Yohane 7:35 - Somi He Ɔ

³⁵ Lɔ ɔ he ɔ Yudafo ɔmɛ bi a he ke: “Jije nɔ nɛ ɔ maa ya nɛ wa be lɛ nae? Anɛ nihi nɛ gbɛ fia Helabi ɔmɛ a kpɛti ɔ ngɔ e maa ya nɛ e ya tsɔɔ Helabi ɔmɛ a ni lo?

BAIBLO ALOO NGMAMI KLƆUKLƆU Ɔ

³⁵ Yuda ma nimeli ɔmɛ bi mɛ nitsɛmɛ a he ke, “Jije po e yaa nɛ wa be lɛ nae hu ɔ? Anɛ e maa ho Hela ma nguaa amɛ a mi ya ngɛ wa nyɛmimɛ ɔmɛ a ngɔ, nɛ e ya tsɔɔ Hela bi ɔmɛ ní lo?

Yohane 7:35 ပူးပေါင်းရင်းမြစ်များ

Yakobo 1:1

Yakobo, nɛ ji Mawu kɛ Mawetsɛ Yesu Kristo sɔmɔlɔ ɔ, ngma ya ha wɛtso nyɔngma kɛ enyɔ nɛ gbɛ fia a: Nyɛ he manye!

1 Petro 1:1

Petro nɛ ji Yesu Kristo bɔfo ɔ, ngma ya ha nibwɔhi nɛ gbɛ fia Ponto, Kapodokia, Asia kɛ Bitinia a.

Yohane 12:20

Helabi komɛ ngɛ nihi nɛ ba nɛ a ba ja Mawu ngɛ nyami ligbi ɔ nɔ ɔmɛ a kpɛti.

2 Timoteo 1:11

nɔ́ he nɛ a wo mi fiɛlɔ kɛ bɔfo kɛ maje li ɔmɛ a tsɔɔlɔ ɔ,

1 Timoteo 2:7

enɛ ɔ he nɛ a wo mi fiɛlɔ kɛ bɔfo (anɔkuale i ngɛ tue ngɛ Kristo mi, i yi lakpa!), maje li a tsɔɔlɔ ngɛ hemi kɛ yemi kɛ anɔkuale mi ɔ nɛ.

Kolosebi 1:27

nihi nɛ Mawu suɔ kaa a ha a le nɔ́ nɛ ji kikɛmɛ a laami sane nɛ ɔ hɛ mi nyami hiɛmi ɔ ngɛ ma jeli ɔmɛ a kpɛti, nɛ ji Kristo ngɛ nyɛ mi, nɛ ji hɛ mi nyami hɛ kɛ nɔ fɔmi ɔ.

Efesobi 3:8

Imi nɛ i ji nɔ wayo pe he tsɔli ɔmɛ kulaa a, a ngɔ kikɛmɛ a dloomi nɛ ɔ ngɔ ha mi, kaa ma jaje Kristo nihiɛmi nɛ a be sisi nyɛe maa na kɛ gbe nya a he sane kpakpa a ngɔ tsɔɔ maje li ɔmɛ,

Ni Tsumi 22:21

Nɛ e de mi ke: ‘Yaa, ejakaa ma tsɔ mo majemajeli nɛ ngɛ lokoo ɔmɛ a ngɔ.’ ”

Ni Tsumi 21:21

Se a ba sɛɛ o he sane ha mɛ kaa o tsɔɔ Yudafohi nɛ ngɛ majemajeli ɔmɛ a kpɛti ɔ ke a kua Mose, nɛ o deɔ ke a ko po a bimɛ, nɛ jeha nɛ ɔ hu a ko nyɛɛ a kusumi nɛ ɔmɛ a se.

Ni Tsumi 11:18

Se benɛ a nu munyu nɛ ɔmɛ ɔ, a ma a nya, nɛ a wo Mawu hɛ mi nyami de ke: ‘Lɛɛ majeli ɔmɛ hu Mawu ha mɛ tsui tsakemi nɛ a kɛ he a yi wami!’

Yohane 8:22

Lɔ ɔ he ɔ Yudafo ɔmɛ ke: “Anɛ e yaa gbe e he he je nɛ e deɔ ke: ‘He nɛ i yaa a, nyɛ be lejɛ ɔ nyɛe maa ba’ a?”

Luka 2:32

La nɛ ma bli majemajeli ɔmɛ a hɛ Nɛ maa wo o ma Israel hɛ mi nyami ɔ,

Mateo 12:21

Nɛ e biɛ ɔ nɔ majeli ɔmɛ maa ngɔ a hɛ ngɔ fɔ.”

Yohane 7:1

Enɛ ɔ se ɔ, Yesu kpa si ngɛ Galilea, se e sume kaa e ya kpaa si ngɛ Yudea ejakaa Yudafo ɔmɛ ngɛ lɛ hlae nɛ a gbe.

Ni Tsumi 11:20

Se a ti ni komɛ ɔ, Kiprobihi kɛ Kireenebihi ji mɛ, nɛ ni nɛ ɔmɛ ba Antiokia ba tu munyu tsɔɔ Helabi ɔmɛ hulɔ, nɛ a fiɛ Nyɔmtsɛ Yesu he sane kpakpa a ngɔ tsɔɔ mɛ.

Ni Tsumi 14:1

E ba mi kaa benɛ a ngɛ Ikoniom ɔ, Paulo kɛ Barnaba ya Yudafo ɔmɛ a kpe he ɔ nɛ a ya tu munyu tsɔɔ mɛ saminya, nɛ Yudafo ɔmɛ kɛ Helabi ɔmɛ a ti nihi babauu he ye.

Ni Tsumi 17:4

Nɛ a ti ni komɛ kplɛɛ nɛ a kɛ a he bɔ Paulo kɛ Sila he, kɛ Helabi Mawu gbeye yeli ɔmɛ a kpɛti nihi babauu, kɛ yihi nɛ a buu mɛ hu fuu.

Ni Tsumi 18:4

Se daa Hejɔɔmi Ligbi ɔ nɔ ɔ, e ya tuɔ munyu ngɔ tsɔɔ nihi ngɛ kpe he ɔ, nɛ e bɔɔ mɔde kaa e tsake Yudafohi kɛ Helabi ɔmɛ.

Romabi 1:16

Ejakaa Kristo Sane Kpakpa a he zo pee we mi, mɛni he je ɔ, e ji Mawu he wami nɛ a kɛ heɔ nɔ tsuaa nɔ nɛ heɔ yeɔ ɔ yi wami, Yuda no kekle kɛ Hela no hulɔ.