Yuda 1:4 - Somi He Ɔ

⁴ Ejakaa ni komɛ ju si kɛ sɛ mi, nihi nɛ blema lokoo a je nɛ a ngma a he sane ngɔ fɔ si ha kikɛmɛ a fɔ bumi nɛ, nɔ yaya peeli nɛ ngɔɔ wa dloomi ɔ kɛ bɔɔ ajuama, nɛ a kuaa Mawu nɛ ji nɔ yelɔ kake pɛ ɔ, kɛ wa Mawetsɛ Yesu Kristo ɔ.

BAIBLO ALOO NGMAMI KLƆUKLƆU Ɔ

⁴ I ngɛ enɛ ɔ dee, ejakaa ni komɛ nɛ li Mawu ju si ba sɛ wa kpɛti. Sɛ gbi nɛ kɔɔ dloomi nɛ Mawu dloo wɔ ɔ he ɔ, nimli nɛ ɔmɛ plɛ hɛ mi ngɔ bu si, bɔ nɛ pee nɛ a kɛ laa a yakayaka ní peemi ɔmɛ a nɔ. Yesu Kristo, wa Tsɔɔlɔ, kɛ wa Nyɔmtsɛ kake too ɔ hu a kua lɛ. Blema lokoo lɛ ngmami ɔmɛ de to kaa a ma kpata nimli nɛ ɔmɛ a hɛ mi.

Yuda 1:4 ပူးပေါင်းရင်းမြစ်များ

Mateo 13:25

Se benɛ ni ɔmɛ hwɔ si ɔ, e he nyɛlɔ ko ba ba du hu kɛ futu ngma a, nɛ e je.

Yohane 17:3

Se enɛ ɔ ji neneene wami ɔ nɛ, kaa a le mo, anɔkuale Mawu kake ɔ, kɛ Yesu Kristo nɔ nɛ o tsɔ ɔ.

Ni Tsumi 11:23

Nɛ benɛ e su lejɛ ɔ nɛ e ba na Mawu dloomi ɔ, e bua jɔ e he, nɛ e tu munyu tsɔɔ mɛ tsuo ke a kɛ tsui nɛ fi si nɛ pɛtɛ Nyɔmtsɛ ɔ he.

Ni Tsumi 15:24

Akɛnɛ wa nu kaa wa ti nikomɛ pue nɔ kɛ ba ba doo nyɛ nya kɛ munyuhi komɛ nɛ a kɛ puɛ nyɛ juɛmi de ke a po nyɛ nɛ nyɛɛ ye Mose Mlaa a nɔ, pohu wa wui mɛ jamɛ a kita ko he je ɔ,

Galatabi 2:4

ejakaa lakpa nyɛmimɛ komɛ ju si sɛ asafo ɔ mi kulɔɔ, konɛ a ba huɔ wa he nɛ wa ye ngɛ Kristo Yesu mi ɔ, konɛ a ye wɔ nyɔguɛ;

Galatabi 5:13

Ejakaa he yemi mi a tsɛ nyɛ kɛ ba ngɛ, mamimɛ; se nyɛ he yemi ɔ kɛkɛ nɛ nyɛ ko ha e plɛ he blɔ ha he lo ɔ, se mohu nyɛɛ gu suɔmi mi kɛ sɔmɔ nyɛ he.

Efesobi 4:14

konɛ wa ko ya nɔ nɛ waa pee bimwɔwi nɛ tsɔɔmi kɔɔhiɔ tsuaa tsɔɔmi kɔɔhiɔ mimiɛɛ mɛ, nɛ a kpakaa mɛ kɛ yaa kɛ baa ngɛ nimli a ga yaya tomi mi, ngɛ sisimi ga kɛ kutupɔ nya.

1 Timoteo 5:8

Ke nɔ ko hyɛ we lɛ nitsɛ e nihi, titli ɔ, lɛ nitsɛ e we mi bimɛ ɔ, e kpa ngɛ hemi kɛ yemi ɔ se, nɛ afani nɔ nɛ he we yi ɔ ngɛ e he.

