Yohane 6:60 - Somi He Ɔ

⁶⁰ Enɛ ɔ he je ɔ, benɛ e kaseli ɔmɛ a ti nihi fuu nu enɛ ɔ ɔ, a ke: “Munyu nɛ he wa ji nɛ ɔ nɛ; mɛnɔ ma nyɛ tue bu?”

BAIBLO ALOO NGMAMI KLƆUKLƆU Ɔ

⁶⁰ Yesu se nyɛɛli ɔmɛ a ti nihi babauu nɛ nu nɔ́ nɛ ɔ, de ke, “Ei! Tsɔɔmi nɛ ɔ he wa lo! Mɛnɔ maa nu sisi.”

Yohane 6:60 ပူးပေါင်းရင်းမြစ်များ

Yohane 6:66

Kɛ je enɛ ɔ se ɔ, e kaseli ɔmɛ a ti nihi fuu kpale a se nɛ a kɛ lɛ nyɛɛ we hu.

Yohane 8:43

Mɛni he je nyɛ nɛ́ ye munyu nya a? E je ye munyu tue nɛ nyɛ bui ɔ.

Yohane 8:31

Kɛkɛ nɛ Yesu de Yudafo ɔmɛ nɛ he lɛ ye ɔ ke: “Ke nyɛ hi si ngɛ ye munyu ɔ mi ɔ, ye kaseli nitsɛmɛ ji nyɛ,

Mateo 11:6

A gbaa nɔ tsuaa nɔ nɛ ye he sane be e nane kpatae.”

2 Petro 3:16

E tuɔ enɛ ɔmɛ a he munyu ngɛ e womi ɔmɛ tsuo a mi. E womi ɔmɛ a mi ni komɛ a sisi numi yee, nɛ nihi nɛ kase we nɔ́ ko kɛ nihi nɛ a nane pi si ɔ tsɔɔ sisi kpa, kaa bɔ nɛ a peɔ ngmamihi nɛ piɛ ɔmɛ hu, kɛ kpataa mɛ nitsɛmɛ a hɛ mi ɔ.

Hebribi 5:11

Wa ngɛ munyuhi fuu nɛ wa maa tu ngɛ enɛ ɔ he, se a sisi tsɔɔmi hu wa, ejakaa nyɛ tue mi ti;

Yohane 2:2

Nɛ a kpee Yesu hu kɛ e kaseli ɔmɛ kɛ ya yo kpeemi ɔ.

Yohane 5:25

I ngɛ nyɛ dee anɔkuale mi ke: Ngmlɛfia a ma, nɛ e su ta, nɛ ni gbogboe ɔmɛ maa nu Mawu Bi ɔ gbi, nɛ nihi nɛ nuɔ ɔ yi ma na wa.

Yohane 6:52

Lɔ ɔ he ɔ Yudafo ɔmɛ sa nya ngɛ a kpɛti ke: “Kɛ nɔ nɛ ɔ maa pee kɛɛ nɛ e ma nyɛ ngɔ e he lo ngɔ ha wɔ nɛ waa ye ɔ?”

Yohane 6:64

Se nyɛ ti ni komɛ ngɛ nɛ a he we yi.” Ejakaa Yesu le kɛ je sisije ɔ nihi nɛ he we yi ɔ kɛ nɔ hu nɛ maa tsɔɔ e se blɔ ɔ.

Yohane 7:3

Lɔ ɔ he ɔ Yesu nyɛmimɛ ɔmɛ de lɛ ke: “Jee hiɛ ɔ nɛ o ya Yudea, konɛ o kaseli ɔmɛ hu a na nihi nɛ o tsuo ɔmɛ.