Yohane 8:44 - Somi He Ɔ

⁴⁴ Nyɛɛ lɛɛ, nyɛ tsɛ nɛ nyɛ je e mi ji abosiami, nɛ nyɛ tsɛ ɔ tsui nya ni nyɛ suɔ kaa nyɛɛ pee. Lɛɛ nɔ gbelɔ ji lɛ kɛ je blema, nɛ e hi si ngɛ anɔkuale ɔ mi, ejakaa anɔkuale be e mi. Ke e ngɛ lakpa yee ɔ, lɛ nitsɛ e nihi a he munyu e tuɔ, ejakaa lakpatsɛ kɛ nya ngɔli a tsɛ ji lɛ.

BAIBLO ALOO NGMAMI KLƆUKLƆU Ɔ

⁴⁴ Nyɛ tsɛ nɛ fɔ nyɛ ji Abosiami; nɛ nyɛ suɔ kaa nyɛ maa pee e suɔmi nya ní. Kɛ je sisije ɔ, nɔ gbelɔ ji lɛ, nɛ e kɛ anɔkuale yi gblegbleegble, ejakaa anɔkuale be e mi. Ke e ye lakpa a, e tsɔɔ bɔ nɛ e su ngɛ, ejakaa lakpatsɛ kpanaku ji lɛ.

Yohane 8:44 ပူးပေါင်းရင်းမြစ်များ

Mateo 12:34

Nyɛ sinɔhi a nina! Kɛ maa pee kɛɛ nɛ nyɛ nɛ nyɛ ji nimli yayamihi ɔ, nyɛ ma nyɛ munyu kpakpa maa tu? Ejakaa nɔ́ nɛ hyi tsui kɛ be nɔ ɔ, lɔ ɔ nɔuu nya deɔ.

Mateo 13:15

Ejakaa kikɛmɛ a ma nɛ ɔ tsui ti, Nɛ a tue wa, Nɛ a ma a hɛngmɛ; Konɛ a ko hyɛ nɔ kɛ a hɛngmɛ, Nɛ a ko nu nɔ kɛ a tue, Nɛ a tsui hu ko na sisi, Nɛ a kpale nɛ a tsa mɛ.’

Mateo 13:38

ngmɔ ɔ ji je nɛ ɔ mi; dumi ni kpakpa amɛ ji matsɛ yemi mi bimɛ ɔmɛ; hu ɔ ji nɔ yayami ɔ bimɛ ɔmɛ;

Yohane 6:70

Yesu he nɔ nɛ e de mɛ ke: “Anɛ pi nyɛ ni nyɔngma kɛ enyɔ nɛ i hla lo? Se nyɛ kpɛti nɔ kake ɔ abosiami ʼi.”

Yohane 7:17

Ke nɔ ko suɔ kaa e pee e suɔmi nya ni ɔ, lɛ ji nɔ nɛ ma yo ngɛ tsɔɔmi ɔ he kaa Mawu dɛ mi e je aloo imi nitsɛ ye yi mi i toɔ nɛ i tuɔ munyu.

Yohane 8:38

Ini lɛɛ nihi nɛ i na ngɛ Tsaatsɛ he ɔ, lɔ ɔ i deɔ; nɛ nyɛ hu nihi nɛ nyɛ nu kɛ je nyɛ tsɛ nya a, kɔlɔ ɔ nyɛ peɔ.”

Yohane 8:41

Nyɛɛ lɛɛ, nyɛ tsɛ ni tsumihi nyɛ tsuɔ.” Kɛkɛ nɛ a de lɛ ke: “Wɔɔ lɛɛ, a fɔ we wɔ ngɛ ajuama bɔmi mi; tsɛ kake wa ngɛ, lɛ ji Mawu.”

Yohane 8:55

nɛ nyɛ yo we lɛ, se imi lɛɛ i le lɛ. Ke i de ke i li lɛ ɔ, ma pee nyangɔlɔ kaa nyɛ; se i le lɛ nɛ i yeɔ e munyu nɔ.

Ni Tsumi 13:10

nɛ e ke: “Oo, abosiami bi nɛ sisimi kɛ kutupɔ tsuo hyi mo tɔtɔɔtɔ, mo dami kulaa henyɛlɔ; anɛ o be Nyɔmtsɛ ɔ blɔ tlɔmɔɔ ɔmɛ a kpemi jɔɔe?

Ni Tsumi 24:9

Nɛ Yudafo ɔmɛ hu ka nɔ, nɛ a ma nɔ mi ke munyu nɛ ɔmɛ ngɛ mi ja.

Ni Tsumi 5:3

Se Petro ke: “Anania, mɛni he je Satan hyi o tsui mi tɔ, nɛ o ye lakpa ngɔ tsɔɔ Mumi Klɔuklɔu ɔ, nɛ o kɛ zugba a yi ni ɔ fã ko to se?

2 Korintobi 11:3

Se i ngɛ gbeye yee kaa alinɔ, kaa bɔ nɛ sinɔ ɔ kɛ e kutupɔ ɔ mlɔɔ Hawa a, ja nɔuu a ma puɛ nyɛ hu nyɛ juɛmi kɛ je klɔu peemi nɛ nyɛ je tsɔɔ Kristo ɔ mi.

