Yuda 1:24 - Somi He Ɔ

²⁴ Lɛ, nɔ nɛ e ngɛ he wami nɛ e kɛ maa bu nyɛhe nɛ nyɛ ko tɛ si, nɛ e kɛ nyɛ ya da e nyami ɔ hɛ mi nɛ piami ko ko hi nyɛ he ngɛ bua jɔmi mi ɔ,

BAIBLO ALOO NGMAMI KLƆUKLƆU Ɔ

²⁴ Lɛ nɔ nɛ e ngɛ he wami nɛ e kɛ maa hyɛ nyɛ nɛ nyɛ be si nɔe, nɛ e maa hɛɛ nyɛ kɛ bua jɔmi kɛ ba e hɛ mi nyami klɔuklɔu ɔ mi nɛ piami ko be nyɛ he hie ɔ,

Yuda 1:24 ပူးပေါင်းရင်းမြစ်များ

Mateo 16:27

Ejakaa nɔmlɔ Bi ɔ maa ba ngɛ e tsɛ nyami ɔ mi kɛ e bɔfo ɔmɛ; nɛ lɛ be ɔ mi ɔ, e maa wo nɔ tsuaa nɔ hiɔ ngɛ e ni tsumi nya.

Mateo 19:28

Se Yesu de mɛ ke: “Niinɛ, i ngɛ nyɛ dee ke; nyɛ nihi nɛ nyɛ nyɛɛ ye se nɛ ɔ ɔ, benɛ Nɔmlɔ Bi ɔ maa hi e nyami sɛ nɔ ngɛ je he ɔ mi ɔ, nyɛ hu nyɛ maa hi sɛ nyɔngma kɛ enyɔ nɔ, nɛ nyɛ maa kojo Israel wetso nyɔngma kɛ enyɔ ɔ.

Mateo 25:31

“Se benɛ Nɔmlɔ Bi ɔ maa ba ngɛ e nyami ɔ mi, nɛ bɔfo ɔmɛ tsuo maa piɛ e he ɔ, lɛ be ɔ mi ɔ, e maa hi e nyami sɛ ɔ nɔ;

Mateo 5:12

Nyɛ nya nɛ nyɛ bua nɛ jɔ; ejakaa hiɔwo ngua ngɛ ha nyɛ ngɛ hiɔwe; ejakaa ja a wa gbali nɛ sɛ nyɛ hlami ɔ yi mi.”

Luka 9:26

Ejakaa nɔ tsuaa nɔ nɛ imi kɛ ye munyu ɔmɛ a he peɔ lɛ zo ɔ, lɛ hu e he maa pee Nɔmlɔ Bi ɔ zo benɛ e maa ba ngɛ lɛ nitse e nyami ɔ kɛ e tsɛ nɔ ɔ kɛ bɔfo klɔuklɔu ɔmɛ a nɔ ɔ mi ɔ.

Romabi 14:4

Moo lɛɛ mɛnɔ ji mo nɛ o kojoɔ nɔ kpa sɔmɔlɔ? Lɛ nitsɛ e nyɔmtsɛ ɔ e daa si aloo e nɔɔ si haa; se a ma ha e maa da si, ejakaa Mawu ngɛ he wami nɛ e ma ha e da si.

Romabi 8:31

Lɛɛ kɛ wa ma de kɛɛ ngɛ ni nɛ ɔmɛ a he mɔ? Ke Mawu ngɛ wa se ɔ, mɛnɔ maa te si ngɔ wo wɔ?

2 Korintobi 11:2

Ejakaa i jee nyɛ he hunga haa Mawu; ejakaa i bi nyɛ si ha Kristo, konɛ ma ngɔ zangmayo nɛ he tsɔ ya ha nyumu kake.

2 Korintobi 4:14

ejakaa wa le kaa nɔ nɛ tle Nyɔmtsɛ Yesu si ɔ, e ma tle waa kɛ Yesu si, nɛ e kɛ waa kɛ nyɛ tsuo ma ba da e hɛ mi.

2 Korintobi 4:17

Ejakaa wa nɔ nami nɛ nya wa nɛ se kɛ we nɛ ɔ ngɛ neneene hɛ mi nyami babauu nɛ be nɔ nɛ he jua wa hluu nya buae ha wɔ.

Efesobi 3:20

Se nɔ nɛ nyɛɔ peɔ kɛ bee nɔ babauu pe nihi kulaa nɛ wa kpaa he pɛɛ loo wa susuu, ngɛ e he wami nɛ tsuɔ ni ngɛ wa mi ɔ nya a,

Efesobi 5:27

konɛ e ngɔ lɛ ngɔ da si ha lɛ nitsɛ e he kaa hɛ mi nyami asafo nɛ he be piami ko loo hɛ mi kuami ko loo jamɛ a nɔ́ ko, se mohu e pee klɔuklɔu nɛ piami ko ko hi e he.

Kolosebi 1:22

jehanɛ, e kɛ e he lo nɔmlɔ tso ɔ gu gbenɔ mi kɛ kpata ha nyɛ, konɛ e kɛ nyɛ nɛ da si kaa ni klɔuklɔuhi nɛ he be piami ko loo nya pomi ko ngɛ e hɛ mi.

Kolosebi 1:28

Lɛ e he sane wa fiɛɔ, nɛ wa woɔ nɔmlɔ tsuaa nɔmlɔ ga, nɛ wa tsɔɔ nɔmlɔ ni ngɛ ni lemi tsuaa ni lemi mi, konɛ waa kɛ nɔmlɔ tsuaa nɔmlɔ nɛ da si kaa nɔ́ nɛ hi kɛ pi si ngɛ Kristo Yesu mi.

Kolosebi 3:4

Benɛ Kristo, nɔ nɛ ji wa wami ɔ ma pue ɔ, lɔ ɔ lɛɛ nyɛ hu nyɛɛ kɛ lɛ ma pue ngɛ anuminyami mi.

2 Timoteo 4:18

Nɛ Nyɔmtsɛ ɔ ma je mi kokooko kɛ maa je ni yayahi kulaa mi, nɛ e ma he ye yi wami kɛ maa ya e hiɔwe matsɛ yemi ɔ mi: Lɛ a ngɔ anuminyami ngɔ ha kɛ ya neneene kɛ neneene! Amen.

Yakobo 2:10

Ejakaa nɔ nɛ maa ye Mlaa mluku ɔ kulaa nɔ tete, se e ma tɔ ngɛ kake mi ɔ, e tɔ kulaa nɔ.

1 Petro 4:13

se mohu si abɔ nɛ nyɛ ngɛ Kristo amanehlu ɔ eko nae ɔ, nyɛ bua nɛ jɔ, konɛ e hɛ mi nyami kpo jemi ɔ mi hu nyɛ bua nɛ jɔ nɛ nyɛ mi nɛ flii nyɛ.

2 Petro 1:10

Lɔ ɔ he ɔ, mamimɛ, nyɛɛ bɔ mɔde nɛ nyɛɛ wa je nyɛ tsɛmi kɛ nyɛ hlami ɔ, ejakaa ke nyɛ pee enɛ ɔ ɔ, nyɛ be si gbee gblegbleegblee.

Yuda 1:21

nɛ nyɛɛ to nyɛ he ngɛ Mawu suɔmi ɔ mi, nɛ nyɛɛ hyɛ wa Mawetsɛ Yesu mɔbɔ nami ɔ blɔ, konɛ nyɛ na neneene wami.

Kpojemi 14:5

A nɛ́ lakpa ko ngɛ a nya mi, ejakaa piami ko be a he.