Yohane 6:7 - Somi He Ɔ

⁷ Filipo he nɔ ke: “Cedi lafa enyɔ nya abolo be mɛ sue, bɔ nɛ a ti nɔ tsuaa nɔ ma na nyamiwo bɔ kakaaka po.”

BAIBLO ALOO NGMAMI KLƆUKLƆU Ɔ

⁷ Filipo he nɔ ke, “Sika hiɔ lafa enyɔ nya abolo po be mɛ sue nya mi bɔ kakaaka.”

Yohane 6:7 ပူးပေါင်းရင်းမြစ်များ

Mateo 18:28

“Se benɛ jamɛ a sɔmɔlɔ ɔ je kpo ɔ, e ya na e huɛmɛ sɔmɔli ɔmɛ a ti nɔ kake nɛ hɛɛ lɛ hiɔ cedi lafa; nɛ e nu lɛ́ nɛ e mia e kuɔ si, nɛ e ke: ‘Wo mi hiɔ nɛ o hɛɛ mi ɔ!’

Marko 6:37

Se e he nɔ nɛ e de mɛ ke: “Nyɛ nitsɛmɛ nyɛ ha mɛ nɔ́ ko nɛ a ye.” A bi lɛ ke: “Anɛ waa ya nɛ wa ya he abolo cedi lafa enyɔ nya ha mɛ nɛ a ye lo?”

Yohane 1:43

Je na nɔ ɔ, Yesu to e yi mi kaa e maa ya Galilea, nɛ e na Filipo, nɛ e de lɛ ke: “Nyɛɛ ye se!”

Yohane 1:44

Filipo je Betsaida, Andrea kɛ Petromɛ a ma a mi.

Yohane 1:45

Filipo hu na Natanael, nɛ e de lɛ ke: “Wa na nɔ nɛ Mose ngma e he sane ngɛ Mlaa a mi, nɛ gbali ɔmɛ hu ngma e he sane ɔ, Yesu, Yosef bi nɛ je Nazaret ɔ.”

Yohane 1:46

Nɛ Natanael de Filipo ke: “Anɛ nɔ́ kpakpa ko ma nyɛ Nazaret maa je lo?” Filipo de lɛ ke: “Ba nɛ o ba hyɛ.”

Yohane 1:48

Natanael bi Yesu ke: “Jije o le mi ngɛ?” Yesu he nɔ nɛ e de lɛ ke: “I na mo loko Filipo tsɛ mo, be mi nɛ o ngɛ ngmɔkɔ tso ɔ sisi ɔ.”

Yohane 12:5

“Mɛni he je a jua we nu nɛ ɔ cedi lafa etɛ nɛ a kɛ ha ohiafohi?”