1 Korintobi 1:20 - BAIBLO ALOO NGMAMI KLƆUKLƆU Ɔ

²⁰ Jije ní leli ɔmɛ ngɛ? Jije ga leli ɔmɛ ngɛ? Jije je nɛ ɔ mi sane mi hlali ɔmɛ ngɛ? Ee, Mawu ha nɛ je nɛ ɔ mi nile ɔ plɛ pee kuasiahi a sane.

Somi He Ɔ

²⁰ Jije ni lelɔ ngɛ? Jije womi mi lelɔ ngɛ? Jije je nɛ ɔ mi sanemi hlalɔ ngɛ? Anɛ Mawu ha we nɛ je ɔ mi ni lemi ɔ nɛ plɛ kuasiahi a sane lo?

1 Korintobi 1:20 ပူးပေါင်းရင်းမြစ်များ

Romabi 1:22

A tsɛɔ a he ní leli, se a plɛ pee kuasiahi mohu.

Hiob 12:17

E kpɔɔ nile ngɛ ga woli a dɛ, nɛ e haa kojoli plɛɔ peeɔ kuasiahi.

1 Korintobi 3:19

Ejakaa nɔ́ nɛ je ɔ buu kaa nile ɔ ji kuasia nɔ́ ko ngɛ Mawu lɛɛ e hɛ mi. Ngmami ɔ ke, “Mawu ngɔɔ nile kɛ tsɔɔ ní leli klama.”

1 Korintobi 1:19

Ngmami ɔ ke, “Ma ha nɛ ní leli a nile ma puɛ, nɛ ga leli a ga tsuo maa pee yaka.”

Yesaya 44:25

Imi ji nɔ nɛ haa lakpa gbali ɔmɛ, kɛ dodoe mi hyɛli a we okadi ɔmɛ peeɔ yaka. Imi ji nɔ nɛ kuɔ ní leli a nya la, nɛ i haa a nile plɛɔ peeɔ kuasia jemi.

Hiob 12:24

E haa je ma amɛ a hɛ mi nyɛɛli jeɔ kuasia, nɛ a ya woɔ lalaalo ngɛ nga nɔ he nɛ blɔ ko blɔ ko be.

1 Korintobi 2:6

Se ni nɛmɛ nɛ wa ngɛ mumi mi ɔ, i fiɛɔ nile sɛ gbi ko kɛ̃ kɛ haa mɛ; pi nile nɛ adesa tsɔɔ, nɛ pi je nɛ ɔ mi nɔ yeli a nɔ́. Mɛɛ lɛɛ a maa be kɛ ho.

Yesaya 53:1

Ni ɔmɛ he nɔ ke, “Mɛnɔ ma he wa munyu nɛ ɔ maa ye? Mɛnɔ maa le kaa Yawɛ he ngɛ sane nɛ ɔ mi?

Yesaya 33:18

Nyɛ ma kai gbeye nɛ nyɛ ye blema a ngɛ tó nɛ ma se nɔ yeli tsu ngɛ nyɛ dɛ ɔ he; nɛ nyɛ ma kai nihi nɛ juɔ si ba slaa ma a hulɔ.

Hiob 12:20

Nihi nɛ a buu ɔ, e kpɔɔ munyu tumi he wami ngɛ a dɛ; nimeli hu e kpɔɔ a nile ɔ ngɛ a dɛ.

Samuel II, 17:23

Benɛ Ahitofel na kaa a yi ga nɛ e wo ɔ nɔ ɔ, e wo e teji nɔ ní, nɛ e je kɛ ho lɛ nitsɛ e ma mi ya. Benɛ e to e níhi a blɔ nya gbe nya a, e ho nɛ e ya wo e kuɛ kpa; nɛ a pu lɛ ngɛ e tsɛ yɔkɔ ɔ mi.

Samuel II, 17:14

Absalom kɛ Israel bi ɔmɛ tsuo de ke, “Ga nɛ Hushai, Arki no ɔ wo ɔ hi pe Ahitofel nɔ́ ɔ.” Blɔɔ Yawɛ to momo kaa ga kpakpa a nɛ Ahitofel wo ɔ, a ko ye nɔ, bɔ nɛ pee nɛ lɛ, Yawɛ ɔ e kɛ amanehlu nɛ ba Absalom nɔ.

Samuel II, 16:23

Ga tsuaa ga nɛ Ahitofel wo Absalom ɔ, e buɔ tue pɛpɛɛpɛ kaa bɔ nɛ e tsɛ David hu pee ɔ; ejakaa jamɛ a be ɔ, ke Ahitofel tu munyu ko ɔ, a ngɔɔ munyu ɔ kaa Mawu nitsɛ nya mi munyu.

Samuel II, 15:31

Benɛ a ya bɔ David amaniɛ ke Ahitofel hu ya piɛ Absalom atuã tsɔli ɔmɛ a he ɔ, e sɔle ke, “Yawɛ lee, i kpa mo pɛɛ nɛ o plɛ Ahitofel ga womi ɔ kɛ pee kuasiahi a sane.”

