Yohane 8:43 - Somi He Ɔ

⁴³ Mɛni he je nyɛ nɛ́ ye munyu nya a? E je ye munyu tue nɛ nyɛ bui ɔ.

BAIBLO ALOO NGMAMI KLƆUKLƆU Ɔ

⁴³ Munyu nɛ i kɛ nyɛ tu ɔ, nyɛ nɛ nya, ejakaa nyɛ bui ye munyu ɔ.

Yohane 8:43 ပူးပေါင်းရင်းမြစ်များ

Yohane 5:43

Imi lɛɛ i ba ngɛ Tsaatsɛ biɛ mi, nɛ nyɛ he we mi; ke nɔ kpa ko ba ngɛ lɛ nitsɛ e biɛ mi ɔ, lɛɛ nyɛ ma he lɛ.

Yohane 7:17

Ke nɔ ko suɔ kaa e pee e suɔmi nya ni ɔ, lɛ ji nɔ nɛ ma yo ngɛ tsɔɔmi ɔ he kaa Mawu dɛ mi e je aloo imi nitsɛ ye yi mi i toɔ nɛ i tuɔ munyu.

Ni Tsumi 7:51

“Nyɛ kuɛ wali kɛ amaga jali ngɛ tsuihi kɛ tuehi a mi! Nyɛɛ lɛɛ daa nɛ ɔ nyɛ kuɔ Mumi Klɔuklɔu ɔ nya; bɔ nɛ nyɛ tsɛmɛ ɔmɛ pee ɔ, jã nyɛ hu nyɛ peɔ.

Yohane 6:60

Enɛ ɔ he je ɔ, benɛ e kaseli ɔmɛ a ti nihi fuu nu enɛ ɔ ɔ, a ke: “Munyu nɛ he wa ji nɛ ɔ nɛ; mɛnɔ ma nyɛ tue bu?”

Yohane 8:27

A li kãa Tsɛ ɔ he munyu e kɛ mɛ ngɛ tue ɔ.

Romabi 3:11

Ni lelɔ ko be, nɔ ko nɔ ko be nɛ hlaa Mawu se blɔ.

Mateo 13:15

Ejakaa kikɛmɛ a ma nɛ ɔ tsui ti, Nɛ a tue wa, Nɛ a ma a hɛngmɛ; Konɛ a ko hyɛ nɔ kɛ a hɛngmɛ, Nɛ a ko nu nɔ kɛ a tue, Nɛ a tsui hu ko na sisi, Nɛ a kpale nɛ a tsa mɛ.’

Yohane 5:25

I ngɛ nyɛ dee anɔkuale mi ke: Ngmlɛfia a ma, nɛ e su ta, nɛ ni gbogboe ɔmɛ maa nu Mawu Bi ɔ gbi, nɛ nihi nɛ nuɔ ɔ yi ma na wa.

Yohane 8:33

A he nɔ ke: “Abraham nina ji wɔ, nɛ wa pee we nɔ ko nyɔguɛhi hyɛ; kɛ pee kɛɛ nɛ mo o deɔ ke: ‘Nyɛ maa ye nya he’ ɔ?”

Yohane 8:39

A he nɔ nɛ a de lɛ ke: “Wa tsɛ ji Abraham.” Yesu de mɛ ke: “Abraham bimɛ ji nyɛ jinɛ nyɛ ma tsu Abraham ni tsumihi.