1 Korintobi 1:12 - BAIBLO ALOO NGMAMI KLƆUKLƆU Ɔ

¹² Nɔ́ nɛ i ngɛ tsɔɔe ji, nyɛ ti nɔ tsuaa nɔ ngɛ nɔ́ ko nɛ e ngɛ dee. Nɔ ko ke, “Paulo nɔ́ ji mi”, nɛ nɔ ko hu ke, “Imi lɛɛ Apolo nɔ́ ji mi”; nɔ kpa ke, “Imi lɛɛ Kefa nɔ́ ji mi”; nɛ nɔ kpa hu ke, “Oo, imi lɛɛ Kristo nitsɛ se nyɛɛlɔ ji mi.”

Somi He Ɔ

¹² Nɔ́ nɛ i ngɛ dee nɛ ɔ ji kaa nyɛ ti nɔ tsuaa nɔ deɔ ke: “Ami lɛɛ, Paulo nɔ ji mi; ami lɛɛ, Apolo nɔ ji mi; ami lɛɛ, Kefa nɔ ji mi, ami lɛɛ Kristo nɔ ji mi.”

1 Korintobi 1:12 ပူးပေါင်းရင်းမြစ်များ

Yohane 1:42

Kɛkɛ nɛ e ngɔ Simon kɛ ya Yesu ngɔ. Yesu hyɛ Simon too, nɛ e de lɛ ke, “Tse mo ji Yohane bi Simon ɔ. Jehanɛ lɛɛ a ma tsɛ mo Kefa.” (E sisi ji Petro, loo tɛ sa.)

Galatabi 3:17

Nɔ́ nɛ i ngɛ tsɔɔe ɔ ji kaa Mawu kɛ Abraham so, nɛ e wo si ke e maa ye nɔ. Mlaa a nɛ a wo jeha lafa eywiɛ kɛ nyingmi etɛ se ɔ be nyɛe maa po jamɛ a somi ɔ, kɛ si nɛ Mawu wo ɔ mi.

Galatabi 2:9

Yakobo, Petro, kɛ Yohane nɛ a buu mɛ kaa asafo ɔ mi titimahi ɔ na paa kaa Mawu dloo mi babauu, nɛ e tu ní tsumi pɔtɛɛ nɛ ɔ ngɔ wo ye dɛ; lɔ ɔ he ɔ, mɛ hu a sa i kɛ Barnaba wa dɛ mi kɛ he wɔ atuu kaa nihi nɛ kɛ mɛ ngɛ ní tsumi kake tsue. Wa ma nya si kaa i kɛ Barnaba maa ya ma je li ɔmɛ a ngɔ, konɛ mɛɛ lɛɛ a ya Yuda bi ɔmɛ a ngɔ.

2 Korintobi 9:6

Nyɛ kai kaa ke nɔ ko du wu bɔbɔyoo ɔ, e ma kpa ní bɔbɔyoo; ke nɔ ko du wu fuu ɔ, e ma kpa ní babauu jã kɛ̃.

1 Korintobi 16:12

Jehanɛ ɔ, nɔ́ nɛ kɔɔ wa nyɛmi Apolo ɔ he ji nɛ ɔ nɛ. I kpa lɛ pɛɛ hluu kaa e kɛ nyɛmimɛ kpa amɛ nɛ a ba slaa nyɛ ngɛ Korinto, se e to kaa amlɔ nɛ ɔ lɛɛ e be nyɛe maa ba. Pee se ke e ba na blɔ hu e maa ba.

1 Korintobi 15:50

Ye nyɛmimɛ, nɔ́ nɛ i ngɛ tsɔɔe ji kaa he lo kɛ muɔ nine be Mawu matsɛ yemi ɔ nɔ sue; nɔ́ nɛ puɛɔ nine be nɔ́ nɛ puɛ we nɔ sue.

1 Korintobi 15:5

E jé e he kpo ngɔ tsɔɔ Petro; nɛ pee se ɔ, e jé e he kpo ngɔ tsɔɔ ni nyɔngma kɛ enyɔ ɔmɛ.

1 Korintobi 9:5

Ke wa yaa he ko ɔ, anɛ wa be he blɔ kaa wa yihi nɛ le Kristo ɔ, waa kɛ mɛ nyɛɛɔ kaa bɔ nɛ bɔfo kpa amɛ, kɛ Nyɔmtsɛ ɔ nyɛminyumu ɔmɛ, kɛ Petro peeɔ ɔ lo?

1 Korintobi 7:29

Nyɛmimɛ, nɔ́ nɛ i ngɛ dee kɛkɛ ji kaa be ɔ pi hu. Kɛ je be nɛ ɔ mi kɛ yaa a, yitsɛmɛ nɛ a hi si kaa nɔ́ nɛ yo be a dɛ.

1 Korintobi 4:6

Ye nyɛmimɛ, nyɛ he ɔ, i ngɔ imi, kɛ Apolo ngɔ pee nɔ hyɛmi nɔ́ ha nyɛ, konɛ nyɛɛ kase wɔ, nɛ nyɛ ko je nɔ́ nɛ a ngma a se ya pee nɔ́ kpa ko. Nyɛ ti nɔ ko nɔ ko kó wó e he nɔ; nɔ ko kó bu nɔ ko nɔmlɔ ngua pe nɔ ko.

Ni Tsumi 18:24

Jamɛ a be ɔ mi ɔ, Yuda no ko nɛ a tsɛɛ lɛ Apolo, nɛ e se je Aleksandria a ba Efeso. Nyumu nɛ ɔ nya mi tsɔ saminya, nɛ e le ngmami ɔmɛ a mi fitsofitso.

Mateo 23:8

Nyɛɛ lɛɛ, a ko tsɛ nyɛ ‘Tsɔɔlɔ’, ejakaa nyɛ tsuo pɛpɛɛpɛ nyɛmimɛ ji nyɛ, nɛ tsɔɔlɔ kake pɛ nyɛ ngɛ.

Ni Tsumi 19:1

Benɛ Apolo ngɛ Korinto ɔ, Paulo ya kpa ni ɔmɛ a nɔ kɛ ba su Efeso. E ba na nihi nɛ he Yesu ye ɔ a ti ni komɛ ngɛ lejɛ ɔ,

1 Korintobi 1:11

Ye nyɛmimɛ, i ngɛ nyɛ enɛ ɔ dee, ejakaa ni komɛ je Kloe we ɔ mi ba wo ye tue nɔ ke pɛ ngɛ nyɛ kpɛti.

2 Korintobi 10:7

Nyɛ juɛmi mi kuɔ we kulaa! Anɛ nɔ ko ngɛ hiɛ ɔ nɛ heɔ e he yeɔ kaa Kristo nɔ́ ji lɛ lo? Saminya! Jamɛ a nɔ ɔ nɛ susu e yi mi ekohu; ejakaa wɔ hu Kristo níhi ji wɔ kaa lɛ nɔuu.

Matsɛmɛ I, 16:21

Jehanɛ, Israel ma a mi ba gba enyɔ; fa ya nyɛɛ Ginat binyumu Tibni se, nɛ a hla kaa a maa wo lɛ matsɛ; nɛ fa hu ya nyɛɛ Omri se.