1 Korintobi 1:27 - BAIBLO ALOO NGMAMI KLƆUKLƆU Ɔ

²⁷ Mawu je blɔ hla je ɔ mi kuasia níhi, konɛ e kɛ gbe ní leli zo. Mawu hla je ɔ mi níhi nɛ gbɔjɔ, konɛ e kɛ gbe níhi nɛ a he wa a zo.

Somi He Ɔ

²⁷ Se mohu je nɛ ɔ mi kuaisa amɛ Mawu hla, kone e kɛ gbe ni leli ɔmɛ zo. Nɛ je nɛ ɔ mi gbɔjɔmi ni ɔmɛ hu Mawu hla konɛ e kɛ gbe nihi nɛ he wa amɛ zo.

1 Korintobi 1:27 ပူးပေါင်းရင်းမြစ်များ

Yakobo 2:5

Ye nyɛmimɛ nɛ i suɔ, nyɛɛ bu tue. Tse nyɛ le kaa nihi nɛ je ɔ buu mɛ ohiatsɛmɛ ɔ, mɛ Mawu hla a. Akɛnɛ a heɔ Yesu yeɔ ɔ, nimli nɛ ɔmɛ ba pee mumi mi niatsɛmɛ, nɛ matsɛ yemi ɔ nɛ Mawu wo si ha nihi nɛ suɔ lɛ ɔ ba pee a nɔ.

Mateo 11:25

Jamɛ a be ɔ mi ɔ, Yesu de ke, “Tsaatsɛ, hiɔwe kɛ zugba Nyɔmtsɛ! I naa mo si, ejakaa níhi nɛ o ngɔ kɛ laa ní leli, kɛ ga leli ɔ, o je kɛ tsɔɔ nihi nɛ li nɔ́ ko.

1 Korintobi 1:20

Jije ní leli ɔmɛ ngɛ? Jije ga leli ɔmɛ ngɛ? Jije je nɛ ɔ mi sane mi hlali ɔmɛ ngɛ? Ee, Mawu ha nɛ je nɛ ɔ mi nile ɔ plɛ pee kuasiahi a sane.

La 8:2

O haa jokuɛwi, kɛ bimwɔwi he wami nɛ a laa kɛ jeɔ o yi. O he nyɛli ɔmɛ maa a nya, nɛ a nyɛ we nɛ a peeɔ nɔ́ ko.

Yesaya 29:14

Lɔ ɔ he ɔ, ma pee nyakpɛ níhi, kɛ níhi nɛ ngɛ gbeyegbeye ngɛ nimli nɛ ɔmɛ a kpɛti ekohu. A ní leli ɔmɛ a nile ɔ, kɛ a ga a maa pee yaka.”

Luka 21:15

Ejakaa munyu nɛ maa je nyɛ nya, kɛ juɛmi nɛ nyɛɛ kɛ ma fa nyɛ he ɔ, ma ha nyɛ. Nyɛ he nyɛli ɔmɛ a ti nɔ ko nɔ ko be nyɛ nyɛe, loo a maa je nɔ́ nɛ nyɛ ngɛ dee ɔ he nɔ́.

2 Korintobi 4:7

Wɔ nɛ wa ná kikɛmɛ a mumi mi juetli nɛ ɔ, wa ngɛ kaa zu buɛhi. Enɛ ɔ tsɔɔ kaa he wami kpetekpleenyɛ nɛ ɔ, Mawu ngɔ nɛ e je, pi wɔɔ wa ngɔ.

Mateo 21:16

nɛ a bi lɛ ke, “Nɔ́ nɛ ni ɔmɛ ngɛ dee ɔ, o ngɛ nue?” Yesu he nɔ ke, “Ee, i ngɛ nue! Anɛ nyɛ kane we ngmami nɛ ɔ hyɛ lo? Ngmami ɔ ke, ‘O dla bimwɔwi, kɛ nyɔ nya bimɛ kɛ to konɛ a la la ngɔngɔɛ kɛ je o yi.’ ”

Zefania 3:12

Ma si nihi nɛ peeɔ a he humi, kɛ ohiatsɛmɛ ngɛ nyɛ kpɛti, nɛ a maa ngɔ a hɛ kɛ fɔ imi Yawɛ ye nɔ.

