1 Korintobi 1:26 - BAIBLO ALOO NGMAMI KLƆUKLƆU Ɔ

²⁶ Ye nyɛmimɛ, nyɛ kai bɔ nɛ nyɛ ngɛ ha loko Mawu tsɛ nyɛ ɔ. Ngɛ he lo blɔ fa mi ɔ, nyɛ ti nihi bɔɔ pɛ ji ní leli, nihi bɔɔ pɛ ji nihi nɛ a he wa, nɛ bɔɔ pɛ ji odehehi.

Somi He Ɔ

²⁶ Mamimɛ, nyɛɛ hyɛ kaa nyɛ tsɛmi ɔ, tsa pi he lo blɔfami ni leli fuu nɛ a tsɛ, tsa pi he wali fuu, tsa pi odehehi fuu.

1 Korintobi 1:26 ပူးပေါင်းရင်းမြစ်များ

Yakobo 2:5

Ye nyɛmimɛ nɛ i suɔ, nyɛɛ bu tue. Tse nyɛ le kaa nihi nɛ je ɔ buu mɛ ohiatsɛmɛ ɔ, mɛ Mawu hla a. Akɛnɛ a heɔ Yesu yeɔ ɔ, nimli nɛ ɔmɛ ba pee mumi mi niatsɛmɛ, nɛ matsɛ yemi ɔ nɛ Mawu wo si ha nihi nɛ suɔ lɛ ɔ ba pee a nɔ.

1 Korintobi 2:8

Je nɛ ɔ mi nɔ yeli ɔmɛ a ti nɔ ko nɔ ko li nile nɛ ɔ, a le jinɛ a ko sɛu we Nyɔmtsɛ Mawu nɛ hɛ mi ngɛ nyami ɔ.

1 Korintobi 1:20

Jije ní leli ɔmɛ ngɛ? Jije ga leli ɔmɛ ngɛ? Jije je nɛ ɔ mi sane mi hlali ɔmɛ ngɛ? Ee, Mawu ha nɛ je nɛ ɔ mi nile ɔ plɛ pee kuasiahi a sane.

Luka 10:21

Jamɛ a be ɔ, Mumi Klɔuklɔu ɔ ha Yesu na bua jɔmi, nɛ e de ke, “Tsaatsɛ, hiɔwe kɛ zugba Nyɔmtsɛ, i naa mo si kaa níhi nɛ o ngɔ kɛ laa ní leli ɔ, o je tsɔɔ ni guhi. Ee, Tsaatsɛ, nɔ́ nɛ sa o hɛ mi ɔ, lɔ ɔ o pee ɔ nɛ.

Luka 1:3

Lɔ ɔ he ɔ, ye nɔkɔtɔma, akɛnɛ imi hu i hla ní nɛ ɔmɛ a mi fitsofitso kɛ je sisije ɔ, i susu kaa e hi kaa ma ngma sisiisi ha mo.

1 Korintobi 2:13

Lɔ ɔ he ɔ, nihi nɛ mumi ɔ ngɛ a mi ɔ, ke waa kɛ mɛ ngɛ mumi mi níhi a he ní sɛɛe ɔ, munyu nɛ mumi ɔ tsɔɔ wɔ ɔ, lɔ ɔ wa tuɔ; wa tu we adesa nile munyu.

2 Yohane 1:1

Imi nɔkɔtɔma a, i ngɛ womi nɛ ɔ ngmae kɛ ha mo awenyɛ nɛ a hla mo ɔ, kɛ o bimɛ ɔmɛ nɛ i suɔ nyɛ akɛnɛ nyɛ hɛɛ anɔkuale ɔ mi ɔ. Pi imi nɔ kake too nɛ i suɔ nyɛ; nɔ tsuaa nɔ nɛ le anɔkuale ɔ suɔ nyɛ.

Filipibi 4:22

Ni klɔuklɔu ɔmɛ tsuo nɛ a ngɛ hiɛ ɔ ke a biɔ nyɛ, titli ɔ, Kaisare ɔ we ɔ mi bi ɔmɛ.

Ni Tsumi 17:34

Se nyumu komɛ he ye. A ti nɔ kake ji Dionisio; ma kpe ngua a nɛ a tsɛɛ Areopago ɔ mi no ji lɛ. Yo ko nɛ a tsɛɛ lɛ Damari, kɛ ni kpa komɛ hu he ye.

Ni Tsumi 13:12

Benɛ amlaalo ɔ na nɔ́ nɛ ba a, e he ye. Nɔ́ nɛ e kase ngɛ Nyɔmtsɛ ɔ he ɔ pee lɛ nyakpɛ saminya.

Ni Tsumi 13:7

Nyumu nɛ ɔ huɛ ji Sergio Paulo, zugba a nɔ amlaalo ɔ. Sergio Paulo ɔ, nɔmlɔ nɛ hɛ mi ka si ji lɛ. Amlaalo ɔ tsɛ Barnaba, kɛ Saulo kɛ ba e ngɔ; ejakaa e suɔ kaa e maa bu Mawu munyu ɔ tue.

Zefania 3:12

Ma si nihi nɛ peeɔ a he humi, kɛ ohiatsɛmɛ ngɛ nyɛ kpɛti, nɛ a maa ngɔ a hɛ kɛ fɔ imi Yawɛ ye nɔ.

Hiob 37:24

Enɛ ɔ he je ɔ, nihi tsuo yeɔ lɛ gbeye; ni nɛmɛ nɛ mɛɛ a buɔ a he ní leli ɔ, Mawu lɛɛ e bui mɛ fɛɛ.

Romabi 11:29

Ejakaa ke Mawu tsɛ nɔ ko nɛ e gbaa lɛ ɔ, e tsakee we e yi mi hu.

Matsɛmɛ II, 5:4

Benɛ Naeman nu he ɔ, e ho ya bɔ matsɛ ɔ nɔ́ nɛ yiheyo ɔ nɛ je Israel ɔ de ɔ.