1 Korintobi 10:13 - BAIBLO ALOO NGMAMI KLƆUKLƆU Ɔ

¹³ Kahi nɛ baa nyɛ nɔ ɔ, ekoeko be nɛ bɛ adesa nɔ hyɛ. Se Mawu yeɔ e siwo nɔ, nɛ e be hae nɛ a ka nyɛ pe bɔ nɛ nyɛ ma nyɛ. Ke ka ba nyɛ nɔ ɔ, Mawu ma ha nyɛ he wami nɛ nyɛ kɛ da nya, konɛ nyɛɛ je mi.

Somi He Ɔ

¹³ Ka ko bɛ nyɛ nɔ nɛ pi nɔmlɔ he nɔ́; se anɔkualetsɛ ji Mawu, nɔ nɛ be hae nɛ a ka nyɛ pe bɔ nɛ nyɛ ma nyɛ, se mohu e kɛ ka a nɔuu maa je blɔ ha nyɛ nɛ nyɛɛ je mi hulɔ, konɛ nyɛ nyɛ nya nɛ nyɛɛ da.

1 Korintobi 10:13 ပူးပေါင်းရင်းမြစ်များ

2 Petro 2:9

Lɔ ɔ he ɔ, Nyɔmtsɛ ɔ le bɔ nɛ e peeɔ nɛ e jeɔ nimli kpakpahi kɛ jeɔ ka mi. E le bɔ nɛ e peeɔ kɛ hii nimli yayamihi a tue gblae hluu kɛ yaa su kojomi ligbi ɔ tɔɔ.

2 Timoteo 4:18

Nyɔmtsɛ ɔ ma je mi kɛ maa je ní yayamihi tsuo a mi, nɛ e kɛ mi maa ya hiɔwe he nɛ e ngɛ matsɛ yee ngɛ ɔ fiafiaafia. A maa wo e hɛ mi nyami kɛ maa ya neneene. Amen.

2 Tesalonikabi 3:3

Se Nyɔmtsɛ ɔ yeɔ anɔkuale. E maa wo nyɛ he wami, nɛ e maa bu nyɛ he, nɛ dikalɔ ɔ be nyɛe maa pee nyɛ nɔ́ ko.

Hebribi 12:4

Ta nɛ nyɛɛ kɛ yayami ngɛ hwue nɛ ɔ, nyɛ sui he nɛ a ma de ke a ma pue nyɛ muɔ si ngɛ ɔ lolo.

1 Tesalonikabi 5:24

Nɔ nɛ tsɛ nyɛ ɔ, anɔkualetsɛ ji lɛ; nɛ e maa pee hulɔ.

Luka 22:46

E de mɛ ke, “Mɛni he je nyɛ ngɛ mahe hwɔe ɔ? Nyɛɛ te si nɛ nyɛɛ sɔle, konɛ nyɛ ko sɛ ka mi.”

Yeremia 29:11

Yi mi nɛ i to ngɛ nyɛ he ɔ, imi nɔ kake too pɛ lɛ i le; i to nɛ ma ha nɛ nyɛ he mi nɛ jɔ nyɛ, se pi kaa ma hao nyɛ. Ní kpakpahi nɛ nyɛ ngɛ blɔ hyɛe ɔ, i to nɛ ma ha nyɛ.

Daniel 3:17

Mawu nɛ ma nyɛ je wɔ kɛ je flɔɔnɔɔ kɛ e mi la nɛ ngɛ tsoe gegeege ɔ mi ɔ ji Mawu nɛ wa sɔmɔɔ ɔ nɛ; lɛ nɛ e ma je wɔ kɛ je o dɛ mi ɔ nɛ.

Mose V, 7:9

Nyɛ na nɛ nyɛɛ le kaa Yawɛ, nyɛ Mawu ɔ, lɛ pɛ ji Mawu, nɛ e yeɔ anɔkuale. E maa ye e somi nɔ, nɛ e ma je e suɔmi nɛ ngɛ daa a kpo kɛ tsɔɔ yi nɔhi akpe abɔ nɛ suɔ lɛ, nɛ a yeɔ e mlaa amɛ a nɔ ɔ,

2 Korintobi 1:10

Mawu nɛ́ je wɔ kɛ je gbenɔ muɔ nya kaa kikɛ nɛ ɔ ngɛ wɔ jee kɛ mwɔɔ; nɛ e ma je wɔ ekohu. Wa ngɔ wa hɛ kɛ fɔ e nɔ kaa e maa kpale je wɔ kulaa.

