Yuda 1:3 - Somi He Ɔ

³ Mamimɛ, akɛnɛ i ngɛ mɔde bɔe nitsɛ nɛ ma ngma nyɛ wɔ tsuo wa yi wami hemi ɔ he sane ɔ he je ɔ, i na kaa e sa nɛ ma ngma nɛ ma kɛ wo nyɛ he wami konɛ nyɛɛ plee hemi kɛ yemi nɛ a tu ngɔ wo klɔuklɔu bi ɔmɛ a dɛ mi si kake nyɔngloo ɔ he.

BAIBLO ALOO NGMAMI KLƆUKLƆU Ɔ

³ Ye nyɛmimɛ nɛ i suɔ! Jinɛ i ngɛ mɔde bɔe nɛ ma ngma nyɛ womi, nɛ wɔ tsuo wa yi wami hemi sane ɔ, ma tsɔɔ nyɛ nya saminya. Se i na kaa e hia kaa ma ngma nyɛ nɔuu ngɛ nɔ́ kpa he mohu. Lɔ ɔ he ɔ, i kɛ womi nɛ ɔ ngɛ nyɛ mumi mi he wami woe, konɛ hemi kɛ yemi ɔ nɛ Mawu ngɔ ha e nihi nɛ e hla mɛ si kake nyɔngloo ɔ, nyɛɛ hɛɛ mi wawɛɛ.

Yuda 1:3 ပူးပေါင်းရင်းမြစ်များ

Ni Tsumi 17:3

E blɛke munyu ɔ mi tsɔɔ mɛ faii kaa ja Kristo ɔ na amanehlu nɛ e te si kɛ je gbeje, nɛ kaa “kikɛmɛ a Yesu, nɛ i ngɛ e he sane jajee kɛ ngɛ nyɛ tsɔɔe nɛ ɔ, ji Kristo ɔ nɛ.”

Ni Tsumi 18:28

Ejakaa e kɛ he wami ku Yudafo ɔmɛ a nya nɛ e kɛ ngmami ɔmɛ tsɔɔ mɛ faii kaa Yesu ji Kristo ɔ nɛ.

Ni Tsumi 20:27

Ejakaa i jaje Mawu yi mi tomi mluku ɔ tsuo ngɔ tsɔɔ nyɛ nɛ i laa we eko nɔ.

Ni Tsumi 28:28

“Lɔ ɔ he ɔ nyɛ na nyɛɛ le kaa, a tsɔ nɛ a kɛ Mawu Yi wami hemi sane ɔ ya ha majeli ɔmɛ, nɛ mɛɛ lɛɛ a maa bu tue hulɔ.” [

Ni Tsumi 4:12

Ejakaa yi wami hemi be nɔ ko nɔ ko mi; nɛ jeha nɛ ɔ hu, biɛ kpã ko be hiɔwe sisi nɛ a ngɔ ha nimli nɛ sa kaa a gu nɔ kɛ he wa yi wami.”

Ni Tsumi 6:7

Nɛ Mawu munyu ɔ blɛke, nɛ kaseli ɔmɛ a he ba hiɛ babauu ngɛ Yerusalem; nɛ osɔfo ɔmɛ tete po a kpɛti nihi fuu buɔ hemi kɛ yemi ɔ tue.

Ni Tsumi 9:13

Se Anania he nɔ nɛ e ke: “Nyɔmtsɛ, i nu kikɛmɛ a nyumu nɛ ɔ he sane ngɛ nihi fuu a nya kaa e pee o ni klɔuklɔu ɔmɛ nɛ ngɛ Yerusalem ɔ ni yayami babauu.

Ni Tsumi 9:22

Se Saulo na hewami babauu, nɛ e ha Yudafohi nɛ ngɛ Damasko ɔmɛ a nya mi munyu ta, ejakaa e tsɔɔ mɛ pãa kaa nɔ nɛ ɔ ji Kristo ɔ nɛ.

