Yohane 8:32 - Somi He Ɔ

³² nɛ nyɛ maa le anɔkuale ɔ, nɛ anɔkuale ɔ ma ha nyɛ maa ye nyɛ he.”

BAIBLO ALOO NGMAMI KLƆUKLƆU Ɔ

³² Kɛkɛ ɔ, nyɛ maa le anɔkuale ɔ; nɛ anɔkuale ɔ ma ha nyɛ maa ye nyɛ he.”

Yohane 8:32 ပူးပေါင်းရင်းမြစ်များ

Romabi 8:2

Ejakaa mlaa nɛ ji wami kɛ mumi mlaa a nɛ ngɛ Kristo Yesu mi ɔ kpɔ mi ngɛ yayami kɛ gbenɔ mlaa a dɛ mi.

Yohane 8:36

Lɔ ɔ he ɔ ke bi ɔ ha nyɛ ye nyɛ he ɔ, lɔ ɔ loko nyɛ maa ye nyɛ he niinɛ.

Yohane 17:17

Pee mɛ klɔuklɔu ngɛ anɔkuale ɔ mi; o munyu ɔ anɔkuale ʼi.

1 Petro 2:16

Kaa sodehehi, se pi ninɛmɛ nɛ ngɔɔ odehe yemi nɛ ɔ kɛ peɔ yayami nɔ hami nɔ, se mohu kaa Mawu sɔmɔli.

Yohane 14:6

Yesu de lɛ ke: “Ami ji blɔ ɔ kɛ anɔkuale ɔ kɛ wami ɔ; nɔ ko bɛ́ Tsɛ ɔ ngɔ, kaa ja e gu ye nɔ.

Romabi 6:22

Se jeha nɛ ɔ, nɛ a kpɔ nyɛ kɛ je yayami dɛ mi nɛ nyɛ plɛ Mawu nyɔguɛhi nɛ ɔ, nyɛɛ wo yiblii ha klɔuklɔu peemi nɛ we nyagbe ji neneene wami ɔ.

Yakobo 1:25

Se nɔ nɛ hyɛɛ he yemi mlaa nɛ hi kɛ pi si kãii, nɛ e hɛ hii he be tsuaa be, nɛ e pi nɔ nɛ nuɔ nɛ e hɛ jee nɔ, se mohu e ji e nɔ yelɔ nɛ tsuɔ he ni ɔ, jamɛ a tsɛ ɔ Mawu maa gbaa lɛ ngɛ e nɔ́ tsuaa nɔ́ peemi mi.

Galatabi 5:1

Kristo pee wɔ odehehi, nɛ e ha wa ye wa he, lɔ ɔ he ɔ nyɛɛ da si kpitikplii nɛ nyɛ ko ha a bɔ nyɛ nyɔguɛ yemi pã a hu.

Yakobo 2:12

Nyɛɛ tu munyu nɛ nyɛɛ pee nyɛ nihi kaa nihi nɛ he yemi mlaa a kɛ maa kojo mɛ.

Galatabi 5:13

Ejakaa he yemi mi a tsɛ nyɛ kɛ ba ngɛ, mamimɛ; se nyɛ he yemi ɔ kɛkɛ nɛ nyɛ ko ha e plɛ he blɔ ha he lo ɔ, se mohu nyɛɛ gu suɔmi mi kɛ sɔmɔ nyɛ he.

Yohane 7:17

Ke nɔ ko suɔ kaa e pee e suɔmi nya ni ɔ, lɛ ji nɔ nɛ ma yo ngɛ tsɔɔmi ɔ he kaa Mawu dɛ mi e je aloo imi nitsɛ ye yi mi i toɔ nɛ i tuɔ munyu.

Romabi 8:15

Ejakaa pi nyɔguɛ yemi mumi nɛ nyɛ na nɛ nyɛ ma pa ye gbeye, se mohu nyɛ na bimɛ a plɛmi mumi, nɔ́ mi nɛ wa kpaa ngmlaa ngɛ ke: “Abba,” Tsaatsɛ! ɔ.

Yohane 16:13

se ke anɔkuale Mumi ɔ na ba a, e maa tsɔɔ nyɛ anɔkuale ɔ kulaa mi blɔ; ejakaa e be lɛ nitsɛ e yi mi toe kɛ tu munyu, se mohu nɔ́ tsuaa nɔ́ nɛ e maa nu ɔ, kɔlɔ ɔ e ma de, nɛ nihi nɛ ma a, e maa wo nɔ ta de nyɛ.

2 Timoteo 3:7

nɛ a hlaa ni kasemi, se kɛ ɔ, a nyɛ we nɛ a le anɔkuale ɔ.

Yohane 6:45

A ngma ngɛ gbali ɔmɛ a womi ɔ mi ke: ‘Mɛ tsuo kulaa a maa pee nihi nɛ Mawu tsɔɔ mɛ ni.’ Nɔ tsuaa nɔ nɛ nuɔ Tsɛ ɔ munyu nɛ e kaseɔ hulɔ ɔ, baa ye ngɔ.

Mateo 11:29

Nyɛ wo ye kuɛpã tso ɔ ngɔ fɔ nyɛ nɔ, nɛ nyɛɛ kase mi; se ye he jɔ, nɛ i baa ye he si kɛ jee ye tsui mi; nɛ nyɛ ma na he jɔmi ngɔ ha nyɛ klaa amɛ.

Yohane 1:14

Nɛ Munyu ɔ plɛ he lo, nɛ e ba hi wa kpɛti, nɛ wa na e hɛ mi nyami ɔ kaa Tsɛ ɔ Bi kaketoo ɔ hɛ mi nyami, nɛ dloomi kɛ anɔkuale hyi lɛ tɔtɔɔtɔ.

Yohane 1:17

Ejakaa Mlaa a Mose nɔ a gu nɛ a ngɔ ha, se dloomi kɛ anɔkuale ɔ, Yesu Kristo nɔ e gu kɛ ba.

1 Korintobi 7:22

Nɔ nɛ a tsɛ lɛ ngɛ Nyɔmtsɛ ɔ mi nɛ e ji nyɔguɛ ɔ, Nyɔmtsɛ ɔ odehe ʼi. Ja nɔuu kɛ̃ nɔ nɛ a tsɛ lɛ nɛ e ji odehe ɔ, Kristo nyɔguɛ ʼi.

2 Yohane 1:1

Nɔkɔtɔma a ngma ya ha Awula nɛ a hia lɛ kɛ e bimɛ ɔmɛ, nihi nɛ i suɔ ngɛ anɔkuale mi, nɛ pi ye nɔ kake kɛkɛ, se nihi kulaa nɛ a le anɔkuale ɔ,