Yohane 6:27 - Somi He Ɔ

²⁷ Nyɛ ko tsu ngma nɛ puɛɛ ɔ he ni, se mohu nyɛ tsu ngma nɛ hii si kɛ yaa neneene wami mi nɛ Nɔmlɔ Bi ɔ ma ha nyɛ ɔ he ni, ejakaa lɛ e nya Tsɛ Mawu ɔ sɔu.”

BAIBLO ALOO NGMAMI KLƆUKLƆU Ɔ

²⁷ Nyɛ ko gbo ngma nɛ puɛɔ ɔ he dengme. Mohu ɔ, nyɛ hla ngma nɛ hii si kɛ yaa neneene. Enɛ ɔ ji nɔ́ nɛ Nɔmlɔ Bi ɔ ma ha nyɛ ɔ nɛ, ejakaa Tsɛ Mawu ɔ nɛ hla lɛ.”

Yohane 6:27 ပူးပေါင်းရင်းမြစ်များ

Kolosebi 3:2

Nihi nɛ ngɛ hiɔwe ɔmɛ a he nyɛ susu, pi nihi nɛ ngɛ zugba a nɔ ɔ.

Yohane 6:54

Nɔ nɛ yeɔ ye he lo nɛ e nuu ye muɔ ɔ, e ngɛ neneene wami, nɛ imi lɛɛ ma tle lɛ si ngɛ nyagbe ligbi ɔ nɔ.

2 Timoteo 2:19

Se Mawu sisi tomi tɛ na he wa a maa si kpɛii, nɛ e hɛɛ kikɛmɛ a nyasɔomi nɔ nɛ ɔ: “Nyɔmtsɛ ɔ le lɛ nitsɛ e ni ɔmɛ,” kɛ: “Ha nɛ nɔ tsuaa nɔ nɛ woɔ Kristo biɛ ɔ ta a nɛ sã e he kɛ je nihi nɛ dɛ blɔ ɔmɛ a he.”

Yohane 6:40

Ejakaa enɛ ɔ ji Tsaatsɛ suɔmi nya ni ɔ nɛ, kaa nɔ tsuaa nɔ nɛ hyɛɛ Bi ɔ nɛ e heɔ e nɔ yeɔ ɔ, e na neneene wami, nɛ imi ɔ, ma tle lɛ si ngɛ nyagbe ligbi ɔ nɔ.”

Romabi 6:23

Ejakaa yayami dɛ mi hiɔwe ɔ gbenɔ ʼi; se Mawu dloomi nike ni ɔ neneene wami ʼi ngɛ Kristo Yesu wa Nyɔmtsɛ ɔ mi.

Yohane 10:28

nɛ imi nɔuu lɛ i haa mɛ neneene wami, nɛ a hɛ mi be kpatae kɛ maa ya neneene nɛ jeha nɛ ɔ hu, nɔ ko be mɛ kpɔe ngɛ ye dɛ.

Yohane 6:51

Imi ji abolo nɛ hɛ̃ ngɛ nɛ je hiɔwe ba a nɛ; ke nɔ ko ye abolo nɛ ɔ eko ɔ, e maa hi si kɛ maa ya neneene. Se abolo nɛ i kɛ ma ha a ji ye he lo nɛ i kɛ ma ha ngɛ je ɔ wami he ɔ nɛ.”

Ni Tsumi 10:38

bɔ nɛ Mawu ngɔ Mumi Klɔuklɔu kɛ he wami ngɔ pɔ Yesu nɛ je Nazaret ɔ nu, nɛ e kpaa si peɔ kpakpa, nɛ e tsaa nihi kulaa nɛ abosiami haoɔ mɛ ɔ, ejakaa Mawu kɛ lɛ ngɛ.

Yohane 17:2

Ejakaa o ha lɛ he blɔ ngɛ he lo tsuo nɔ, konɛ nihi tsuo nɛ o ngɔ ha lɛ ɔ, e ha mɛ neene wami.

Mateo 6:19

“Nyɛ ko to juetli ha nyɛ he ngɛ zugba nɛ ɔ nɔ, he nɛ wɔyewɔye kɛ kana puɛɔ nihi nɛ juli guu kɛ sɛɛ mi ya juɔ ngɛ ɔ.

Yohane 6:58

Abolo nɛ je hiɔwe ba nɛ ɔ, e be kaa nɔ́ nɛ nyɛ tsɛmɛ ɔmɛ ye nɛ a gbo ɔ; nɔ nɛ yeɔ abolo nɛ ɔ ɔ, e maa hi si kɛ maa ya neneene.”

