Yohane 6:52 - Somi He Ɔ

⁵² Lɔ ɔ he ɔ Yudafo ɔmɛ sa nya ngɛ a kpɛti ke: “Kɛ nɔ nɛ ɔ maa pee kɛɛ nɛ e ma nyɛ ngɔ e he lo ngɔ ha wɔ nɛ waa ye ɔ?”

BAIBLO ALOO NGMAMI KLƆUKLƆU Ɔ

⁵² Jehanɛ Yuda bi ɔmɛ sɔuu bɔni nya sami, nɛ a bi ke, “Kɛ nɔmlɔ nɛ ɔ maa ngɔ e he lo ha wɔ nɛ waa ye kɛɛ?”

Yohane 6:52 ပူးပေါင်းရင်းမြစ်များ

Yohane 10:19

Munyu nɛ ɔmɛ a he je ɔ, mi gbami kpale ba Yudafo ɔmɛ a kpɛti ekohu.

Yohane 9:16

Lɔ ɔ he ɔ Farisifo ɔmɛ a ti ni komɛ de ke: “Nyumu nɛ ɔ ji Mawu ngɔ, ejakaa e yi Hejɔɔmi Ligbi ɔ.” Ni komɛ hu ke: “Kɛ nɔmlɔ ko nɛ ji yayami peelɔ maa pee kɛɛ nɛ e ma nyɛ okadihi kaa enɛ ɔmɛ pee?” Nɛ migbami ba a kpɛti.

Yohane 6:41

Kɛkɛ nɛ Yudafo ɔmɛ tu e he munyu huhuuhu ke e de ke: “Imi ji abolo nɛ je hiɔwe ɔ nɛ;”

1 Korintobi 2:14

Se nɔmlɔ su nɛ a kɛ fɔ lɛ ɔ he we Mawu Mumi ɔ ni ɔmɛ; ejakaa e peɔ lɛ kaa kuasiahi a sane ʼi, nɛ e nɛ́ nya, ejaka mumi a kɛ hlaa nya.

Ni Tsumi 17:32

Se benɛ a nu ni gbogboehi a si temi he ɔ, ni komɛ ye e he fɛu, nɛ ni komɛ hu ke: “Wa maa kpale bu mo tue ekohu ngɛ enɛ ɔ he.”

Yohane 4:11

Yo ɔ de lɛ ke: “Nyɔmtsɛ, o be nɔ́ nɛ o kɛ maa yɛ, nɛ vu ɔ hu mi kuɔ; jije o ma na wami nyu ɔ kɛ je mɔ?

Yohane 3:9

Nikodemo he nɔ nɛ e de lɛ ke: “Kɛ maa pee kɛɛ nɛ ni nɛ ɔmɛ maa ba mi?”

Yohane 3:4

Nikodemo bi lɛ ke: “Kɛ e maa pee kɛɛ nɛ benɛ nɔmlɔ bwɔ ɔ nɛ a ma fɔ lɛ hu? Anɛ e ma nyɛ e nyɛ muklii mi maa sɛ ekohu nɛ a fɔ lɛ lo?”

Yohane 1:19

Enɛ ɔ ji Yohane odase nɛ e ye, bene Yudafo ɔmɛ tsɔ osɔfohi kɛ Levibihi kɛ je Yerusalem nɛ a ba bi lɛ ke: “Mɛnɔ ji mo?” ɔ.

Yohane 6:60

Enɛ ɔ he je ɔ, benɛ e kaseli ɔmɛ a ti nihi fuu nu enɛ ɔ ɔ, a ke: “Munyu nɛ he wa ji nɛ ɔ nɛ; mɛnɔ ma nyɛ tue bu?”