Yohane 8:14 - Somi He Ɔ

¹⁴ Yesu he nɔ nɛ e de mɛ ke: “Ke i ngɛ imi nitsɛ ye he odase yee hu po ɔ, ye dase ɔ ngɛ mi, ejakaa i le he nɛ i je kɛ he nɛ i yaa, se nyɛɛ lɛɛ, nyɛ li he nɛ i je loo he nɛ i yaa.

BAIBLO ALOO NGMAMI KLƆUKLƆU Ɔ

¹⁴ Yesu he nɔ ke, “E ngɛ mi mohu kaa imi nitsɛ i ngɛ ye he odase yee lɛɛ, se ye odase ɔ ngɛ mi, ejakaa i le he nɛ i je, kɛ he nɛ i yaa. Nyɛɛ lɛɛ nyɛ li he nɛ i je kɛ ba; nɛ he nɛ i yaa hu nyɛ li.

Yohane 8:14 ပူးပေါင်းရင်းမြစ်များ

Yohane 16:28

Tsɛ ɔ ngɔ i je kɛ ba je ɔ mi, jeha nɛ ɔ hu, i ngɛ je ɔ mi jee kɛ yaa Tsɛ ɔ ngɔ.”

Yohane 13:3

Nɛ Yesu le kaa Tsɛ ɔ tu nihi tsuo kulaa ngɔ wo e dɛ, nɛ kaa Mawu ngɔ e je nɛ e kpale yaa Mawu ngɔ ɔ,

Yohane 14:10

Anɛ o he we yi kaa i ngɛ Tsɛ ɔ mi nɛ Tsɛ ɔ hu ngɛ ye mi lo? Munyu nɛ i kɛ nyɛ tuɔ, pi imi nitsɛ ye yi mi nɛ i toɔ nɛ i deɔ; se Tsɛ ɔ nɛ hii ye mi ɔ, lɛ lɛ e tsuɔ ni tsumi ɔmɛ ɔ nɛ.

Yohane 8:42

Kɛkɛ nɛ Yesu de mɛ ke: “Mawu ji nyɛ tsɛ jinɛ nyɛ maa suɔ mi, ejakaa imi lɛɛ, Mawu ngɔ i je kɛ ba; nɛ pohu i to we imi nitsɛ ye yi mi kɛ bɛ, se mohu lɛ nɛ tsɔ mi.

Yohane 17:8

ejakaa munyu ɔmɛ nɛ ɔ ngɔ ha mi ɔ, i ngɔ ha mɛ; nɛ a he, nɛ a na le faii kaa o ngɔ i je, nɛ a he ye kaa mo lɛ o tsɔ mi.

Kpojemi 3:14

“Nɛ Laodikea asafo ɔ bɔfo ɔ, ngmaa ya ha lɛ ke: “Nihi nɛ Amen ɔ nɛ ji odase yelɔ anɔkualetsɛ ɔ kɛ anɔkua leyelɔ ɔ kɛ Mawu adebɔ ɔ sisije ɔ de ji nɛɔ nɛ:

2 Korintobi 12:19

Nyɛ susuu kaa wa nya sɔuu wa ngɛ jee kɛ ngɛ nyɛ hae nɛ ɔ lo? Pi ja, Mawu hɛ mi wa ngɛ dee ngɛ, ngɛ Kristo mi, se, mamimɛ, ni nɛ ɔmɛ kulaa a, nyɛ nane si numi he je nɛ wa ngɛ dee.

2 Korintobi 12:11

I ye kuasiahi a sane kɛ fiami nɛ ɔ; nyɛ lɛ nyɛ nyɛ ye nɔ kikɛ nɛ ɔ nɛ. Ejakaa sa nɛ nyɛ mohu lɛ nyɛ jeɔ ye yi; ejakaa e piɛ́ mi nɔ́ ko nɔ́ ko nɛ i kɛ bɔfo ngua amɛ nɛ sɔ, pohu i pi nɔ ko tete.

2 Korintobi 11:31

Mawu kɛ wa Nyɔmtsɛ Yesu Tsɛ, nɔ nɛ a gbaa kɛ ya siɔ neneene ɔ, le kaa i yi lakpa.

Yohane 10:36

nyɛ ngɛ dee ngɛ nɔ nɛ Tsɛ ɔ pee lɛ klɔuklɔu nɛ e tsɔ lɛ kɛ ba je ɔ mi ɔ he ke: ‘O bɔ musu;’ mɛni he je ɔ, i de ke: Mawu bi ji mi ɔ lo?

Yohane 10:15

kaa bɔ nɛ Tsɛ ɔ le mi, nɛ imi hu i le Tsɛ ɔ; nɛ i ngɔɔ ye wami ngɔ fɔɔ si ngɛ to ɔmɛ a nane mi.

Yohane 5:31

Ke imi nitsɛ ye he odase i yeɔ ɔ, ye odase ɔ pi anɔkuale.

Yohane 18:37

Lɔ ɔ he ɔ Pilato bi lɛ ke: “Lɛɛ matsɛ ji mo kɛ̃ lo?” Yesu he nɔ ke: “Jã o de ɔ nɛ; ejakaa matsɛ ji mi. Imi lɛɛ enɛ ɔ he a fɔ mi, nɛ enɛ ɔ he nɔuu i ba je ɔ mi ngɛ, konɛ ma ba ye anɔkuale ɔ he odase. Nɔ tsuaa nɔ nɛ je anɔkuale ɔ mi ɔ nuɔ ye gbi.”

Kpojemi 1:5

nɛ kɛ je Yesu Kristo, nɛ ji odaseyelɔ anɔkualetsɛ ɔ, ni gbogboehi a kpɛti kekleekle bi kɛ zugba a nɔ matsɛmɛ ɔmɛ a nɔyelɔ ɔ dɛ mi. Nɔ nɛ suɔ wɔ, nɛ e kɛ lɛ nitsɛ e muɔ tsukɔ wa he kɛ je wa he yayami ɔmɛ a mi,