Yohane 7:12 - Somi He Ɔ

¹² Nɛ munyu kusikusi fuu ba asafo ɔmɛ a mi ngɛ Yesu he. Ni komɛ de ke: “Nɔmlɔ kpakpa ji lɛ;” nɛ ni komɛ hu ke: “Dɛbi, blɔ mohu e haa asafo ɔ tlaa.”

BAIBLO ALOO NGMAMI KLƆUKLƆU Ɔ

¹² Ma a tsuo tu Yesu he munyu kusikusi. Benɛ ni komɛ de ke, “Nɔmlɔ kpakpa ji lɛ” ɔ, ni komɛ hu de ke, “Dɛbi, e ngɛ ma a nane tɔtɔe”.

Yohane 7:12 ပူးပေါင်းရင်းမြစ်များ

Yohane 9:16

Lɔ ɔ he ɔ Farisifo ɔmɛ a ti ni komɛ de ke: “Nyumu nɛ ɔ ji Mawu ngɔ, ejakaa e yi Hejɔɔmi Ligbi ɔ.” Ni komɛ hu ke: “Kɛ nɔmlɔ ko nɛ ji yayami peelɔ maa pee kɛɛ nɛ e ma nyɛ okadihi kaa enɛ ɔmɛ pee?” Nɛ migbami ba a kpɛti.

Yohane 7:47

Kɛkɛ nɛ Farisifo ɔmɛ he nɔ ke: “Anɛ nyɛ hu a mlɔɔ nyɛ?

Yohane 7:32

Farisifo ɔmɛ nu kaa asafo ɔ ngɛ ni nɛ ɔmɛ dee kusikusi ngɛ e he; nɛ Farisifo ɔmɛ kɛ osɔfo nikɔtɔma amɛ tsɔ tsɔli konɛ a ya nu lɛ.

Filipibi 2:14

Nyɛɛ pee nyɛ nihi kulaa nɛ munyu huitihuiti kɛ nɔ jemi ko ba mi;

Romabi 5:7

Ejakaa e maa wa loko nɔ ko ma gbo ha dalɔ ko; se nɔ́ kpakpa ko he ɔ, eko ɔ, nɔ ko ma si e gugue kaa e maa gbo.

Ni Tsumi 11:24

Nɔmlɔ kpakpa ji lɛ nɛ e hyi tɔ kɛ Mumi Klɔuklɔu kɛ hemi kɛ yemi. Nɛ a ngɔ nihi babauu kɛ ba Nyɔmtsɛ ɔ ngɔ.

Yohane 7:52

A he nɔ, nɛ a de lɛ ke: “Anɛ mo hu Galilea o je lo? Hla mi nɛ o hyɛ, se gbalɔ ko ti si kɛ ji Galilea hyɛ.” [

Yohane 6:14

Lɔ ɔ he ɔ benɛ ni ɔmɛ na okadi nɛ Yesu pee ɔ, a ke: “Niinɛ, nɔ nɛ ɔ ji gbalɔ ɔ nɛ ma je ɔ mi ɔ nɛ.”

Luka 23:50

Nɛ oʼɛ, nyumu ko ngɛ nɛ a tsɛɛ lɛ Yosef, nɛ ji kpe ngua a mi nɔ, nɔmlɔ kpakpa kɛ dalɔ,

Luka 23:47

Se benɛ aslaafohi lafa a nya tsɛ ɔ na nɔ nɛ a pee ɔ, e wo Mawu hɛ mi nyami nɛ e ke: “E ngɛ mi niinɛ kaa kikɛmɛ a nyumu nɛ ɔ ɔ dalɔ ʼi!”

Luka 18:19

Nɛ Yesu de lɛ ke: “Mɛni he je o ngɛ mi tsɛe ke nɔ kpakpa? Nɔ kpakpa ko be kaa ja nɔ kake; lɛ ji Mawu.

Luka 7:16

Nɛ gbeye nu mɛ tsuo, nɛ a wo Mawu hɛ mi nyami ke: “Gbalɔ kpetekpleenyɛ te si ngɛ wa kpɛti, nɛ Mawu ba slaa e ma a.”

Luka 6:45

Nɔmlɔ kpakpa jeɔ nɔ́ kpakpa kɛ jee e tsui mi juetli kpakpa a mi, nɛ nɔmlɔ yayami hu jeɔ nɔ́ yaya kɛ jee e tsui mi juetli yaya a mi, ejakaa nɔ́ nɛ hyi nɔmlɔ tsui kɛ be nɔ ɔ, lɔ ɔ e nya deɔ.”

Mateo 27:63

a ke: “Nyɔmtsɛ, wa kai kaa benɛ sisilɔ nɛ ɔ hɛ ngɛ ɔ, e ke: ‘Ligbi nɛ ji ligbi etɛ ɔ e ma te si ekohu.’

Mateo 21:46

Nɛ jinɛ a ngɛ hlae kaa a nu lɛ; se a ya ye asafo ɔmɛ gbeye ejakaa a buu lɛ gbalɔ.

Mateo 10:25

E hiɛ kaa kaselɔ maa pee kaa e tsɔɔlɔ, nɛ nyɔguɛ hu maa pee kaa e nyɔmtsɛ. Ke a tsɛ wetsɛ ɔ Beelzebul ɔ, e webi ɔmɛ lɛɛ si enyɛmɛ a be mɛ tsɛe ja?”