Yohane 7:37 - Somi He Ɔ

³⁷ Nyagbe ligbi nɛ ji nyami ligbi ɔmɛ a kpɛti ligbi ngua a nɔ ɔ, Yesu ya da si nɛ e wo e nya nɔ nɛ e de ke: “Ke kuma ngɛ nɔ ko tɔe ɔ, e ba ye ngɔ nɛ e ba nu nyu;

BAIBLO ALOO NGMAMI KLƆUKLƆU Ɔ

³⁷ Nyagbe ligbi ɔ nɛ ji nyami ligbi nguaa pe kulaa a, Yesu te da si, nɛ e de kɛ ngmlaa ke, “Nɔ tsuaa nɔ nɛ kuma ngɛ lɛ yee ɔ, e ba ye ngɔ nɛ e ba nu nyu.

Yohane 7:37 ပူးပေါင်းရင်းမြစ်များ

Yohane 4:14

se nɔ nɛ nuu nyu nɛ imi ma ha lɛ ɔ, kuma be lɛ yee gblee kɛ maa ya neneene; se mohu nyu nɛ ma ha lɛ ɔ ma plɛ nyu hɛngmɛ nɛ baa kɛ yaa neneene wami mi ngɛ e mi.”

Yohane 6:35

Se Yesu de mɛ ke: “Imi ji wami ngma a nɛ; nɔ nɛ baa ye ngɔ ɔ, hwɔ be lɛ yee gblegbleegblee, nɛ nɔ nɛ heɔ ye nɔ yeɔ ɔ, kuma be lɛ tɔe gblegbleegblee.

Kpojemi 22:17

Mumi ɔ kɛ Ayɛflo ɔ ke: “Ba!” Nɛ nɔ nɛ nuɔ ɔ, e de ke: “Ba!” Nɔ nɛ kuma ngɛ lɛ tɔe ɔ, e ba, nɛ nɔ nɛ suɔ ɔ, e ba nɛ e ba yɛ wami nyu ɔ yaka gu.

Yohane 4:10

Yesu he nɔ nɛ e de lɛ ke: “Kaa o le Mawu nɔke nɔ́ ɔ kɛ nɔ nɛ ngɛ mo dee ke: ‘Ha mi eko ma nu’ ɔ, jinɛ mo mohu o maa ba lɛ nɛ e ha mo wami nyu.”

Kpojemi 21:6

Nɛ e de mi ke: “A gbe nya. Ami ji Alfa a kɛ Omega a nɛ, sisije ɔ kɛ nyagbe ɔ. Nɔ nɛ kuma ngɛ lɛ tɔe ɔ, ma ha lɛ wami nyu vu ɔ mi nyu ɔ eko nɛ e nu yaka gu.

Kpojemi 22:1

Nɛ hiɔwe bɔfo ɔ tsɔɔ mi wami nyu pa klɔuu nɛ mi tsɔ kaa kristalo ahuhuɛ nɛ ngɛ Mawu kɛ Tobi ɔ matsɛ sɛ ɔ mi jee kɛ ngɛ ma a gbejegbɛ ɔ mi gue,

1 Korintobi 12:13

Ejakaa Yudafohi ji wɔ jio, Helabihi ji wɔ jio, nyɔguɛhi jio, he yeli jio, wɔ tsuo ɔ Mumi kake mi a gu a baptisi wɔ ngɔ wo nɔmlɔ tso kake mi; nɛ wɔ tsuo Mumi kake akɛ ha wɔ nɛ waa nu.

Yohane 6:55

Ejakaa ye he lo ɔ ngma nitsɛ ʼi, nɛ ye muɔ ɔ nunui nɔ́ nitsɛ ʼi.

Mateo 11:28

“Nyɛɛ ba ye ngɔ, nyɛ nihi tsuo nɛ pɔ tɔ nyɛ nɛ nyɛ tlomihi pã nyɛ ɔ, nɛ ma ha nyɛ he jɔmi?

1 Korintobi 10:21

Nyɛ be Nyɔmtsɛ ɔ kplu ɔ kɛ mumi yayamihi a kplu ɔ nyɛe maa nu si kake. Nyɛ be Nyɔmtsɛ ɔ okplɔɔ ɔ nɔ ni kɛ mumi yayamihi a nɔ ɔ nɔ ni nyɛe maa ye si kake.

1 Korintobi 10:4

nɛ mɛ kulaa a nu mumi mi tɛ sa nɛ kɛ mɛ nyɛɛ ɔ mi nyu, nɛ tɛ sa a ji Kristo?

Efesobi 5:18

Nyɛ ko de da, nɔ́ mi nɛ sakasaka peemi ngɛ ɔ, se mohu nyɛ hyi tɔ kɛ Mumi ɔ.

1 Korintobi 11:25

Ja nɔuu e wo kplu ɔ hu ngɛ niyeni ɔ se, nɛ e ke: “Kikɛmɛ a kplu nɛ ɔ ji somi he ɔ ngɛ ye muɔ ɔ mi. Nyɛɛ pee enɛ ɔ; si abɔ nɛ nyɛ maa nu ɔ nɛ nyɛ kɛ kai mi.”

Yohane 14:6

Yesu de lɛ ke: “Ami ji blɔ ɔ kɛ anɔkuale ɔ kɛ wami ɔ; nɔ ko bɛ́ Tsɛ ɔ ngɔ, kaa ja e gu ye nɔ.

Yohane 6:37

Nihi tsuo nɛ Tsɛ ɔ ngɔ ha mi ɔ maa ba ye ngɔ, nɛ nɔ nɛ baa ye ngɔ ɔ, i be lɛ fiee kɔkɔɔkɔ.

Yohane 5:40

Se nyɛ sume kaa nyɛ baa ye ngɔ nɛ nyɛ na wami.

Yohane 1:23

E ke: “Imi ji nɔ nɛ gbi nɛ ngɛ pɛe ngɛ nga a nɔ ke: ‘Nyɛ dla Nyɔmtsɛ ɔ blɔ ɔ,’ kaa bɔ nɛ gbalɔ Yesaia de ɔ.”

Yohane 7:28

Jeha nɛ ɔ benɛ Yesu ngɛ ni tsɔɔe ngɛ sɔlemi we ɔ, e wo e nya nɔ nɛ e de ke: “Nyɛ le mi, nɛ nyɛ le he nɛ i je hulɔ; i tui imi nitsɛ ye yi mi kɛ bɛ́, se mohu anɔkualetsɛ ji nɔ nɛ tsɔ mi nɛ nyɛ li ɔ nɛ.

Mateo 3:3

Ejakaa nɔ nɛ ɔ ji nɔ he nɛ gbalɔ Yesaia de ngɛ ke: “Nɔ ko ngɛ ngmlaa kpae boboobo ngɛ nga a nɔ ke: ‘Nyɛ dla Nyɔmtsɛ ɔ blɔ ɔ. Nyɛ ha e blɔ ɔ nɛ da tlɔmɔɔ!’ ”

Mateo 5:6

“A gbaa ninɛmɛ nɛ a suɔmi nya ni ji kaa a pee nɔ nɛ Mawu suɔ ɔ: se Mawu ma ha a maa to kɛ bua jɔmi.

Yohane 4:11

Yo ɔ de lɛ ke: “Nyɔmtsɛ, o be nɔ́ nɛ o kɛ maa yɛ, nɛ vu ɔ hu mi kuɔ; jije o ma na wami nyu ɔ kɛ je mɔ?