Yohane 6:68 - Somi He Ɔ

⁶⁸ Simon Petro he nɔ ke: “Mawetsɛ, mɛnɔ ngɔ wa maa ya? Mo lɛ o ngɛ neneene wami munyu ɔmɛ ɔ nɛ;

BAIBLO ALOO NGMAMI KLƆUKLƆU Ɔ

⁶⁸ Simon Petro he nɔ ke, “Nyɔmtsɛ, mɛnɔ ngɔ wa maa ya? Mo lɛ o ngɛ neneene wami munyu ɔmɛ.

Yohane 6:68 ပူးပေါင်းရင်းမြစ်များ

Mateo 16:16

Petro he nɔ ke: “Mo ji Kristo ɔ, Mawu hɛ kalɔ ɔ, bi ɔ.”

Marko 8:29

Nɛ e bi mɛ ke: “Se nyɛɛ lɛɛ, mɛnɔ nyɛ deɔ ke i ji?” Petro he nɔ nɛ e de lɛ ke: “Mo ji Kristo ɔ nɛ!”

Luka 9:20

Nɛ e bi mɛ ke: “Se nyɛɛ lɛɛ, nyɛ deɔ ke mɛnɔ ji mi?” Petro he nɔ nɛ e ke: “Mawu we Kristo ɔ.”

Yohane 12:49

Ejakaa imi lɛɛ i to we imi nitsɛ ye yi mi i tu we munyu; se Tsɛ nɛ tsɔ mi ɔ, lɛ mohu e wo mi kita, nɔ́ nɛ ma de kɛ nɔ́ nɛ ma tu.

Yohane 12:50

Nɛ i le kaa e kita a neneene wami ʼi; lɔ ɔ he ɔ nɔ́ tsuaa nɔ́ nɛ i ngɛ dee ɔ, bɔ nɛ Tsɛ ɔ de mi ɔ, ja i deɔ.”

Yohane 17:8

ejakaa munyu ɔmɛ nɛ ɔ ngɔ ha mi ɔ, i ngɔ ha mɛ; nɛ a he, nɛ a na le faii kaa o ngɔ i je, nɛ a he ye kaa mo lɛ o tsɔ mi.

Yohane 5:24

“I ngɛ nyɛ dee anɔkuale mi ke: Nɔ nɛ nuɔ ye munyu nɛ e heɔ nɔ nɛ tsɔ mi ɔ yeɔ ɔ, e ngɛ neneene wami, nɛ e be kojomi mi yae, se mohu e po mi ngɛ gbenɔ mi kɛ ho wami mi ya.

Yohane 6:40

Ejakaa enɛ ɔ ji Tsaatsɛ suɔmi nya ni ɔ nɛ, kaa nɔ tsuaa nɔ nɛ hyɛɛ Bi ɔ nɛ e heɔ e nɔ yeɔ ɔ, e na neneene wami, nɛ imi ɔ, ma tle lɛ si ngɛ nyagbe ligbi ɔ nɔ.”

Yohane 6:63

Mumi ɔ ji nɔ́ nɛ haa wami ɔ nɛ; he lo ɔ he be se nami ko. Munyuhi nɛ i kɛ nyɛ tu ɔ, mumi ʼi, nɛ wami ʼi.

Ni Tsumi 13:26

“Tsaatsɛmɛ kɛ mamimɛ, Abraham nina kɛ nyɛ kpɛti nihi nɛ yee Mawu gbeye, nyɛ a kɛ kikɛmɛ a yi wami hemi muyu nɛ ɔ ba ha.

Ni Tsumi 4:12

Ejakaa yi wami hemi be nɔ ko nɔ ko mi; nɛ jeha nɛ ɔ hu, biɛ kpã ko be hiɔwe sisi nɛ a ngɔ ha nimli nɛ sa kaa a gu nɔ kɛ he wa yi wami.”

Ni Tsumi 5:20

“Nyɛɛ ya sɔlemi we ɔ nɛ nyɛ ya da si nɛ nyɛɛ jaje kikɛmɛ a wami he nɛ ɔ mi munyu ɔmɛ kulaa ngɔ tsɔɔ maa.”

Ni Tsumi 7:38

Mose ji nɔ nɛ kɛ asafo ɔ hi nga a nɔ nɛ e da bɔfo ɔ nɛ kɛ lɛ tu munyu ngɛ Sinai yoku ɔ nɔ ɔ kɛ wa tsɛmɛ ɔmɛ a kpɛti nɛ e he wami munyu ɔmɛ ba ha wɔ ɔ nɛ.

Ni Tsumi 8:37

Se Filipo ke: “Ke o heɔ yeɔ kɛ o tsui kulaa a, lɛɛ blɔ ngɛ he.” Nɛ e he nɔ ke: “I heɔ yeɔ kaa Yesu Kristo ji Mawu bi ɔ nɛ.”]