1 Petro 5:8

Nyɛ hɛ nɛ ka si, nyɛɛ huɔ; ejakaa nyɛ he nyɛlɔ, abosiami ɔ, ngɛ si poe kaa jata nɛ ngɛ huae ngɛ nɔ nɛ e maa mi hlae.

2 Petro 2:4

Ejakaa Mawu ngɔɛ bɔfohi nɛ pee yayami ɔmɛ a he ngɔ ki mɛ, se mohu e tsitsɛɛ mɛ wo gbeje muɔ mi, he nɛ a fi mɛ kɛ diblii kpa ngɔ to ha kojomi.

1 Yohane 1:8

Ke wa de ke yayami ko be wa he ɔ, wɔ nitsɛmɛ wa he wa ngɛ sisie, nɛ anɔkuale ɔ be wa mi.

1 Yohane 2:21

Tsa pi kaa nyɛ li anɔkuale ɔ he je nɛ i ngɛ nyɛ ngmae nɛ ɔ, se mohu kaa nyɛ le, nɛ nyɛ le kaa lakpa ko lakpa ko ji anɔkuale ɔ mi.

1 Yohane 2:4

Nɔ nɛ deɔ ke: “I le lɛ,” nɛ e yi e kita amɛ a nɔ ɔ, lakpatsɛ ji lɛ, nɛ anɔkuale ɔ be e mi.

1 Yohane 3:12

wa ko pee kaa Kain nɔ nɛ je nɔ yayami ɔ mi nɛ e gbe e nyɛmi ɔ. Mɛni he je nɛ e gbe e nyɛmi ɔ? Ejakaa lɛ nitsɛ e ni tsumi ɔmɛ ɔ yayami ʼi, se e nyɛmi ɔ nɔ ɔ da.

1 Yohane 3:15

Nɔ tsuaa nɔ nɛ nyɛɛ e nyɛmi ɔ, nɔmlɔ gbelɔ ji lɛ; nɛ nyɛ le kaa nɔmlɔ gbelɔ ko nɔmlɔ gbelɔ ko be neneene wami ngɛ e mi.

Yuda 1:6

Nɛ hiɔwe bɔfohi hu nɛ hɛɛ we mɛ nitsɛmɛ a nɔkɔtɔma yemi ɔ mi, se mohu a je mɛ nitsɛmɛ a si himi he ɔ, e kɛ neneene kpahi fi mɛ ngɔ to diblii tsitsliitsli mi ha Ligbi ngua a nɔ kojomi ɔ.

Kpojemi 12:9

Nɛ a sake sinɔ ngua kpetekpleenyɛ ɔ, nɔ nɛ ji blema sinɔ ɔ nɛ a tsɛɛ lɛ Nyapolɔ loo Abosiami nɛ sisiɔ je mluku ɔ tsuo ɔ, ngɔ fɔ zugba a nɔ, nɛ a sake e bɔfo ɔmɛ hu ngɔ fɔ zugba a nɔ ngɔ piɛ e he.

Kpojemi 13:14

Nɛ e kɛ nyakpɛ nihi nɛ e na he blɔ kaa e pee ngɛ lohwe ɔ hɛ mi ɔ sisiɔ ninɛmɛ nɛ ngɛ zugba a nɔ ɔ, nɛ e deɔ nihi nɛ ngɛ zugba a nɔ ɔ ke, a pee amaga ngɔ ha lohwe ɔ nɛ a kɛ klaate plaa lɛ nɛ e hɛ ngɛ ɔ.

Kpojemi 2:10

Koo ye amanehlu nɛ o maa na eko eko gbeye, oʼɛ, abosiami maa ngɔ nyɛ ti ni komɛ ngɔ wo tsu mi, kone a kɛ ka nyɛ, nɛ nyɛ maa na amanehlu ligbi nyɔngma. Pee anɔkualetsɛ kɛ ya su gbenɔ mi, nɛ ma ha mo wami jlasi ɔ.

Kpojemi 21:8

Se ninɛmɛ nɛ ji sfɔli kɛ ninɛmɛ nɛ he we yi kɛ nihi nɛ peɔ ninyɛ nihi kɛ awi yeli kɛ ya holi kɛ nyuali kɛ wɔ jali kɛ lakpatsɛmɛ kulaa a, a ma na a blɔ nya ngɛ taku ɔ nɛ ngɛ tsoe kɛ la gligliigli ɔ mi, nɔ́ nɛ ji gbenɔ nɛ ji enyɔ ɔ.”

Kpojemi 22:15

Se ma a se ɔ, gbe ɔmɛ kɛ nyuali ɔmɛ kɛ ya holi ɔmɛ kɛ awi yeli ɔmɛ kɛ amaga jali ɔmɛ kɛ nɔ tsuaa nɔ nɛ suɔ lakpa nɛ ngɔɔ nya a ngɛ lejɛ ɔ.

Kpojemi 9:11

Nɛ a matsɛ ji muɔ woo ɔ mi bɔfo ɔ, nɛ a tsɛɛ lɛ ngɛ Hebri gbi mi ke Abadon, nɛ ngɛ Hela gbi mi ɔ, a tsɛɛ lɛ Apolion (Hɛmikpatalɔ).