1 Korintobi 1:13 - BAIBLO ALOO NGMAMI KLƆUKLƆU Ɔ

¹³ Anɛ a gba Kristo mi lo? Anɛ Paulo nɛ a sɛu ha nyɛ lo? Anɛ Paulo biɛ mi a sɔle nyɛ kɛ wo lo?

Somi He Ɔ

¹³ Anɛ a gba Kristo mi lo? Anɛ Paulo a sɛu ha nyɛ ɔ lo? Aloo Paulo biɛ mi a baptisi nyɛ ngɔ wo ɔ lo?

1 Korintobi 1:13 ပူးပေါင်းရင်းမြစ်များ

Efesobi 4:5

Nyɔmtsɛ kake, hemi kɛ yemi kake, kɛ nɔ sɔlemi kake lɛ ngɛ.

2 Korintobi 11:4

Nɔ tsuaa nɔ nɛ maa ba nyɛ ngɔ kɛkɛ nyɛ he lɛ a tuu. Ke a ba fiɛ Yesu kpa ha nyɛ hu kɛkɛ nyɛ he ye; pohu e kɛ nɔ́ nɛ wa fiɛ ha nyɛ ɔ kɔ we. Mumi ɔ nɛ a wo he si ɔ, nyɛ he ye, pohu pi Mumi Klɔuklɔu ɔ nɛ nyɛ na kɛ je wa dɛ ɔ. Sane kpakpa a nɛ a kɛ ba a hu nyɛ he ye, pohu slo a nɔ́ ɔ ngɛ nɔ́ nɛ wa ba fiɛ ha nyɛ ɔ he.

Ni Tsumi 2:38

Petro de mɛ ke, “Nyɛ tsake nyɛ tsui, nɛ nyɛ ti nɔ tsuaa nɔ nɛ ha nɛ a sɔle lɛ ngɛ Yesu Kristo biɛ mi, kɛkɛ, a maa ngɔ nyɛ he yayami ɔmɛ ngɔ pa nyɛ, nɛ nyɛ ma na Mawu nɔke nɔ́ nɛ ji Mumi Klɔuklɔu ɔ.

1 Korintobi 10:2

Benɛ a ngɛ bɔku ɔ sisi, kɛ wo ɔ mi ɔ, a sɔle mɛ kaa Mose se nyɛɛli.

Ni Tsumi 19:5

Benɛ a nu enɛ ɔ, a sɔle mɛ ngɛ Nyɔmtsɛ Yesu biɛ mi.

Ni Tsumi 10:48

Kɛkɛ nɛ e fa ke a sɔle ni ɔmɛ ngɛ Yesu Kristo biɛ mi. Lɔ ɔ se ɔ, a kpa Petro pɛɛ ke e kɛ mɛ nɛ hi si be bɔɔ ko.

Galatabi 1:7

Oo, nyɛ bu kaa sane kpakpa kpa ko ngɛ he ko! Pe i de ja kɛkɛ; ejakaa ni komɛ ngɛ nyɛ kpɛti nɛ a ngɛ nyɛ tue puɛe; a ngɛ hlae kaa a ma tsake sane kpakpa a nɛ kɔɔ Kristo he ɔ hɛ mi.

Mateo 28:19

Lɔ ɔ he ɔ, nyɛɛ ya je ma amɛ tsuo a ngɔ ngɛ he tsuaa he, nɛ nyɛɛ pee mɛ ye kaseli. Nyɛɛ sɔle mɛ ngɔ wo Tsɛ ɔ, kɛ Bi ɔ, kɛ Mumi Klɔuklɔu ɔ biɛ mi,

Tito 2:14

E ngɔ lɛ nitsɛ e he ngɔ ha ngɛ wa he. E kpɔ wɔ kɛ je yi wu tso níhi a peemi mi, nɛ e ngɔ wɔ ngɔ pee lɛ nitsɛ e ma klɔuklɔu, nihi nɛ a hɛ dɔɔ ngɛ nɔ́ kpakpa peemi he.

1 Korintobi 1:15

Lɔ ɔ he ɔ, nɔ ko be nyɛe ma de ke a sɔle nyɛ kɛ wo ye biɛ mi.

Romabi 14:9

Ejakaa Kristo gbo, nɛ e kpale ba wami mi ekohu, konɛ e pee Nyɔmtsɛ kɛ ha ni nɛmɛ nɛ a hɛ ngɛ, kɛ ni nɛmɛ nɛ gbo ɔ tsuo.

Ni Tsumi 8:16

Ejakaa Mumi ɔ bɛ a ti nɔ ko nɔ lolo; se a sɔle mɛ ngɛ Nyɔmtsɛ Yesu biɛ mi kɛkɛ.

Mateo 3:6

A ba jaje a he yayamihi, nɛ e sɔle mɛ ngɛ Yordan pa a mi.