Yuda 1:16 - Somi He Ɔ

¹⁶ Nimli nɛ ɔmɛ ji nihi nɛ tuɔ munyu yaya, sieku yeli kɛ nɔ piali nɛ nɔ muɛ́ a hɛ nɛ a nyɛɛ mɛ nitsɛmɛ a kɔnɔ yayahi a se; a peɔ nya puu, nɛ a gbee nimli a yi mi ngɛ se nami he.

BAIBLO ALOO NGMAMI KLƆUKLƆU Ɔ

¹⁶ Daa nɛ ɔ, nimli nɛ ɔmɛ ngɛ munyu huitihuiti tue kɛ ngɛ bee; nɔ́ muɛ a hɛ gblegbleegble. Mɛ nitsɛmɛ a he akɔnɔ yayahi a se nɛ a dii. A fĩaa; a peeɔ nya puu, nɛ a gbee nihi a yi mi, konɛ a kɛ na ni ɔmɛ a he blɔ.

Yuda 1:16 ပူးပေါင်းရင်းမြစ်များ

Luka 15:2

Farisifo ɔmɛ kɛ mlaa tsɔɔli ɔmɛ tu munyu huitihuiti nɛ a de ke: “Nɔ nɛ ɔ kɛ yayami peeli yeɔ ni.”

Luka 19:7

Nɛ benɛ ni ɔmɛ na a, mɛ tsuo a tu munyu huitihuiti ke: ‘E ya to nyumu yayami peelɔ ngɔ.”

Luka 5:30

Nɛ Farisifo ɔmɛ kɛ mlaa tsɔɔli ɔmɛ tu munyu huitihuiti wo e kaseli ɔmɛ ke: “Mɛni he je nyɛɛ kɛ onia tsuli kɛ yayami peeli ngɛ ni yee nɛ nyɛɛ kɛ mɛ ngɛ nue nɛ ɔ?”

Yohane 6:41

Kɛkɛ nɛ Yudafo ɔmɛ tu e he munyu huhuuhu ke e de ke: “Imi ji abolo nɛ je hiɔwe ɔ nɛ;”

Yohane 6:61

Se benɛ Yesu yo kaa e kaseli ɔmɛ ngɛ huhuue ngɛ enɛ ɔ he ɔ, e bi mɛ ke: “Anɛ enɛ ɔ lɛ ngɛ nyɛ nane kpatae nɛ ɔ?

1 Korintobi 10:10

Nɛ jehanɛ hu nyɛ ko tu munyu huitihuiti kaa bɔ nɛ a ti ni komɛ tu munyu huitihuiti nɛ nɔ́ puɛlɔ ɔ ba kpata a hɛ mi ɔ.

Galatabi 5:16

Se i ke: Ke nyɛ nyɛɛ ngɛ mumi nya a, nyɛ be he lo akɔnɔ ɔmɛ a nya ni pee.

Galatabi 5:24

Se nihi nɛ ji Kristo Yesu nihi ɔ, a sɛu he lo ɔ kɛ e he numi nihi kɛ e kɔnɔ ɔmɛ kulaa.

Filipibi 2:14

Nyɛɛ pee nyɛ nihi kulaa nɛ munyu huitihuiti kɛ nɔ jemi ko ba mi;

1 Tesalonikabi 4:5

pi ngɛ akɔnɔ hɛ dɔmi mi, kaa bɔ nɛ maje li a bimɛ nɛ li Mawu ɔ peɔ ɔ;

1 Timoteo 6:5

nɛ ji yakayaka ngmlaa kpami nɛ nimli nɛ a juɛmi puɛ nɛ a kpɔ anɔkuale ɔ ngɛ a dɛ nɛ a susuɔ kaa Mawu jami ji ni nami ɔ.

2 Timoteo 4:3

Ejakaa be ko maa ba nɛ a be anɔkuale tsɔɔmi ɔ tue bue hu, ngɛ mɛ nitsɛmɛ a kɔnɔ ɔmɛ a nya, se mohu a ma bua tsɔɔli a nya ngɔ wo a he, ninɛmɛ nɛ ma de mɛ nihi nɛ a suɔ kaa a nu.

1 Petro 1:14

Nyɛɛ pee nyɛ he kaa bimɛ tue buli, nɛ nyɛ ko ba nyɛ je mi ngɛ sa benɛ nyɛ li nɔ́ ko ɔ mi akɔnɔ ɔmɛ a nya hu,

1 Petro 2:11

Mamimɛ, i ngɛ munyu tue kɛ ngɛ nyɛ tsɔɔe kaa nibwɔhi kɛ blɔ hiali kaa nyɛɛ nyɛ he lo se dimi nihi nɛ kɛ klaa hwuɔ ta,

1 Petro 4:2

konɛ be nɛ piɛ ha lɛ ngɛ he lo mi si himi nɛ ɔ mi ɔ, e ko hi si ngɛ nimli a kɔnɔhi a nya, se mohu ngɛ Mawu suɔmi nya nihi a nya.

2 Petro 2:10

se titli ɔ, nihi nɛ nyɛɛ he lo se ngɛ he blemi akɔnɔ mi, nɛ a gbee Mawu nɔ yemi he guɛ ɔ. Kikɛmɛ a lakpa tsɔɔli nɛ ɔmɛ a tsui wa, nɛ a woɔ a he, nɛ a bui hiɔwe bɔfohi tete, nɛ a tuɔ a he munyu yaya.

2 Petro 2:18

Akɛnɛ nya puu munyu nguahi jee a nya mi he je ɔ, a guu he lo akɔnɔhi a nɔ nɛ a kɛ ya homi mlɔɔ ninɛmɛ nɛ je wɔ jami mi kɛ we ɔ.

2 Petro 3:3

Kekleekle ɔ, nyɛɛ le enɛ ɔ kaa nyagbe ligbi ɔmɛ a mi ɔ, nɔ he fɛu yeli maa ba kɛ he fɛu yemi, nihi nɛ maa nyɛɛ ngɛ mɛ nitsɛmɛ a kɔnɔ ɔmɛ a nya,

Yuda 1:15

nɛ e maa kojo nimli tsuo, nɛ e ma ka nɔ yayami peeli ngɛ a ni yayami hi tsuo nɛ a tsu ɔ kɛ musu bɔmi munyu tsuo nɛ yayami peeli Mawu kuali tu ngɛ Mawu he ɔ he.”

Yuda 1:18

ejakaa a de nyɛ ke: “Nyagbe be ɔ mi ɔ, nɔ he fɛu yeli nɛ nyɛɛ ngɛ mɛ nitsɛmɛ a kɔnɔ yaya amɛ a nya a maa ba.”