Yohane 8:42 - Somi He Ɔ

⁴² Kɛkɛ nɛ Yesu de mɛ ke: “Mawu ji nyɛ tsɛ jinɛ nyɛ maa suɔ mi, ejakaa imi lɛɛ, Mawu ngɔ i je kɛ ba; nɛ pohu i to we imi nitsɛ ye yi mi kɛ bɛ, se mohu lɛ nɛ tsɔ mi.

BAIBLO ALOO NGMAMI KLƆUKLƆU Ɔ

⁴² Yesu de mɛ ke, “Mawu ji nyɛ Tsɛ niinɛ jinɛ nyɛ maa suɔ mi, ejakaa Mawu nɛ tsɔ mi; se pi imi nitsɛ ye yi mi nɛ i to kɛ ba. Mawu ngɔ nɛ i je kɛ ba nyɛ ngɔ.

Yohane 8:42 ပူးပေါင်းရင်းမြစ်များ

Yohane 12:49

Ejakaa imi lɛɛ i to we imi nitsɛ ye yi mi i tu we munyu; se Tsɛ nɛ tsɔ mi ɔ, lɛ mohu e wo mi kita, nɔ́ nɛ ma de kɛ nɔ́ nɛ ma tu.

Yohane 14:10

Anɛ o he we yi kaa i ngɛ Tsɛ ɔ mi nɛ Tsɛ ɔ hu ngɛ ye mi lo? Munyu nɛ i kɛ nyɛ tuɔ, pi imi nitsɛ ye yi mi nɛ i toɔ nɛ i deɔ; se Tsɛ ɔ nɛ hii ye mi ɔ, lɛ lɛ e tsuɔ ni tsumi ɔmɛ ɔ nɛ.

Yohane 17:8

ejakaa munyu ɔmɛ nɛ ɔ ngɔ ha mi ɔ, i ngɔ ha mɛ; nɛ a he, nɛ a na le faii kaa o ngɔ i je, nɛ a he ye kaa mo lɛ o tsɔ mi.

Yohane 17:25

Tsaatsɛ dalɔ, je ɔ li mo, se imi lɛɛ i le mo, nɛ ni nɛ ɔmɛ le kaa mo lɛ o tsɔ mi;

Yohane 1:14

Nɛ Munyu ɔ plɛ he lo, nɛ e ba hi wa kpɛti, nɛ wa na e hɛ mi nyami ɔ kaa Tsɛ ɔ Bi kaketoo ɔ hɛ mi nyami, nɛ dloomi kɛ anɔkuale hyi lɛ tɔtɔɔtɔ.

1 Yohane 4:14

Nɛ wɔɔ lɛɛ wa na, nɛ wa ngɛ odase yee kaa Tsɛ ɔ tsɔ e Bi ɔ kaa je ɔ yi wami helɔ.

Yohane 5:43

Imi lɛɛ i ba ngɛ Tsaatsɛ biɛ mi, nɛ nyɛ he we mi; ke nɔ kpa ko ba ngɛ lɛ nitsɛ e biɛ mi ɔ, lɛɛ nyɛ ma he lɛ.

1 Korintobi 16:22

Ke nɔ ko sume Nyɔmtsɛ Yesu Kristo sane ɔ, jamɛ a nɔ ɔ e plɛ musutsɛ! Wa Nyɔmtsɛ, ba! (Maran ata.)

Yohane 3:17

Ejakaa Mawu tsɔɛ e bi ɔ kɛ bɛ je ɔ mi konɛ e ba kojo je ɔ, se mohu konɛ a gu e nɔ kɛ he je ɔ yi wami.

Yohane 5:23

konɛ nihi tsuo bu Bi ɔ, kaa bɔ nɛ a buu Tsɛ ɔ. Nɔ nɛ bui Bi ɔ, e bui Tsɛ ɔ nɛ tsɔ lɛ ɔ hulɔ.

Kpojemi 22:1

Nɛ hiɔwe bɔfo ɔ tsɔɔ mi wami nyu pa klɔuu nɛ mi tsɔ kaa kristalo ahuhuɛ nɛ ngɛ Mawu kɛ Tobi ɔ matsɛ sɛ ɔ mi jee kɛ ngɛ ma a gbejegbɛ ɔ mi gue,

Galatabi 4:4

Se benɛ be nɛ a to ɔ su ɔ, Mawu tsɔ lɛ nitsɛ e bi ɔ kɛ ba, yo ko ba fɔ lɛ, e ba mlaa sisi,

Yohane 8:14

Yesu he nɔ nɛ e de mɛ ke: “Ke i ngɛ imi nitsɛ ye he odase yee hu po ɔ, ye dase ɔ ngɛ mi, ejakaa i le he nɛ i je kɛ he nɛ i yaa, se nyɛɛ lɛɛ, nyɛ li he nɛ i je loo he nɛ i yaa.

Yohane 13:3

Nɛ Yesu le kaa Tsɛ ɔ tu nihi tsuo kulaa ngɔ wo e dɛ, nɛ kaa Mawu ngɔ e je nɛ e kpale yaa Mawu ngɔ ɔ,

Yohane 16:30

Jeha nɛ ɔ wa kɔ se kaa o le nihi tsuo nɛ e hia we kaa nɔ ko nɛ bi mo sane ko. Enɛ ɔ waa kɛ heɔ yeɔ kaa Mawu ngɔ o je.”

1 Yohane 5:20

Wa le kaa Mawu Bi ɔ ba, nɛ e ba ha wɔ juɛmi konɛ waa le anɔkualetsɛ ɔ. Wa ngɛ anɔkualetsɛ ɔ mi, ngɛ e Bi Yesu Kristo mi; lɛ ji anɔkuale Mawu ɔ kɛ neneene wami ɔ.