Yohane 6:40 - Somi He Ɔ

⁴⁰ Ejakaa enɛ ɔ ji Tsaatsɛ suɔmi nya ni ɔ nɛ, kaa nɔ tsuaa nɔ nɛ hyɛɛ Bi ɔ nɛ e heɔ e nɔ yeɔ ɔ, e na neneene wami, nɛ imi ɔ, ma tle lɛ si ngɛ nyagbe ligbi ɔ nɔ.”

BAIBLO ALOO NGMAMI KLƆUKLƆU Ɔ

⁴⁰ Ejakaa Tsaatsɛ suɔ kaa nɔ tsuaa nɔ nɛ na Bi ɔ, nɛ e heɔ lɛ yeɔ ɔ, e na neneene wami. Nɛ nyagbe ligbi ɔ, ma tle mɛ si kɛ ba wami mi.”

Yohane 6:40 ပူးပေါင်းရင်းမြစ်များ

Romabi 6:23

Ejakaa yayami dɛ mi hiɔwe ɔ gbenɔ ʼi; se Mawu dloomi nike ni ɔ neneene wami ʼi ngɛ Kristo Yesu wa Nyɔmtsɛ ɔ mi.

Yohane 6:54

Nɔ nɛ yeɔ ye he lo nɛ e nuu ye muɔ ɔ, e ngɛ neneene wami, nɛ imi lɛɛ ma tle lɛ si ngɛ nyagbe ligbi ɔ nɔ.

Yohane 5:24

“I ngɛ nyɛ dee anɔkuale mi ke: Nɔ nɛ nuɔ ye munyu nɛ e heɔ nɔ nɛ tsɔ mi ɔ yeɔ ɔ, e ngɛ neneene wami, nɛ e be kojomi mi yae, se mohu e po mi ngɛ gbenɔ mi kɛ ho wami mi ya.

Yohane 11:25

Yesu de lɛ ke: “Imi ji sitemi ɔ kɛ wami ɔ nɛ; nɔ nɛ heɔ ye nɔ yeɔ ɔ, ke e gbo tete po ɔ, e hɛ maa hi ngmengmle,

Yohane 4:14

se nɔ nɛ nuu nyu nɛ imi ma ha lɛ ɔ, kuma be lɛ yee gblee kɛ maa ya neneene; se mohu nyu nɛ ma ha lɛ ɔ ma plɛ nyu hɛngmɛ nɛ baa kɛ yaa neneene wami mi ngɛ e mi.”

Yohane 14:19

E piɛ bɔɔ kɛkɛ nɛ je ɔ be mi nae hu; se nyɛ lɛɛ nyɛɛ ngɛ mi nae, ejakaa ye hɛ ngɛ, nɛ nyɛ hu nyɛ hɛ maa hi ngmengmle.

Yohane 12:45

Nɛ nɔ nɛ naa mi ɔ naa nɔ nɛ tsɔ mi ɔ.

Yohane 6:27

Nyɛ ko tsu ngma nɛ puɛɛ ɔ he ni, se mohu nyɛ tsu ngma nɛ hii si kɛ yaa neneene wami mi nɛ Nɔmlɔ Bi ɔ ma ha nyɛ ɔ he ni, ejakaa lɛ e nya Tsɛ Mawu ɔ sɔu.”

Yohane 3:36

Nɔ nɛ heɔ Bi ɔ nɔ yeɔ ɔ, e ngɛ neneene wami; se nɔ nɛ bui Bi ɔ tue ɔ, e be wami nae, se mohu Mawu mi mi fumi hii e nɔ.

Yohane 1:14

Nɛ Munyu ɔ plɛ he lo, nɛ e ba hi wa kpɛti, nɛ wa na e hɛ mi nyami ɔ kaa Tsɛ ɔ Bi kaketoo ɔ hɛ mi nyami, nɛ dloomi kɛ anɔkuale hyi lɛ tɔtɔɔtɔ.

Luka 2:30

Ejakaa ye hɛngmɛ na o yi wami hemi ɔ”

1 Yohane 2:25

Nɛ enɛ ɔ ji si nɛ Kristo wo wɔ ɔ nɛ; neneene wami ɔ.

Yohane 17:2

Ejakaa o ha lɛ he blɔ ngɛ he lo tsuo nɔ, konɛ nihi tsuo nɛ o ngɔ ha lɛ ɔ, e ha mɛ neene wami.

Yohane 10:28

nɛ imi nɔuu lɛ i haa mɛ neneene wami, nɛ a hɛ mi be kpatae kɛ maa ya neneene nɛ jeha nɛ ɔ hu, nɔ ko be mɛ kpɔe ngɛ ye dɛ.

