Yohane 7:30 - Somi He Ɔ

³⁰ Enɛ ɔ he ɔ, a ngɛ lɛ hlae nɛ a nu, se nɔ ko tɛ́ e he, ejakaa e ngmlɛfia a sui lolo.

BAIBLO ALOO NGMAMI KLƆUKLƆU Ɔ

³⁰ Kɛkɛ nɛ a pee kaa a maa nu Yesu amlɔ nɔuu, se nɔ ko nɔ ko nyɛ we nɛ e ta e he, ejakaa e be ɔ sui lolo.

Yohane 7:30 ပူးပေါင်းရင်းမြစ်များ

Yohane 10:39

Lɔ ɔ he ɔ, a ngɛ hlae ekohu nɛ a nu lɛ, se e je a dɛ.

Yohane 8:20

Yesu tu munyu nɛ ɔmɛ ngɛ nito he ɔ benɛ e ngɛ ni tsɔɔe ngɛ sɔlemi we ɔ; nɛ nɔ ko nui lɛ, ejakaa e ngmlɛfia a sui.

Yohane 7:6

Kɛkɛ nɛ Yesu de mɛ ke: “Ye be sui lolo, se nyɛɛ lɛɛ nyɛ be ɔ daa nɛ ɔ e su.

Yohane 7:32

Farisifo ɔmɛ nu kaa asafo ɔ ngɛ ni nɛ ɔmɛ dee kusikusi ngɛ e he; nɛ Farisifo ɔmɛ kɛ osɔfo nikɔtɔma amɛ tsɔ tsɔli konɛ a ya nu lɛ.

Yohane 11:57

Se osɔfo nikɔtɔma amɛ kɛ Farisifo ɔmɛ wo si ke, ke nɔ ko le he nɛ e ngɛ ɔ, e ba wo a tue nɔ, konɛ a ya nu lɛ.

Yohane 9:4

Wɔɔ lɛɛ, nɛ je na nɛ ɔ ɔ, ja wa tsu nɔ nɛ tsɔ wɔ ɔ ni tsumi ɔmɛ; je maa jɔ, benɛ nɔ ko be ni nyɛe ma tsu hu.

Yohane 8:59

Kɛkɛ nɛ da kukuɔ tɛ nɛ a maa fia lɛ; se Yesu laa e he, nɛ e je sɔlemi we ɔ kɛ ho.

Yohane 8:37

I le kaa Abraham nina ji nyɛ; nɛ kɛ̃ ɔ nyɛ ngɛ mi hlae nɛ nyɛɛ gbe, ejakaa ye munyu sɛ we nyɛ mi.

Yohane 7:19

Anɛ pi Mose nɛ ha nyɛ Mlaa a lo? Nɛ nyɛ ti nɔ ko yi Mlaa a nɔ. Mɛni he je nyɛ ngɛ mi hlae nɛ nyɛ maa gbe ɔ?”

Yohane 7:8

Nyɛɛ lɛɛ nyɛɛ ya nyami ligbi nɛ ɔ yemi se imi lɛɛ i na we ma ya, ejakaa ye be ɔ sui lolo.”

Luka 22:53

Daa nɛ i kɛ nyɛ ngɛ sɔlemi we ɔ lɛɛ nyɛ wo we nyɛ nine nɔ ngɛ ye nɔ; se nyɛ ngmlɛfia a kɛ diblii ɔ he wami ji nɛ ɔ nɛ!”

Luka 20:19

Osɔfo nikɔtɔma amɛ kɛ mlaa tsɔɔli ɔmɛ ngɛ hlae nɛ a nu Yesu ngɛ lɛ ngmlɛfia a nɔ nɔuu se a ya ye ma a gbeye, ejakaa a kɔ se kaa a he nɛ e bu kikɛmɛ a bɛ nɛ ɔ nɛ.

Marko 11:18

Nɛ osɔfo nikɔtɔma amɛ kɛ mlaa tsɔɔli ɔmɛ nu, nɛ lɔ ɔ he ɔ a hla bɔ nɛ a maa pee nɛ a kpata e hɛ mi; se a ngɛ lɛ gbeye yee, ejakaa asafo ɔ kulaa nya kpɛ a he ngɛ e ni tsɔɔmi ɔ he.

Mateo 21:46

Nɛ jinɛ a ngɛ hlae kaa a nu lɛ; se a ya ye asafo ɔmɛ gbeye ejakaa a buu lɛ gbalɔ.

Yohane 10:31

Kɛkɛ nɛ Yudafo ɔmɛ kukuɔ tɛ ekohu nɛ a maa fia lɛ.

Mateo 12:14

Enɛ ɔ he ɔ Farisifo ɔmɛ je kpo ya so e yi nɔ, bɔ nɛ a maa pee nɛ a kpata e hɛ mi.