Yohane 6:53 - Somi He Ɔ

⁵³ Kɛkɛ nɛ Yesu de mɛ ke: “I ngɛ nyɛ dee anɔkuale mi ke: Ke nyɛ yi Nɔmlɔ Bi ɔ he lo nɛ nyɛɛ nu e muɔ ɔ, nyɛ be wami ngɛ nyɛ mi.

BAIBLO ALOO NGMAMI KLƆUKLƆU Ɔ

⁵³ Yesu de mɛ ke, “I ngɛ nyɛ dee anɔkuale mi ke, ke nyɛ yi Nɔmlɔ Bi ɔ he lo, nɛ́ nyɛɛ nu e muɔ ɔ, nyɛ be wami nae.

Yohane 6:53 ပူးပေါင်းရင်းမြစ်များ

1 Yohane 5:12

Nɔ tsuaa nɔ nɛ ngɛ Bi ɔ, e ngɛ wami; nɔ nɛ be Bi ɔ e be wami hulɔ.

Yohane 6:55

Ejakaa ye he lo ɔ ngma nitsɛ ʼi, nɛ ye muɔ ɔ nunui nɔ́ nitsɛ ʼi.

Yohane 15:4

Nyɛɛ hi ye mi, nɛ imi hu ma hi nyɛ mi. Kaa bɔ nɛ tso kɔni be nyɛe maa je lɛ nitsɛ e mi nɛ e wo yiblii kaa ja e ma wai tso ɔ he ɔ, ja nyɛ hu nyɛ be nyɛe kaa ja nyɛ hi ye mi.

Yohane 6:47

“I ngɛ nyɛ dee anɔkuale mi ke: Nɔ nɛ heɔ yeɔ ɔ, e ngɛ neneene wami.

Yohane 3:3

Yesu he nɔ nɛ e de lɛ ke: “I ngɛ mo dee anɔkuale mi ke: Ke a ji hiɔwe fɔ we nɔ ko ɔ, e be Mawu matsɛ yemi ɔ nae.”

Kpojemi 2:17

“Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee ɔ. “Nɔ nɛ yeɔ kunimi ɔ, ma ha lɛ mana nɛ a kɛ laa a eko nɛ e ye, nɛ ma ha lɛ tɛ hiɔ, nɛ tɛ ɔ nɔ ɔ, a ngma biɛ he nɛ nɔ ko li ja nɔ nɛ naa a.”

Yohane 3:36

Nɔ nɛ heɔ Bi ɔ nɔ yeɔ ɔ, e ngɛ neneene wami; se nɔ nɛ bui Bi ɔ tue ɔ, e be wami nae, se mohu Mawu mi mi fumi hii e nɔ.

Mateo 18:3

nɛ e ke: “Niinɛ, i ngɛ nyɛ dee ke: Ke nyɛ tsakee we nɛ nyɛ plɛ kaa jokuɛ tsɔwi ɔ, nyɛ be hiɔwe matsɛ yemi ɔ mi sɛe kulaa.

Yohane 3:5

Yesu he nɔ ke: “I ngɛ mo dee anɔkuɛle mi ke: Ke a ji nyu kɛ Mumi mi fɔ we nɔ ko ɔ, e be Mawu matsɛ yemi ɔ mi nyɛe maa sɛ.

Luka 13:5

Dɛbi, se mohu i ngɛ nyɛ dee ke, ke nyɛ tsakee we nyɛ blɔ ɔmɛ ɔ, nyɛ tsuo nyɛ hɛ mi ma kpata jã kɛ.”

Luka 13:3

Dɛbi, se mohu i ngɛ nyɛ dee ke, ke nyɛ tsakee we nyɛ blɔ ɔmɛ ɔ, nyɛ tsuo nyɛ hɛ mi ma kpata ja kɛ̃.

Yohane 13:8

Petro de lɛ ke: “Ko fɔ ye nane he kɔkɔɔkɔ.” Yesu he nɔ ke: “Ke i fɔ we o he ɔ, o be blɔfami nɔ́ ko ngɛ ye ngɔ.”

Mateo 5:18

Niinɛ, i ngɛ nyɛ dee ke: Be abɔ nɛ hiɔwe kɛ zugba ngɛ lolo nɛ ɔ ɔ, kpɔ kake loo ngu nyafii pe kulaa be mlaa a mi jee ja a gbe nihi tsuo kulaa nya.

Kpojemi 2:7

“Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee ɔ. “Nɔ nɛ yeɔ kunimi ɔ, ma ha lɛ wami tso ɔ nɛ ngɛ ye Mawu ɔ Paradeiso ɔ mi ɔ nɔ yiblii ɔ eko nɛ e ye.”

Mateo 8:20

Yesu de lɛ ke: “Kɔkɔbohi ngɛ muɔhi, nɛ hiɔwe lohwe pɛlitsɛmɛ ngɛ tsuhi; se Nɔmlɔ Bi ɔ be he nɛ e kɛ e yi fɔɔ.”

Yohane 6:51

Imi ji abolo nɛ hɛ̃ ngɛ nɛ je hiɔwe ba a nɛ; ke nɔ ko ye abolo nɛ ɔ eko ɔ, e maa hi si kɛ maa ya neneene. Se abolo nɛ i kɛ ma ha a ji ye he lo nɛ i kɛ ma ha ngɛ je ɔ wami he ɔ nɛ.”

Yohane 6:62

Se ke nyɛ na Nɔmlɔ Bi ɔ nɛ yaa hiɔwe he nɛ e ngɛ sa a, kɔlɔ ɔ nɛɛ?