye niye ní nɛ he tsɔ we, a ko ye wɔ nya lo, a hyɛ a he nɔ saminya, nɛ a ko fiɛ nyumu kɛ yo yakayaka fiɛmi. A nyɛ lohwehi nɛ a kika a kuɛ kɛ gbe mɛ, nɛ a ko ye lo nɛ muɔ ngɛ mi kɛ mwɔɔ.

1 Korintobi 5:11

Nɔ́ nɛ i ngɛ tsɔɔe mohu ji, ke nɔ ko tsɛɔ e he Kristo se nyɛɛlɔ, nɛ e fiɛɔ nyumu kɛ yo yakayaka fiɛmi, loo e hɛ tsuɔ, loo e jaa wɔ, loo e jɛɔ nɔ, loo e tɔɔ dã, loo e juɔ ɔ, nyɛɛ kɛ lɛ ko bɔ. Nyɛɛ kɛ lɛ ko ye ní tete po.

1 Korintobi 10:15

I kɛ nyɛ ngɛ munyu tue kaa a kɛ juɛmitsɛmɛ tuɔ munyu; nɔ́ nɛ i ngɛ dee ɔ, nyɛ nitsɛmɛ nyɛ kɔ se.

1 Korintobi 10:19

Lɛɛ kɛ i ngɛ tsɔɔe kɛɛ ɔ? Kaa amaga, loo niye ní nɛ a haa amaga a he hia lo?

Hebribi 6:9

Wa huɛmɛ nɛ wa suɔ, ke wa ngɛ munyu tue kaa kikɛ nɛ ɔ po, nyɛɛ lɛɛ wa heɔ nyɛ yeɔ kaa nyɛ ngɛ nɔ́ kpakpa pee, nɛ lɔ ɔ ma ha nɛ Mawu ma he nyɛ yi wami.