Yohane 8:29 - Somi He Ɔ

²⁹ Nɛ nɔ nɛ tsɔ mi ɔ kɛ mi ngɛ, Tsɛ ɔ si we ye nɔ kake, ejakaa imi lɛɛ, nɔ́ nɛ sa e hɛ mi i peɔ daa.”

BAIBLO ALOO NGMAMI KLƆUKLƆU Ɔ

²⁹ Tsɛ ɔ nɛ tsɔ mi ɔ kɛ mi ngɛ; e si we imi nɔ kake too, ejakaa i peeɔ e suɔmi nya ní.”

Yohane 8:29 ပူးပေါင်းရင်းမြစ်များ

Yohane 6:38

Ejakaa pi imi nitsɛ ye suɔmi nya ni peemi he nɛ i je hiɔwe kɛ ba ngɛ se mohu nɔ nɛ tsɔ mi ɔ suɔmi nya ni peemi he.

Yohane 16:32

oʼɛ, ngmlɛfia a ma, nɛ e su po, nɛ nyɛ maa gbɛ fia nɛ nɔ tsuaa nɔ maa ngɔ e blɔ, nɛ nyɛ maa je ye nɔ kake he; se pi ye nɔ kake ʼi, ejakaa Tsɛ ɔ kɛ mi ngɛ.

Yohane 4:34

Yesu de mɛ ke: “Ye ngma ji kaa ma pee nɔ nɛ tsɔ mi ɔ suɔmi nya ni, nɛ ma gbe e ni tsumi ɔ nya.”

Yohane 15:10

Ke nyɛ ye ye kita amɛ a nɔ ɔ, nyɛ maa hi ye suɔmi ɔ mi; kaa bɔ nɛ imi hu i ye Tsaatsɛ kita amɛ a nɔ nɛ i ngɛ e suɔmi ɔ mi ɔ.

Yohane 5:30

“Imi nitse i be ye yi mi nyɛe maa to kɛ pee nɔ ko; bɔ nɛ i nuɔ ɔ, ja i kojoɔ, nɛ ye kojomi ɔ dami kojomi ʼi, ejakaa i hia we nɔ́ nɛ imi nitsɛ i suɔ, se mohu nɔ nɛ Tsɛ ɔ nɛ tsɔ mi ɔ suɔ?

Yohane 8:16

Nɛ ke i kojoɔ tete po hu ɔ, ye kojomi ɔ anɔkuale ʼi, ejakaa pi ye nɔ kake ʼi, se mohu i kɛ Tsɛ nɛ tsɔ mi ɔ.

1 Yohane 2:1

Ye bimɛ tsɔwi, i ngɛ nyɛ ni nɛ ɔmɛ ngmae, konɛ nyɛ ko pee yayami. Se ke nɔ ko pee yayami po hu ɔ, wa ngɛ mi dalɔ ngɛ Tsɛ ɔ ngɔ, Yesu Kristo, dalɔ ɔ;

2 Timoteo 4:17

Se Nyɔmtsɛ ɔ fi ye se nɛ e wo mi he wami, konɛ a gu ye nɔ kɛ ma fiɛmi ɔ nɔ mi, nɛ maje li ɔmɛ kulaa a nu, nɛ a je mi kɛ je jata a nya mi.

Yohane 14:31

I peɔ bɔ nɛ Tsɛ ɔ fa mi ɔ konɛ je ɔ nɛ na le kaa i suɔ Tsɛ ɔ. Nyɛɛ te si, nyɛɛ ba waa je hiɛ ɔ!”

Yohane 17:4

Imi lɛɛ i wo o hɛ mi nyami ngɛ zugba a nɔ, akɛnɛ ni tsumi ɔ nɛ o ha mi tsumi ɔ i gbe nya a.

Mateo 17:5

Benɛ a ngɛ munyu ɔ tue kɛ mwɔɔ ɔ, oʼɛ, bɔku hleii ko ba ha a nɔ, nɛ oʼɛ, gbi je bɔku ɔ mi de ke: “Nɔ nɛ ɔ ji ye suɔmi bi nɛ i naa e he tsui ɔ nɛ; nyɛɛ bu lɛ tue!”

Mateo 3:17

Nɛ oʼɛ, gbi ko je hiɔwe ke: “Nɔ nɛ ɔ ji ye suɔmi bi nɛ i ngɛ e he tsui ɔ nɛ.”

Hebribi 4:15

Ejakaa wa osɔfo nɔkɔtɔma nɛ wa ngɛ ɔ, e pi nɔ nɛ be nyɛe maa nu wa gbɔjɔmi ɔmɛ a he ha wɔ, se e ji nɔ ko nɛ a ka lɛ ngɛ nihi kulaa blɔfami kaa wɔ, nɛ kɛ̃ ɔ yayami ko yayami ko be e he.

Hebribi 7:26

Yesu ji Osɔfo nɔkɔtɔma nɛ sa wɔ pɛ: nɔ nɛ he tsɔ, nɛ yayami ko be e he, nɛ e he be piami ko, nɛ e tsɔ e he kɛ je yayami peeli a he, nɛ a wo e nɔ kɛ be hiɔwe, he;

2 Timoteo 4:22

Mawetsɛ Yesu Kristo kɛ o mumi ɔ nɛ hi si! Mawu dloomi ɔ kɛ nyɛ nɛ hi si! Amen.

Mateo 3:15

Se Yesu he nɔ nɛ e de lɛ ke: “Moo kplɛɛ kɛkɛ, se kikɛmɛ a blɔ nɔ a maa gu kɛ pee Mawu suɔmi nya ni.” Kɛkɛ nɛ Yohane kplɛɛ ha lɛ.

1 Yohane 3:22

Nɛ nɔ́ tsuaa nɔ́ nɛ wa baa iɛ ɔ, wa naa kɛ jee e dɛ mi, ejakaa e kita amɛ ɔ, wa yeɔ nɔ, nɛ wa peɔ nihi nɛ sa e hɛ mi.