Yeremia 10:7

Mo, je ma amɛ tsuo a matsɛ ɔ, mɛnɔ lɛ be mo gbeye yee? O sa bu. Je ma amɛ tsuo a kpɛti ɔ, nɔ ko be nɛ kɛ mo sɔ, a ní leli ɔmɛ jio, a matsɛmɛ ɔmɛ jio.

Mateo 13:22

Wu nɛ ya pue mio mi ɔ daa si ha nihi nɛ nuɔ sɛ gbi ɔ, se je nɛ ɔ mi he nya gbami, kɛ sika suɔmi gbee sɛ gbi ɔ, nɛ e wui yiblii.

Yohane 12:31

Amlɔ nɛ ɔ, be ɔ su nɛ a maa kojo je ɔ, nɛ nɔ nɛ ngɛ je ɔ nɔ matsɛ yee ɔ, a ma kpa lɛ.

Ni Tsumi 17:18

E kɛ ní leli a kuu nɛ ɔmɛ: Epikuro kɛ Stoike hu sãã nya. Ni komɛ bi ke, “Mɛni nyapuutsɛ nɛ ɔ ngɛ tsuae ɔ?” Ni komɛ hu de ke “E ngɛ kaa nɔ ko nɛ tuɔ ma se jemɛ a wɔhi a he munyu kɛ tsɔɔ nihi.” A de jã, ejakaa Paulo ngɛ Yesu he sane fiɛe, nɛ e ngɛ dee ke Yesu te si kɛ je gbeje nɛ e kɛ tsɔɔ kaa ni gbogboehi maa te si kɛ je gbeje.

Romabi 1:20

Kɛ je be nɛ Mawu bɔ je ɔ, e he wami nɛ ngɛ daa, kɛ e su nɛ ji níhi nɛ a nɛ́ kɛ hɛngmɛ ɔ jeɔ kpo paa ngɛ e nibɔ ní ɔmɛ a mi, nɛ adesa naa. Lɔ ɔ he ɔ, a be nya jemi ko kulaa.

1 Korintobi 1:26

Ye nyɛmimɛ, nyɛ kai bɔ nɛ nyɛ ngɛ ha loko Mawu tsɛ nyɛ ɔ. Ngɛ he lo blɔ fa mi ɔ, nyɛ ti nihi bɔɔ pɛ ji ní leli, nihi bɔɔ pɛ ji nihi nɛ a he wa, nɛ bɔɔ pɛ ji odehehi.

1 Korintobi 1:27

Mawu je blɔ hla je ɔ mi kuasia níhi, konɛ e kɛ gbe ní leli zo. Mawu hla je ɔ mi níhi nɛ gbɔjɔ, konɛ e kɛ gbe níhi nɛ a he wa a zo.

1 Korintobi 1:28

E hla níhi nɛ je ɔ bui, níhi nɛ a hiee, kɛ níhi nɛ pi nɔ́ ko kulaa a, konɛ e kɛ gbe níhi nɛ je ɔ buu saminya a a he guɛ.

1 Korintobi 2:8

Je nɛ ɔ mi nɔ yeli ɔmɛ a ti nɔ ko nɔ ko li nile nɛ ɔ, a le jinɛ a ko sɛu we Nyɔmtsɛ Mawu nɛ hɛ mi ngɛ nyami ɔ.

1 Korintobi 3:18

Nyɛ ti nɔ ko nɔ ko kó sisi e he. Ke nyɛ ti nɔ ko susuu kaa lɛɛ e le ní pe nɔ tsuaa nɔ ɔ, é pee e he kuasia. Kɛkɛ ɔ, e maa pee ní lelɔ nitsɛnitsɛ.

1 Korintobi 6:2

Anɛ nyɛ li kaa ni klɔuklɔu ɔmɛ lɛ maa kojo je ɔ lo? Saminya! Ke nyɛ lɛ nyɛ maa kojo je ɔ, lɛɛ sane wawi kojomi pi nɔ́ ko kulaa ha nyɛ.

1 Korintobi 11:32

Se Nyɔmtsɛ ɔ kojoɔ wɔ, nɛ e gblaa wa tue, bɔ nɛ pee nɛ nyagbe ɔ, Mawu nɛ ko bu wɔ fɔ kɛ piɛ je ɔ he.

Yakobo 4:4

Nyɛ gba puɛli nɛ nyɛ yi Mawu anɔkuale! Anɛ nyɛ li kaa ke nɔ ko suɔ je ɔ, nɔ ɔ ngɛ Mawu nyɛe lo? Lɔ ɔ he ɔ, nɔ tsuaa nɔ nɛ e kɛ je ɔ bɔɔ ɔ, e peeɔ Mawu he nyɛlɔ.