Yuda 1:21

nɛ nyɛɛ to nyɛ he ngɛ Mawu suɔmi ɔ mi, nɛ nyɛɛ hyɛ wa Mawetsɛ Yesu mɔbɔ nami ɔ blɔ, konɛ nyɛ na neneene wami.

1 Petro 1:8

nɔ nɛ nyɛ nɛ́ lɛ mohu, se nyɛ suɔ lɛ, nɔ nɛ amlɔ nɛ ɔ hu nyɛ nɛ lɛ mohu, se nyɛ he e nɔ ye, lɔ ɔ he ɔ, nyɛ mi mi fliɔ nyɛ kɛ bua jɔmi kɛ nyami babauu nɛ a be nyɛe maa kale,

2 Korintobi 4:6

Ejakaa Mawu nɛ de ke: “La nɛ je diblii mi nɛ e kpɛ” ɔ, lɛ nɔuu lɛ e kpɛ ngɛ wa tsui mi hulɔ, konɛ Mawu hɛ mi nyami he ni lemi ɔ nɛ kpɛ ngɛ Yesu Kristo hɛ mi.

Romabi 5:21

konɛ bɔ nɛ yayami ɔ ye tsɛ ngɛ gbenɔ mi ɔ, ja nɔuu dloomi ɔ maa gu dami nɔ kɛ ye tsɛ hulɔ kɛ maa ya neneene wami mi ngɛ Yesu Kristo wa Nyɔmtsɛ ɔ he.

Yohane 12:50

Nɛ i le kaa e kita a neneene wami ʼi; lɔ ɔ he ɔ nɔ́ tsuaa nɔ́ nɛ i ngɛ dee ɔ, bɔ nɛ Tsɛ ɔ de mi ɔ, ja i deɔ.”

Yohane 8:56

Nyɛ tsɛ Abraham hia kɛ bua jɔmi kãa e ko na ye ligbi ɔ, nɛ e na nɛ e bua jɔ.”

Marko 16:16

Nɔ nɛ heɔ yeɔ nɛ a baptisi lɛ ɔ, a ma he e yi wami, se nɔ nɛ he we yi ɔ, a maa bu lɛ fɔ.

Hebribi 11:1

Hemi kɛ yemi ji nihi nɛ wa hɛ ngɛ nɔ ɔmɛ a nɔ he waminami kɛ nihi nɛ a nɛ́ ɔmɛ a nɔ mi mami.

Hebribi 11:27

Hemi kɛ yemi Mose kɛ je Mizraim nɛ e yi matsɛ ɔ mi mi fumi ɔ gbeye; e kpale we e se, kaa nɔ nɛ ngɛ Mawu nɛ a nɛ́ lɛ ɔ hyɛe.

Yohane 14:17

anɔkuale mumi ɔ nɛ je ɔ nyɛ we lɛ nɛ e ngɔ ɔ, mɛni he je ɔ, e nɛ́ lɛ, nɛ pohu e li lɛ; se nyɛɛ lɛɛ nyɛ le lɛ, ejakaa e kɛ nyɛ lɛ ngɛ, nɛ e maa hi nyɛ mi.

Mateo 10:15

Niinɛ, i ngɛ nyɛ dee ke: E be wae ha Sodom kɛ Gomora zugba a ngɛ kojomi ligbi ɔ nɔ kaa jamɛ a ma a.”

Mateo 25:46

Nɛ ni nɛ ɔmɛ ɔ, a maa ya neneene he hiami mi; se dali ɔmɛ maa ya neneene wami mi.”

Yohane 6:39

Nɛ enɛ ɔ ji nɔ nɛ tsɔ mi ɔ suɔmi nya ni ɔ nɛ, kaa nihi tsuo nɛ e ngɔ ha mi ɔ, ma ko ha nɛ a ti nɔ ko nɛ laa, se mohu ma tle lɛ si ngɛ nyagbe ligbi ɔ nɔ.

Yohane 6:44

Nɔ ko be nyɛe nɛ e maa ba ye ngɔ, kaa ja Tsɛ ɔ nɛ tsɔ mi ɔ gbla lɛ lolo, nɛ imi lɛɛ ma tle lɛ si ngɛ nyagbe ligbi ɔ nɔ.

Yohane 11:24

Marta de lɛ ke: “I le kaa e maa te si ngɛ ni gbogboehi a si temi ɔ mi ngɛ nyagbe ligbi ɔ nɔ.”