Yohane 8:34 - Somi He Ɔ

³⁴ Yesu he nɔ ke: “I ngɛ nyɛ dee anɔkuale mi ke: Nɔ tsuaa nɔ nɛ peɔ yayami ɔ, yayami ɔ nyɔguɛ ji lɛ.

BAIBLO ALOO NGMAMI KLƆUKLƆU Ɔ

³⁴ Yesu de mɛ ke, “I ngɛ nyɛ dee anɔkuale mi ke nɔ tsuaa nɔ nɛ peeɔ yayami ɔ, yayami ɔ nyɔguɛ ji lɛ.

Yohane 8:34 ပူးပေါင်းရင်းမြစ်များ

Mateo 5:18

Niinɛ, i ngɛ nyɛ dee ke: Be abɔ nɛ hiɔwe kɛ zugba ngɛ lolo nɛ ɔ ɔ, kpɔ kake loo ngu nyafii pe kulaa be mlaa a mi jee ja a gbe nihi tsuo kulaa nya.

Yohane 3:3

Yesu he nɔ nɛ e de lɛ ke: “I ngɛ mo dee anɔkuale mi ke: Ke a ji hiɔwe fɔ we nɔ ko ɔ, e be Mawu matsɛ yemi ɔ nae.”

Ni Tsumi 8:23

Ejakaa i na kaa duɔ doomi kɛ nɔ́ yayami kpã a mi o ngɛ nɛ ɔ nɛ.”

Romabi 6:12

Lɔ ɔ he ɔ nyɛ ko ha yayami nɛ ye nyɛ nɔmlɔ tso nɛ ma gbo ɔ nɔ tsɛ nɛ nyɛ bu lɛ tue ngɛ e kɔnɔ ɔmɛ a mi.

Romabi 6:16

Anɛ nyɛ li kaa nɔ nɛ nyɛ ngɔɔ nyɛ he ngɔ peɔ nyɔguɛhi haa nɛ nyɛ buɔ lɛ tue ɔ, lɛ nɔuu e nyɔguɛhi ji nyɛ nɛ nyɛ buɔ lɛ tue ɔ lo? — yayami nɛ kɛ nɔ yaa gbenɔ mi ɔ jio, loo tuebumi nɛ kɛ nɔ yaa dami mi ɔ jio.

Romabi 6:6

Wa le enɛ ɔ kaa a sɛu wa nɔmlɔ tso momo ɔ ngɔ piɛ e he konɛ yayami nɔmlɔ tso ɔ hɛ mi nɛ kpata nɛ wa ko sɔmɔ yayami hu.

Romabi 7:14

Wa le kaa Mlaa a mumi mi nɔ́ ʼi; se imi lɛɛ he lo nɔmlɔ ji mi, nɛ a jua mi ngɔ ha yayami.

Romabi 7:25

Sina ha Mawu kɛ gu wa Nyɔmtsɛ Yesu Kristo nɔ. Jeha nɛ imi nɔuu i kɛ ye juɛmi sɔmɔɔ Mawu mlaa a lɛɛ, se i kɛ ye he lo sɔmɔɔ yayami mlaa.

Romabi 8:21

ejakaa adebɔ ni ɔmɛ hu maa ye a he kɛ maa je puemi nyɔguɛ yemi ɔ mi kɛ maa ya Mawu bimɛ ɔmɛ a nyami he yemi ɔ mi.

Efesobi 2:2

Jamɛ a be ɔ mi ɔ, nyɛ nyɛɛ ngɛ je nɛ ɔ mi kɔɔhiɔ mi he wami ɔ nɔ yelɔ, nɛ ji mumi nɛ tsuɔ ni mwɔnɛmwɔnɛ ngɛ tuegbenɔ bihi a mi ɔ su ɔ nya;

Tito 3:3

Ejakaa sa a wɔ hu wa li nɔ́ ko, tue gboli, blɔ dali, nihi nɛ sɔmɔɔ akɔnɔ ni kɛ helo se di ni slɔɔtohi fuu, nɛ wa baa wa je mi ngɛ ni yayahi kɛ he tsɛmi mi, wa he ngɛ tai, nɛ wa nyɛɛ wa he.

2 Petro 2:19

A woɔ mɛ si ke a maa ye a he, pohu mɛ nitsɛ mɛ ɔ puemi nyɔguɛhi ji mɛ, ejakaa nɔmlɔ peɔ nyɔguɛ ngɔ haa nɔ́ tsuaa nɔ́ nɛ yeɔ e nɔ ɔ.