2 Timoteo 2:12

Ke wa mia wa hɛ mi ngɛ nɔ nami mi ɔ, waa kɛ lɛ maa ye matsɛ hulɔ; Ke wa kpa ngɛ e se ɔ, lɛ hu e ma kpa ngɛ wa se.

2 Timoteo 3:6

Ejakaa ni nɛ ɔmɛ a kpɛti ni komɛ ji nihi nɛ juɔ si sɛɛ wehi a mi nɛ a ya ngɔɔ yihi nɛ be yi mi nɛ yayami ye a nɔ nɛ akɔnɔ slɔɔtohi kpakaa mɛ

1 Petro 2:16

Kaa sodehehi, se pi ninɛmɛ nɛ ngɔɔ odehe yemi nɛ ɔ kɛ peɔ yayami nɔ hami nɔ, se mohu kaa Mawu sɔmɔli.

1 Petro 2:8

Nɛ ngmami kpã ko hu de ke: “Enɛ ɔ ji si tɛmi tɛ Kɛ nane kpatami tɛ sa ha mɛ.” Ejakaa akɛnɛ a bui munyu ɔ tue he je ɔ, a tɛ si nɛ kɔlɔ ɔ nɔuu Mawu to ha mɛ.

1 Petro 4:18

Kaa bɔ nɛ ngmami ɔ de ɔ, “Ke dengme loko a ma he dalɔ yi wami ɔ, Lɛɛ, nɔ nɛ yi Mawu gbeye kɛ yayami peelɔ ɔ, jije e maa da?”

2 Petro 2:10

se titli ɔ, nihi nɛ nyɛɛ he lo se ngɛ he blemi akɔnɔ mi, nɛ a gbee Mawu nɔ yemi he guɛ ɔ. Kikɛmɛ a lakpa tsɔɔli nɛ ɔmɛ a tsui wa, nɛ a woɔ a he, nɛ a bui hiɔwe bɔfohi tete, nɛ a tuɔ a he munyu yaya.

2 Petro 2:7

Nɛ e je Lot, dalɔ ɔ, nɔ nɛ hao ngɛ nɔ tɔli ɔmɛ a ya homi je mi bami he ɔ kɛ je mi;

2 Petro 3:7

Se hiɔwe kɛ zugba nɛ ngɛ nɛ ɔ, lɛ nɔuu e munyu lɛ hɛɛ mɛ kɛ to ha la, nɛ a kɛ mɛ to kɛ yaa su kojomi kɛ nimli nɛ kua Mawu ɔ a hɛ mi kpatami ligbi ɔ.

1 Yohane 2:22

Lɛɛ mɛnɔ ji lakpatsɛ? Lɛ ji nɔ nɛ deɔ ke pi Yesu ji Kristo ɔ. Nɔ nɛ kuaa Tsɛ ɔ kɛ Bi ɔ, lɛ ji lakpa kristo ɔ nɛ.

Yuda 1:15

nɛ e maa kojo nimli tsuo, nɛ e ma ka nɔ yayami peeli ngɛ a ni yayami hi tsuo nɛ a tsu ɔ kɛ musu bɔmi munyu tsuo nɛ yayami peeli Mawu kuali tu ngɛ Mawu he ɔ he.”

Yuda 1:18

ejakaa a de nyɛ ke: “Nyagbe be ɔ mi ɔ, nɔ he fɛu yeli nɛ nyɛɛ ngɛ mɛ nitsɛmɛ a kɔnɔ yaya amɛ a nya a maa ba.”

Kpojemi 15:4

Mɛnɔ po lɛ be mo gbeye yee Nyɔmtsɛ, Nɛ e be o biɛ ɔ hɛ mi nyami woe? Ejakaa mo o nɔ kake too ji nɔ klɔuklɔu. Nɛ je ma amɛ kulaa maa ba nɛ a ba ja ngɛ o hɛ mi, Ejakaa a je o dami ni ɔmɛ a si paa.”