1 Korintobi 15:3

Ejakaa sanehi nɛ he hia pe kulaa nɛ a kɛ ha mi nɛ imi hu i kɛ ha nyɛ ɔ ji kaa, Kristo gbo ngɛ wa he yayami ɔmɛ a he ngɛ ngmami ɔmɛ a nya,

Galatabi 2:5

se mɛɛ lɛɛ wa kplɛɛ we nɛ waa bu mɛ tue ngmlɛfia kake tete, konɛ sane kpakpa a anɔkuale ɔ nɛ e hi si sɔkee ha nyɛ.

Galatabi 3:28

Yudano be ɔ, Helano hu bé hu; nyɔguɛ bé ɔ, odehe hu bé hu; nyumu be ɔ, yo hu be hu; ejakaa nyɛ tuso ɔ, nɔ kake ji nyɛ ngɛ Kristo Yesu mi.

Galatabi 6:11

Nyɛɛ hyɛ womi sɔuu nɛ i kɛ imi nitsɛ ye nine ngma nyɛ ngɛ ningma nguahi a mi.

Efesobi 1:1

Paulo, nɛ ji Yesu Kristo bɔfo ngɛ Mawu suɔmi nya a, ngma ya ha ni klɔuklɔuhi nɛ ngɛ Efeso ɔ kɛ ninɛmɛ nɛ heɔ Kristo Yesu nɔ yeɔ ɔ:

Filipibi 1:1

Paulo kɛ Timoteo, Yesu Kristo sɔmɔli ɔmɛ, ngma ya ha ni klɔuklɔuhi nɛ ngɛ Yesu Kristo mi ngɛ Filipi kɛ a nɔ hyɛli kɛ a sɔmɔli ɔmɛ kulaa:

Filipibi 1:27

Jehanɛ ngɛ nyɛ ma sane blɔfami ɔ, nyɛɛ ba nyɛ je mi sbɔ nɛ sa Kristo sane kpakpa a kɛkɛ, konɛ, ke i ba ba na nyɛ jio, i kɛ nyɛ be jio, ma nu nyɛ he kaa nyɛ daa si ngɛ mumi kake mi, nɛ nyɛɛ kɛ juɛmi kake ngɛ sane kpakpa a hemi kɛ yemi ɔ he plee.

Kolosebi 1:2

ngma ya ha he tsɔli nɛ ngɛ Kolose ɔ kɛ nyɛmimɛ nɛ he ye nɛ ngɛ Kristo mi ɔ: Dloomi kɛ hejɔmi nɛ je wa Tsɛ Mawu ɔ kɛ Mawetsɛ Yesu Kristo dɛ mi ɔ ha nyɛ.

1 Tesalonikabi 2:2

se mohu wa na ka ngɛ wa Mawu ɔ mi, nɛ waa kɛ fiɛ Mawu sane kpakpa a tsɔɔ nyɛ ngɛ nya tsimi babauu mi; pohu wa na nɔ kɛ be, nɛ a wa wɔ yi mi hulɔ ngɛ Filipi, kaa bɔ nɛ nyɛ le ɔ.

1 Timoteo 1:18

Ye bi Timoteo, i ngɛ mo kita nɛ ɔ woe, ngɛ gbamihi nɛ a gba sa ngɛ o he ɔmɛ a nya, konɛ o kɛ hwu ta kpakpa a,

1 Timoteo 6:12

Hwu hemi kɛ yemi ta kpakpa a, pɛtɛ neneene wami ɔ he, nɔ́ he hulɔ nɛ a tsɛ mo kɛ ba benɛ o jaje jajemi kpakpa ngɛ odasefohi fuu a hɛ mi, ɔ.

2 Timoteo 1:13

Pɛtɛ tsami munyu nɛ o nu kɛ je ye nya a nɔ hyɛmi nɔ́ ɔ he ngɛ hemi kɛ yemi kɛ suɔmi nɛ ngɛ Kristo Yesu mi ɔ mi.

