Yohane 8:54 - Somi He Ɔ

⁵⁴ Yesu he nɔ ke: “Ke i wo imi nitsɛ ye hɛ mi nyami ɔ, ye hɛ mi nyɛmi ɔ pi nɔ́ ko. Tsaatsɛ ji nɔ nɛ woɔ ye hɛ mi nyami, nɔ nɛ nyɛ deɔ ke nyɛ Mawu ji lɛ ɔ,

BAIBLO ALOO NGMAMI KLƆUKLƆU Ɔ

⁵⁴ Yesu he nɔ ke, “Kaa imi nitsɛ nɛ i woɔ ye hɛ mi nyami ɔ, lɛɛ lɔ ɔ pi nɔ́ ko; se hyɛ, Tsaatsɛ nɛ nyɛ tsɛɔ ke nyɛ Mawu ɔ, lɛ nɔuu nɛ woɔ ye hɛ mi nyami.

Yohane 8:54 ပူးပေါင်းရင်းမြစ်များ

Yohane 17:1

Benɛ Yesu de ni nɛ ɔmɛ se ɔ, e wo e hɛ nɔ kɛ ya hiɔwe, nɛ e ke: “Tsaatsɛ, ngmlɛfia a su. Wo o bi ɔ hɛ mi nyami, konɛ o bi ɔ hu nɛ wo o hɛ mi nyami.

Yohane 17:5

Nɛ jeha nɛ ɔ, Tsaatsɛ, ngɔɔ hɛ mi nyami nɛ i ngɛ ngɛ o ngɔ loko a bɔ je ɔ ngɔ wo ye hɛ mi nyami.

Yohane 2:11

Enɛ ɔ Yesu kɛ je e nyakpɛ ni ɔmɛ a sisi ngɛ Kana ngɛ Galilea, nɛ e ngɔ e hɛ mi nyami ɔ ngɔ tsɔɔ, nɛ e kaseli ɔmɛ he e nɔ ye.

Yohane 5:41

“I hla we nimli a hɛ mi nyami.

Yohane 7:18

Nɔ nɛ toɔ lɛ nitsɛ e yi mi nɛ e tuɔ munyu ɔ, lɛ nitsɛ e hɛ mi nyami e ngɛ hlae, se nɔ nɛ hlaa nɔ nɛ tsɔ lɛ ɔ hɛ mi nyami ɔ, lɛɛ anɔkualetsɛ ji lɛ, nɛ nɔ́ nɛ dɛ blɔ ko be e mi.

Yohane 7:39

Mumi ɔ nɛ nihi nɛ heɔ e nɔ yeɔ ɔ ma na a he nɛ e de enɛ ɔ ɔ nɛ; se Mumi Klɔuklɔu ɔ na we nɛ e ba, ejakaa a na we nɛ a wo Yesu hɛ mi nyami.

Yohane 8:41

Nyɛɛ lɛɛ, nyɛ tsɛ ni tsumihi nyɛ tsuɔ.” Kɛkɛ nɛ a de lɛ ke: “Wɔɔ lɛɛ, a fɔ we wɔ ngɛ ajuama bɔmi mi; tsɛ kake wa ngɛ, lɛ ji Mawu.”

Yohane 8:50

I hla we imi nitsɛ ye hɛ mi nyami, se nɔ ko ngɛ nɛ hlaa nɛ e kojoɔ.

Ni Tsumi 3:13

Abraham kɛ Isak kɛ Yakob Mawu ɔ nɛ ji wa tsɛmɛ a Mawu ɔ wo e tsɔlɔ Yesu hɛ mi nyami; nɔ nɛ nyɛ je lɛ ngɔ ha nɛ nyɛ kua lɛ ngɛ Pontio Pilato hɛ mi, benɛ lɛɛ e pee e juɛmi kaa e maa ngmɛɛ e he ɔ.

2 Korintobi 10:18

Ejakaa pi nɔ nɛ jeɔ e he yi ɔ ji nɔ nɛ sa, se mohu nɔ nɛ Nyɔmtsɛ ɔ jeɔ e yi ɔ.

1 Petro 1:12

Nɛ Mawu je tsɔɔ gbali ɔmɛ ke, tsa pi mɛ nitsɛmɛ a he ʼi, se nyɛ mohu nyɛ he nɛ a sɔmɔ ngɛ kikɛmɛ a ni nɛ ɔmɛ a he, nihi nɛ jehanɛ nihi nɛ jaje sane kpakpa a tsɔɔ nyɛ ngɛ Mumi Klɔuklɔu nɛ a tsɔ kɛ je hiɔwe ɔ jaje tsɔɔ nyɛ ɔ. Ni nɛ ɔmɛ ji nihi nɛ hiɔwe bɔfohi tete hɛ jaa ngɛ he kaa a ko na mi.

1 Petro 1:21

Nyɛ gu e nɔ he Mawu, nɔ nɛ tle lɛ si kɛ je gbeje nɛ e wo e hɛ mi nyami ɔ ye, benɛ pee nɛ nyɛ hemi kɛ yemi kɛ nyɛ hɛ kɛ nɔ fɔmi nɛ hi Mawu nɔ.

2 Petro 1:17

Ejakaa e na bu kɛ hɛ mi nyami kɛ je Tsɛ Mawu ɔ ngɔ, benɛ jamɛ a gbi ɔ je hɛ mi nyami kpetekpleenyɛ ɔ mi ba e ngɔ ke: “Nɔ nɛ ji ye suɔmi bi nɛ i naa e he tsui ɔ nɛ.”