Kpojemi 3:10

I wo mo mlaa ke o to o tsui si ngɛ nɔ́ nami mi; nɛ o ye nɔ. Enɛ ɔ he je ɔ, amanehlu nguaa a nɛ ma je ɔ tsuo nɔ ɔ, ke be ɔ su ɔ, imi hu ma ha nɛ o maa ye o he. Ee, a kɛ amanehlu nɛ ɔ maa ka nihi tsuo ngɛ je ɔ mi.

Kɔmɔ Yemi 3:23

Ní nɛ ɔmɛ peeɔ ehe daa mɔtu. Yawɛ we anɔkuale yemi ɔ kle.

Kpojemi 2:10

Koo ye amanehlu nɛ ma o nɔ ɔ gbeye! Hyɛ! Abosiami miɔ nɛ e maa wo nyɛ ti ni komɛ tsu, konɛ a kɛ ka nyɛ; nɛ nyɛ maa na nɔ́ ligbi nyɔngma. Ye mi anɔkuale kɛ yaa si gbenɔ mi tete po, nɛ ma ha mo wami kaa kunimi nɛ o ye ɔ he jlasi.

1 Petro 4:19

Lɔ ɔ he ɔ, ni nɛmɛ nɛ naa amanehlu, akɛnɛ lɔ ɔ ji nɔ́ nɛ Mawu to ha mɛ ɔ, a ya nɔ nɛ a pee kpakpa, nɛ a ngɔ a hɛ ngɔ fɔ a bɔlɔ ɔ nɔ kulaa. Lɛɛ ke e wo si ɔ, e yeɔ nɔ.

1 Yohane 1:9

Se ke wa jaje wa he yayami ɔmɛ ha Mawu ɔ, e maa ye e siwo ɔ nɔ, nɛ e maa pee bɔ nɛ sa. E kɛ wa he yayami ɔmɛ maa pa wɔ; e maa tsu wa he, nɛ e ma je ní yayahi nɛ wa pee ɔ tsuo.

1 Korintobi 1:9

Mawu, nɔ nɛ kpee nyɛ ke nyɛɛ kɛ e Bi Yesu Kristo, wa Nyɔmtsɛ ɔ ba bɔ huɛ ɔ, anɔkualetsɛ ji lɛ.

Hebribi 11:11

Hemi kɛ yemi lɛ ha Abraham na he wami nɛ a kɛ fɔɔ bi be mi nɛ e bwɔ, nɛ Sara nitsɛ hu pee yosa, ejakaa e bu nɔ nɛ wo lɛ si ɔ anɔkualetsɛ.

Hebribi 10:23

Nɔ́ nɛ wa ngɔ wa hɛ ngɔ fɔ nɔ, nɛ wa yeɔ he odase ɔ, nyɛ ha waa pɛtɛ he nɛ wa nɛ wa ko mimiɛ, ejakaa Mawu nɛ wo si ɔ, anɔkualetsɛ ji lɛ.

Luka 11:4

Kɛ wa he yayami ɔmɛ nɛ pa wɔ; ejakaa wɔ hu waa kɛ paa nɔ tsuaa nɔ nɛ tɔɔ wa nɔ. Nɛ ko ha nɛ a ka wɔ.’ ”

La 125:3

Yiwutsotsɛmɛ be nihi nɛ peeɔ nɔ́ nɛ da a a zugba nɔ yee daa, ke pi ja a, dali po maa pee yayami.

Hebribi 6:18

E tsɔɔ kaa nɔ́ enyɔ nɛ ɔmɛ be tsakee gblegbleegble, nɛ Mawu hu be a he lakpa yee. Kɛkɛ ɔ, kɛ gu a nɔ ɔ, wɔ nihi nɛ wa ba sa we ngɛ Mawu ngɔ ɔ, e maa wo wɔ he wami, konɛ waa pɛtɛ nɔ́ nɛ wa ngɔ wa hɛ ngɔ fɔ nɔ ɔ he nɛ wa.

La 124:7

Wa je a dɛ mi kaa bɔ nɛ lohwe pɛlitsɛ jee ya mi; ya a gba, nɛ wa je mi slɔkee.

Yesaya 11:5

Dami sane yemi, kɛ anɔkuale yemi ji níhi nɛ e kɛ maa ye ma a nɔ.