Tito 1:4

I ngma ya ha Tito nɛ ji ye bi nitsɛ ngɛ hemi kɛ yemi kake ɔ nɔuu blɔfami ɔ: Dloomi, mɔbɔ nami kɛ he jɔmi nɛ je Tsɛ Mawu ɔ kɛ Mawetsɛ Yesu Kristo, wa yiwami helɔ ɔ, dɛ mi ɔ ha mo!

Hebribi 13:22

Se, mamimɛ, i kpa nyɛ pɛɛ nɛ nyɛɛ pɛtɛ munyu tumi kɛ tsɔɔmi nɛ ɔ he, ejakaa munyu kpiti i ngma mane nyɛ nɛ ɔ nɛ.

Hebribi 6:9

Se mamimɛ, wa ngɛ kikɛ dee mohu, se kɛ̃ ɔ wa hɛ ngɛ nyɛ nɔ kaa nyɛ sane hi pe ja, nɛ yi wami hemi maa nyɛɛ nyɛ se.

1 Petro 5:12

I gu wa nyɛmi Silvano nɛ ji anɔkualetsɛ kaa bɔ nɛ i buu lɛ ɔ nɔ ngma nyɛ bɔɔ nɛ ɔ i kɛ ngɛ munyu tue kɛ ngɛ nyɛ tsɔɔe, nɛ i ngɛ odase yee kɛ ngɛ se fiee kaa enɛ ɔ ji Mawu anɔkuale dloomi ɔ nɛ; nyɛɛ da si ngɛ mi.

2 Petro 1:1

Simon Petro nɛ ji Yesu Kristo sɔmɔlɔ kɛ bɔfo ɔ, ngma ya ha nihi nɛ nine su hemi kɛ yemi nɛ he jua wa kaa wa nɔ ɔ nɔuu nɔ, ngɛ wa Mawu kɛ wa yi wami helɔ Yesu Kristo dami ɔ mi ɔ.

2 Petro 2:21

Ejakaa afani nɛ a na we nɛ a le dami blɔ ɔ pe nɛ a le nɛ kɛ̃ ɔ, a kpale kɛ je kita klɔuklɔu nɛ a tu ngɔ wo a dɛ mi ɔ he.

Yuda 1:1

Yuda, nɛ ji Yesu Kristo sɔmɔlɔ kɛ Yakobo nyɛmi ɔ ngma ya ha nihi nɛ a tsɛ mɛ nɛ a pee mɛ klɔuklɔu ngɛ Tsɛ Mawu ɔ mi nɛ a ngɔ mɛ ngɔ to ha Yesu Kristo ɔ.

Yuda 1:17

Se, mamimɛ, nyɛɛ lɛɛ nyɛ kai munyuhi nɛ wa Mawetsɛ Yesu Kristo bɔfo ɔmɛ tu sa a;

Yuda 1:20

Se, mamimɛ, nyɛɛ lɛɛ, nyɛ ha nyɛ nane nɛ pi si ngɛ hemi kɛ yemi nɛ ngɛ klɔuklɔu pe kulaa a mi, nɛ nyɛɛ sɔle ngɛ Mumi Klɔuklɔu ɔ mi,

Kpojemi 12:11

Nɛ mɛɛ lɛɛ, Tobi ɔ muɔ ɔ kɛ mɛ nitsɛmɛ a odase yemi munyu ɔ, a kɛ ye e nɔ, nɛ a klɔɛ mɛ nitsɛmɛ a wami he kɛ ya su gbenɔ mi tete.

Kpojemi 2:10

Koo ye amanehlu nɛ o maa na eko eko gbeye, oʼɛ, abosiami maa ngɔ nyɛ ti ni komɛ ngɔ wo tsu mi, kone a kɛ ka nyɛ, nɛ nyɛ maa na amanehlu ligbi nyɔngma. Pee anɔkualetsɛ kɛ ya su gbenɔ mi, nɛ ma ha mo wami jlasi ɔ.