1 Korintobi 10:11 - BAIBLO ALOO NGMAMI KLƆUKLƆU Ɔ

¹¹ Níhi nɛ ba a nɔ ɔ peeɔ okadi kɛ ha ni kpahi. A ngma ní nɛ ɔmɛ kɛ ngɛ wɔ kɔkɔ bɔe, ejakaa be nɛ wa ngɛ mi nɛ ɔ kɛ nyagbe be ɔ kɛ we kulaa.

Somi He Ɔ

¹¹ A pee mɛ enɛ ɔmɛ kulaa nɛ a kɛ to okadi ha ni kpahi; nɛ a ngma kaa kɔkɔ bɔmi nɔ́ kɛ ha wɔ, wɔ nihi nɛ je ɔ nyagbe ligbi ɔmɛ na wɔ ɔ;

1 Korintobi 10:11 ပူးပေါင်းရင်းမြစ်များ

Mose I, 19:35

Lɔ ɔ he ɔ, jamɛ a nyɔ ɔ mi ɔ, a ha a tsɛ ɔ wai ekohu, nɛ Kɔkɔ ɔ hu ho nɛ e kɛ lɛ ya hwɔ. Nɛ kaa bɔ nɛ e ba mi kekle ɔ, Lot tɔ dã saminya, nɛ e li nɔ́ nɛ ya nɔ: e li be nɛ e biyo ɔ ba hwɔ e se, kɛ be nɛ e te si kɛ je.

La 102:18

A maa ngma nɔ́ nɛ ɔ kɛ to ha yi nɔ bi nɛ maa ba ngɛ se, konɛ nihi nɛ a na we nɛ a fɔ mɛ lolo ɔ nɛ a ba je Yawɛ yi.

Ezekiel 5:15

“Ke ye mi mi fu, nɛ ye hɛ dɔ, nɛ i gbla nyɛ tue kikɛ ɔ, je ma amɛ nɛ bɔle nyɛ ɔ tsuo maa ye gbeye; a maa hie nyɛ, nɛ a maa ye nyɛ he fɛu.

Mateo 13:39

He nyɛlɔ ɔ nɛ du hu ɔ ji Abosiami. Ngma kpami be ɔ ji je nɛ ɔ nyagbe, nɛ ngma kpali ɔmɛ ji hiɔwe bɔfo ɔmɛ.

Mateo 13:40

Bɔ nɛ a bua hu ɔ nya nɛ a sã a, jã nɔuu a maa pee ngɛ je nɛ ɔ nyagbe mi.

Romabi 13:11

Jehanɛ ɔ, nyɛ le be nɔ nɛ mi nɛ wa ngɛ nɛ ɔ, kaa e sa nɛ nyɛ hɛ nɛ tsɛ kɛ je mahe nɛ nyɛ ngɛ hwɔe ɔ mi. Ejakaa be ɔ nɛ Mawu ma he wa yi wami ɔ, amlɔ nɛ ɔ, e na wɔ haa pe kekleekle nɛ wa he ye ɔ.

Romabi 13:12

Nyɔ ɔ be ta kulaa, nɛ je mi miɔ nɛ e ma tsɔ. Lɔ ɔ he ɔ, nyɛ ha wa kpa níhi nɛ wa peeɔ ngɛ laami mi ɔ; wa ní peemi ɔmɛ nɛ a kpɛ́ kaa níhi nɛ ta bulɔ kɛ mia.

Romabi 15:4

Nɔ́ tsuaa nɔ́ nɛ ngɛ ngmami ɔmɛ a mi ɔ, a ngma konɛ a kɛ tsɔɔ wɔ ní. Kɛkɛ ɔ, ngmami ɔmɛ ma ha wa maa to wa tsui si; nɛ a maa wo wɔ he wami nɛ wa na hɛ kɛ nɔ fɔmi.

Romabi 4:23

Munyu “A bu lɛ nɔ nɛ da” a, pi lɛ nɔ kake e he nɛ a ngma ngɛ.

1 Korintobi 10:6

Ní nɛ ɔmɛ tsuo ba mi kaa okadihi nɛ a to wɔ, konɛ wa ko ha yayami nɛ pee wɔ akɔnɔ kaa bɔ nɛ e pee mɛ ɔ.

1 Korintobi 7:29

Nyɛmimɛ, nɔ́ nɛ i ngɛ dee kɛkɛ ji kaa be ɔ pi hu. Kɛ je be nɛ ɔ mi kɛ yaa a, yitsɛmɛ nɛ a hi si kaa nɔ́ nɛ yo be a dɛ.

1 Korintobi 9:10

Munyu nɛ e tu ɔ, anɛ pi wɔ tutuutu wa he nɛ e kɔɔ lo? Nihi nɛ gbaa ní, kɛ ni nɛmɛ nɛ kpaa ní ɔ, e sa kaa a tsu ní kɛ hɛ kɛ nɔ fɔmi kaa mɛ hu a maa ye niba ní ɔ eko.

Galatabi 4:24

Ní nɛ ɔmɛ daa si ngɛ ní pɔtɛɛ komɛ a nane mi. Yi enyɔ ɔmɛ daa si ha somi enyɔ. A kpɛti nɔ kake ji Hagar. E je Sinai yo ɔ nɔ; nɛ bimɛ nɛ e fɔ ɔ, nyɔguɛhi ji mɛ.

Filipibi 4:5

Nyɛ ná nɔ tsuaa nɔ he tsui. Nyɔmtsɛ ɔ su si ta.

Hebribi 10:25

Nyɛ ko ha wa jɔɔ wa he nya buami kaa bɔ nɛ ni komɛ hlaa peemi ɔ. Mohu ɔ, nyɛ ha waa ya nɔ nɛ waa wo wa sibi he wami wawɛɛ, titli ɔ, akɛnɛ nyɛ le kaa Nyɔmtsɛ ɔ bami be ɔ su ta a.

Hebribi 10:37

Ejakaa Nyɔmtsɛ ɔ de ke, “E piɛ bɔɔ pɛ nɛ nɔ nɛ ma a ma ba su si; e be kɛe kulaa.

1 Yohane 2:18

Ye bimɛ tsɔwi, nyagbe be ɔ su ta! A de nyɛ ke Kristo he nyɛlɔ ɔ ma; se amlɔ nɛ ɔ, Kristo he nyɛli fuu ba momo. Enɛ ɔ he ɔ, wa le kaa nyagbe ɔ su ta.