Yohane 9:10 - Somi He Ɔ

¹⁰ Lɔ ɔ he ɔ a bi lɛ ke: “Kɛ pee kɛɛ nɛ o hɛngmɛ bli ɔ?”

BAIBLO ALOO NGMAMI KLƆUKLƆU Ɔ

¹⁰ A bi lɛ ke, “Kɛ pee kɛɛ loko jehanɛ ɔ lɛɛ o ngɛ nɔ hyɛe ɔ?”

Yohane 9:10 ပူးပေါင်းရင်းမြစ်များ

1 Korintobi 15:35

Se eko ɔ nɔ ko ma bi ke: “Kɛ ni gbogboehi maa pee kɛ te si kɛɛ? Nɛ jehanɛ mɛni nɔmlɔ tso a ma kɛ ba?”

Yohane 9:26

Nɛ a bi lɛ ekohu ke: “Mɛni e pee mo? Kɛ pee kɛɛ nɛ e bli o hɛngmɛ ɔ?”

Yohane 9:21

se bɔ nɛ pee nɛ e ngɛ nɔ hyɛe jeha nɛ ɔ ɔ, lɛɛ wa li; jeha nɛ ɔ hu, nɔ nɛ bli e hɛngmɛ ɔ, wa li; nyɛ bi lɛ, e wa, lɛ nitsɛ e maa tu munyu ha e he.”

Yohane 9:15

Kɛkɛ nɛ Farisifo ɔmɛ hu kpale bi lɛ bɔ nɛ pee nɛ e hyɛ nɔ ɔ. Nɛ e de mɛ ke: “Zu nɛ a pɔtɔ e kɛ ha ye hɛngmɛ ɔ nɔ, nɛ i ya du, nɛ i ngɛ nɔ hyɛe nɛ ɔ nɛ.”

Yohane 3:9

Nikodemo he nɔ nɛ e de lɛ ke: “Kɛ maa pee kɛɛ nɛ ni nɛ ɔmɛ maa ba mi?”

Marko 4:27

E ya hwɔɔ si nyɔ mi, nɛ e tee si ke je na, nɛ (lɛ be ɔ mi tsuo ɔ), dumi wu ɔmɛ ngɛ puɛe nɛ a ngɛ wae, nɛ e li bɔ nɛ peɔ.

Yohane 6:1

Enɛ ɔ se ɔ, Yesu pue nɔ kɛ ho Galilea Wo nɛ ji Tiberia Wo ɔ se ya.

Yohane 9:9

Ni komɛ ke “lɛ ʼi;” ni komɛ hu ke: “E je lɛ;” lɛ nitsɛ lɛɛ e ke: “Ami ʼi.”

Yohane 9:11

E he nɔ ke: “Nyumu ko nɛ a tsɛɛ lɛ Yesu ɔ lɛ pɔtɔ zu, nɛ e kɛ ha ye hɛngmɛ nɔ, nɛ e de mi ke: ‘Yaa Siloam taku ɔ mi nɛ o ya du.’ Nɛ benɛ i ya nɛ i ya du ɔ, i hyɛ nɔ.”