2 Korintobi 10:10

Nihi deɔ ke, “Paulo womi ɔmɛ a mi munyuhi jiɔ, nɛ a mi wa hulɔ; se ke o na lɛ nitsɛ lɛɛ pi nɔ ko kulaa ji lɛ; munyu nitsɛ tete e li tumi.”

Yesaya 29:19

Nihi nɛ a he jɔ, dɛgutsɛmɛ, kɛ nihi nɛ a ní ngɛ mɔbɔ ɔ, Yawɛ Israel Mawu klɔuklɔu ɔ ma ha mɛ bua jɔmi ekohu.

Mateo 9:9

Yesu je lejɛ ɔ, nɛ benɛ e yaa a, e na tó tsulɔ ko nɛ a tsɛɛ lɛ Mateo nɛ hii si ngɛ e ní tsumi he ɔ. Yesu de lɛ ke, “Nyɛɛ ye se!” Kɛkɛ nɛ Mateo te si, nɛ e nyɛɛ Yesu se.

Ni Tsumi 17:18

E kɛ ní leli a kuu nɛ ɔmɛ: Epikuro kɛ Stoike hu sãã nya. Ni komɛ bi ke, “Mɛni nyapuutsɛ nɛ ɔ ngɛ tsuae ɔ?” Ni komɛ hu de ke “E ngɛ kaa nɔ ko nɛ tuɔ ma se jemɛ a wɔhi a he munyu kɛ tsɔɔ nihi.” A de jã, ejakaa Paulo ngɛ Yesu he sane fiɛe, nɛ e ngɛ dee ke Yesu te si kɛ je gbeje nɛ e kɛ tsɔɔ kaa ni gbogboehi maa te si kɛ je gbeje.

Ni Tsumi 7:54

Benɛ kpe ngua a mi bi ɔmɛ nu kikɛmɛ a munyu nɛ ɔmɛ ɔ, a mi mi wo la wawɛɛ nitsɛ, nɛ a kpe lungu nya kɛ wo e he.

Ni Tsumi 7:35

“Kikɛmɛ a Mose nɛ ɔ nɔuu nɛ Israel ma a ke a hla we lɛ, nɛ a bi ke, ‘Mɛnɔ lɛ wo mo wa nɔ matsɛ kɛ kojolɔ?’ ɔ, Mawu gu bɔfo ɔ nɛ je e he kpo tsɔɔ lɛ ngɛ pú ɔ mi ɔ nɔ, nɛ e tsɔ lɛ kaa e ba ye a nɔ nɛ e kpɔ mɛ.

Yesaya 44:25

Imi ji nɔ nɛ haa lakpa gbali ɔmɛ, kɛ dodoe mi hyɛli a we okadi ɔmɛ peeɔ yaka. Imi ji nɔ nɛ kuɔ ní leli a nya la, nɛ i haa a nile plɛɔ peeɔ kuasia jemi.

Yeremia 8:9

Zo gbe nyɛ ní leli ɔmɛ; bibi gbe mɛ, nɛ a pa li nɔ́ nɛ nɔ nɛ a ngɛ hu. A kua ye munyu ɔ, lɛɛ mɛni ji ní ɔ nɛ a le ɔ mɔ?

1 Korintobi 1:21

Mawu ngɔ e nile ɔ kɛ tsi adesa blɔ, konɛ adesa kó nyɛ nɛ e gu lɛɛ e ní lemi nɔ kɛ le Mawu. Se mohu ɔ, sɛ gbi ɔ nɛ wa ngɛ fiɛe nɛ nihi buu kaa kuasiahi a sane ɔ, Mawu to kaa e kɛ ma he ni nɛmɛ nɛ heɔ yeɔ ɔ a yi wami.

1 Korintobi 2:12

Wɔɔ lɛɛ pi je nɛ ɔ mi mumi ɔ nɛ wa ná, se mohu mumi nɛ je Mawu ngɔ ɔ, konɛ waa le níhi nɛ Mawu kɛ dloo wɔ ɔ tsuo.

Mose IV, 22:30

Teji yo ɔ ya nɔ nɛ e bi Balaam ke, “Anɛ pi mo nitsɛ o teji yo ji mi, nɛ o hii ye nɔ daa nɛ ɔ kɛ ba si mwɔnɛ ɔ lo? Anɛ i pee mo nɔ́ ko kaa kikɛ nɛ ɔ hyɛ lo?” Balaam ha lɛ heto ke, “Dɛbi.”