La 89:33

Se kɛ̃ ɔ, suɔmi nɛ i ngɛ kɛ ha mɛ ɔ, jamɛ a suɔmi ɔ be tae gblegbleegble; si ko nɛ i wo David ɔ hu, i be ye nya se kpalee.

Mose II, 3:17

nɛ i ngɛ si woe kaa ma je nyɛ kɛ je Egipt nɔ́ nami ɔ mi, kɛ ya zugba nɛ kle, nɛ baa ní nɔ. Kanaan bi, Hit bi, Amor bi, Periz bi, Hiv bi, kɛ Yebus bi a hi he ɔ i ngɛ tsɔɔe ɔ nɛ.’

Kpojemi 19:11

Jehanɛ ɔ, i na nɛ a bli hiɔwe nya, kɛkɛ nɛ ma hyɛ ɔ, okpɔngɔ hiɔ ko ji nɛ. Nɔ nɛ hii si ngɛ nɔ ɔ biɛ ji Anɔkualetsɛ kɛ Dalɔ; dami nya e kojoɔ, nɛ e hwuɔ ta.

Hosea 2:20

Ma ye ye siwo ɔ nɔ, nɛ ma ngɔ mo kɛ pee ye nɔ́, nɛ mo hu o ma tsɛ mi ke Yawɛ.

Yesaya 25:1

Yawɛ, mo ji ye Mawu; ma wo o hɛ mi nyami, nɛ ma je o biɛ ɔ yi; ejakaa o tsu nyakpɛ níhi. O yi mi tomi ɔmɛ nɛ o to blema lokoo ɔ, o ye a nɔ pɛpɛɛpɛ.

Luka 16:26

Se enɛ ɔ tsuo se ɔ, dɔ nguaa ko ngɛ waa kɛ nyɛ wa kpɛti, konɛ nɔ ko kó nyɛ nɛ e je wa ngɔ kɛ ya nyɛ ngɔ, loo e je nyɛ ngɔ kɛ ba wa ngɔ.’

Yeremia 12:5

Yawɛ de mi ke, “Yeremia, ke o kɛ nɔmlɔ adesa ka fo nɛ o nyɛ we lɛ ɔ, kɛ o maa pee kɛɛ nɛ o kɛ okpɔngɔ maa ka fo? Ke o ngɛ si tɛe nɛ o ngɛ si nɔe ngɛ zugba kpakpa nɔ ɔ, Yordan hue ɔ mi lɛɛ kɛ o maa pee kɛɛ?

Yesaya 49:7

Nɔ nɛ a gbe e he guɛ wawɛɛ, nɛ je ma amɛ sume e sane saasaa a, nɔ yeli ɔmɛ a tsɔlɔ ɔ, bɔ nɛ Israel yi wami helɔ, kɛ Israel Mawu Klɔuklɔu ɔ ngɛ dee ngɛ e he ji nɛ ɔ nɛ: “Matsɛmɛ maa na mo, nɛ a maa te si ha mo; ganɔhi maa na, nɛ a ma kpla si ha mo kɛ wo o hɛ mi nyami.” Nɔ́ nɛ ɔ maa ba mi, ejakaa Yawɛ nitsɛ lɛ hla e tsɔlɔ ɔ nɛ; Israel Mawu klɔuklɔu ɔ yeɔ e siwo nɔ sisiisi.

Ni Tsumi 27:44

ni nɛmɛ nɛ piɛ ɔ, a ti ni komɛ nɛ a bu gbegbelihi a nɔ, nɛ ni komɛ hu a kpla lɛ ɔ he kɛ ya nu kpo. Bɔ nɛ pee nɛ mɛ tsuo a ya su kpo slɔkee ji nɛ ɔ nɛ.

La 36:5

Yawɛ, o suɔmi nɛ be nyagbe ɔ kle agbo kaa hiɔwe ɔ tsuo. O we anɔkuale yemi ɔ ya suu bɔku ɔmɛ a he tɔɔ.

Mateo 6:13

Nɛ o kɛ wɔ ko ya ka mi; se mohu, je wɔ kɛ je nɔ yayami ɔ dɛ mi.’

Samuel I, 29:10

Lɔ ɔ he ɔ, David, hwɔɔ mɔtu ɔ, o kɛ Saul tsɔli ɔmɛ tsuo nɛ piɛ o he ɔ maa te si mla; nɛ benɛ je mi ke e tsɔɔ ɔ, kɛkɛ nyɛ je hiɛ ɔ.”