Yohane 6:39 - Somi He Ɔ

³⁹ Nɛ enɛ ɔ ji nɔ nɛ tsɔ mi ɔ suɔmi nya ni ɔ nɛ, kaa nihi tsuo nɛ e ngɔ ha mi ɔ, ma ko ha nɛ a ti nɔ ko nɛ laa, se mohu ma tle lɛ si ngɛ nyagbe ligbi ɔ nɔ.

BAIBLO ALOO NGMAMI KLƆUKLƆU Ɔ

³⁹ Nɔ nɛ tsɔ mi ɔ, nɔ́ nɛ e suɔ ji kaa nihi tsuo nɛ e tu ngɔ wo ye dɛ mi ɔ, ngmelu kake kó je mi; se mohu nyagbe ligbi ɔ, ma tle mɛ tsuo si.

Yohane 6:39 ပူးပေါင်းရင်းမြစ်များ

Yohane 17:12

Benɛ i kɛ mɛ ngɛ je ɔ mi ɔ, i to mɛ ngɛ o biɛ ɔ mi; nihi nɛ o ngɔ ha mi ɔ, i bu a he, nɛ a ti nɔ ko nɔ ko laa we, ja laami bi ɔ, konɛ nɔ́ nɛ a ngma a nɛ ba mi.

Yohane 6:40

Ejakaa enɛ ɔ ji Tsaatsɛ suɔmi nya ni ɔ nɛ, kaa nɔ tsuaa nɔ nɛ hyɛɛ Bi ɔ nɛ e heɔ e nɔ yeɔ ɔ, e na neneene wami, nɛ imi ɔ, ma tle lɛ si ngɛ nyagbe ligbi ɔ nɔ.”

Yohane 18:9

(Konɛ munyu nɛ a tu ke: “Nihi nɛ o ngɔ ha mi ɔ, i ha we nɛ a ti nɔ ko nɛ laa” a nɛ ba mi.)

Yohane 6:54

Nɔ nɛ yeɔ ye he lo nɛ e nuu ye muɔ ɔ, e ngɛ neneene wami, nɛ imi lɛɛ ma tle lɛ si ngɛ nyagbe ligbi ɔ nɔ.

Yohane 6:44

Nɔ ko be nyɛe nɛ e maa ba ye ngɔ, kaa ja Tsɛ ɔ nɛ tsɔ mi ɔ gbla lɛ lolo, nɛ imi lɛɛ ma tle lɛ si ngɛ nyagbe ligbi ɔ nɔ.

Yohane 6:37

Nihi tsuo nɛ Tsɛ ɔ ngɔ ha mi ɔ maa ba ye ngɔ, nɛ nɔ nɛ baa ye ngɔ ɔ, i be lɛ fiee kɔkɔɔkɔ.

Yuda 1:1

Yuda, nɛ ji Yesu Kristo sɔmɔlɔ kɛ Yakobo nyɛmi ɔ ngma ya ha nihi nɛ a tsɛ mɛ nɛ a pee mɛ klɔuklɔu ngɛ Tsɛ Mawu ɔ mi nɛ a ngɔ mɛ ngɔ to ha Yesu Kristo ɔ.

Romabi 8:11

Se ke nɔ nɛ tle Yesu si kɛ je gbeje ɔ Mumi ɔ hii nyɛ mi ɔ, nɔ nɛ tle Kristo si kɛ je gbeje ɔ ma ha nyɛ nɔmlɔ tsohi nɛ ma gbo ɔ hu yi ma na wami ngɛ e Mumi nɛ hii nyɛ mi ɔ he.

Luka 12:32

“Koo ye gbeye, asafo kuu nyafii, ejakaa nyɛ tsɛ ɔ ngɛ he tsui kaa e maa ngɔ matsɛ yemi ɔ ngɔ ha nyɛ.

Mateo 18:14

Ja nɔuu nɛ nyɛ tsɛ nɛ ngɛ hiɔwe ɔ sume kaa tsɔwi nɛ ɔmɛ a kpɛti kake laa.”

1 Petro 1:5

nyɛ nihi nɛ a gu hemi kɛ yemi nɔ buu nyɛ he ngɛ Mawu he wami nya ngɔ toɔ yi wami hemi nɛ a dla ngɔ to nɛ a ma je kpo ngɛ nyagbe be ɔmɛ a mi ɔ.

Yohane 12:48

Nɔ nɛ kuaa mi nɛ e pɛtɛ we ye munyu ɔ he ɔ, e ngɛ nɔ ko nɛ kojo lɛ; munyu nɛ i tu ɔ, kɔlɔ ɔ nɔuu maa kojo lɛ ngɛ nyagbe ligbi ɔ nɔ.

2 Timoteo 2:19

Se Mawu sisi tomi tɛ na he wa a maa si kpɛii, nɛ e hɛɛ kikɛmɛ a nyasɔomi nɔ nɛ ɔ: “Nyɔmtsɛ ɔ le lɛ nitsɛ e ni ɔmɛ,” kɛ: “Ha nɛ nɔ tsuaa nɔ nɛ woɔ Kristo biɛ ɔ ta a nɛ sã e he kɛ je nihi nɛ dɛ blɔ ɔmɛ a he.”

Yohane 5:28

Enɛ ɔ ko pee nyɛ nyakpɛ; ejakaa ngmlɛfia a ma, nɔ́ mi nɛ nihi tsuo nɛ ngɛ yɔkɔ ɔmɛ a mi ɔ maa nu e gbi,

Mateo 10:15

Niinɛ, i ngɛ nyɛ dee ke: E be wae ha Sodom kɛ Gomora zugba a ngɛ kojomi ligbi ɔ nɔ kaa jamɛ a ma a.”

Yohane 17:2

Ejakaa o ha lɛ he blɔ ngɛ he lo tsuo nɔ, konɛ nihi tsuo nɛ o ngɔ ha lɛ ɔ, e ha mɛ neene wami.

Yohane 17:6

“I je o biɛ ɔ si ngɔ tsɔɔ nimli nɛ o ngɔ kɛ je je ɔ mi ha mi ɔ. O nihi ji mɛ, nɛ o ngɔ mɛ ngɔ ha mi, nɛ a ye o munyu ɔ nɔ.

Yohane 17:9

Imi lɛɛ, mɛ i ngɛ pɛɛ kpae kɛ ngɛ hae; tsa pi je ɔ nɛ i ngɛ pɛɛ kpae kɛ ngɛ hae, se mohu nihi nɛ o ngɔ ha mi ɔ, ejakaa o nihi ji mɛ;

Yohane 17:24

“Tsaatsɛ, nihi nɛ o ngɔ ha mi ɔ i suɔ kaa he nɛ i ngɛ ɔ mɛ hu a kɛ mi ba hi lejɛ ɔ, konɛ a na ye hɛ mi nyami nɛ o ngɔ ha mi ɔ, ejakaa o suɔ mi loko a to je ɔ sisi.

1 Korintobi 6:14

Nɛ bɔ nɛ Mawu tle Nyɔmtsɛ ɔ si kɛ je gbeje ɔ, ja e ma tle wɔ hu si ngɛ e he wami nya.

Yakobo 5:15

nɛ hemi kɛ yemi sɔlemi nɛ ɔ ma he hiɔtsɛ ɔ yi wami, nɛ Nyɔmtsɛ ɔ ma tle lɛ si, nɛ ke e pee yayami ɔ, a kɛ maa pa lɛ.