2 Petro 1:17

Ejakaa e na bu kɛ hɛ mi nyami kɛ je Tsɛ Mawu ɔ ngɔ, benɛ jamɛ a gbi ɔ je hɛ mi nyami kpetekpleenyɛ ɔ mi ba e ngɔ ke: “Nɔ nɛ ji ye suɔmi bi nɛ i naa e he tsui ɔ nɛ.”

Filipibi 2:13

ejakaa suɔmi nɛ a maa suɔ jio, peemi nɛ a maa pee jio, Mawu ji nɔ nɛ tsuɔ lɛ tsuo ngɛ nyɛ mi ngɛ e suɔmi nya.

1 Petro 1:24

Ejakaa “He lo kulaa ngɛ kaa nga. Nɛ e hɛ mi nyami ɔ kulaa ngɛ kaa nga mi mɔmɔ. Nga gbliɔ nɛ e mi mɔmɔ ɔmɛ wɔleɔ;

Luka 3:22

nɛ Mumi Klɔuklɔu ɔ kple si kɛ su nɛ ngɛ kaa okpo kɛ ba e nɔ. Nɛ gbi ko je hiɔwe de ke: “Mo ji ye suɔmi bi ɔ nɛ, mo o he ye tsui ngɛ!”

1 Tesalonikabi 1:3

Wa kaii nyɛ hemi kɛ yemi ni tsumi ɔmɛ kɛ nyɛ suɔmi mɔde bɔmi ɔ kɛ wa Nyɔmtsɛ Yesu Kristo he hɛ kɛ nɔ fɔmi mi tsui si tomi ɔ ngɛ Mawu kɛ wa Tsɛ ɔ hɛ mi.

Kolosebi 1:29

Kɔlɔ ɔ he dengme i ngɛ gboe nɛ i ngɛ plee ngɛ ni tsumi nɛ a kɛ he wami tsuɔ ngɛ ye mi ɔ nya.

Yohane 3:33

Nɔ tsuaa nɔ nɛ heɔ e odase ɔ yeɔ ɔ maa nɔ mi kaa anɔkualetsɛ ji Mawu.

Ni Tsumi 2:22

“Tsaatsɛmɛ Israelbihi, nyɛɛ bu kikɛmɛ a munyu nɛ ɔ tue. Yesu Nazare no ɔ ji nyumu nɛ Mawu kɛ he wami ni tsumihi kɛ nyakpɛ nihi kɛ okadihi nɛ e gu e nɔ kɛ pee ngɛ nyɛ kpɛti ɔ ye e he odase ngɔ tsɔɔ nyɛ, kaa bɔ nɛ nyɛ nitsɛmɛ nyɛ le ɔ.

Yohane 6:68

Simon Petro he nɔ ke: “Mawetsɛ, mɛnɔ ngɔ wa maa ya? Mo lɛ o ngɛ neneene wami munyu ɔmɛ ɔ nɛ;

Luka 9:35

Nɛ gbi ko je bɔku ɔ mi de ke: “Ye suɔmi bi ɔ ji nɛ ɔ nɛ, nyɛɛ bu lɛ tue!”

Hebribi 12:16

konɛ nɔ ko ko pee e he ajuama bɔlɔ, loo yaka nɔmlɔ kaa Esau nɛ jua e bi tete blɔ nya a kɛ he si kake niye ni ɔ.

Galatabi 5:6

Ejakaa Kristo Yesu mi ɔ, pi nɔ pomi nɛ nyɛɔ nɔ́ ko peɔ, nɛ pi mɔmlɔtɔ hulɔ, se mohu hemi kɛ yemi nɛ guu suɔmi nɔ tsuɔ ni ɔ ʼi.

Hebribi 4:11

Lɔɔ he ɔ nyɛ ha waa bɔ mɔde, konɛ waa sɛ jamɛ a he jɔɔmi ɔ mi, nɛ nɔ ko ko nyɛɛ jamɛ a tue gbomi blɔ ɔ nɔ nɛ e laa.

Kolosebi 2:22

Jamɛ a ni ɔmɛ kulaa a, a he ni tsumi mi nɔuu a hɛ mi kpataa ngɛ, ni nɛ ɔmɛ ji nimli a kitahi kɛ tsɔɔmihi,

1 Korintobi 9:2

Ke pi bɔfo ji mi kɛ ha ni kpahi ɔ, nyɛɛ lɛɛ i ji kɛ ha nyɛ; ejakaa ye bɔfo ni tsumi ɔ nya sɔumi nɔ ji nyɛ ngɛ Nyɔmtsɛ ɔ mi.

1 Korintobi 6:13

Ngma ngɛ ha muklii, nɛ muklii hu ngɛ ha ngma, se Mawu ma ha enyɔ ɔ kulaa se maa po. Nɔmlɔ tso ɔ, pi ajuama bɔmi he nɛ e ngɛ ngɛ, se mohu Nyɔmtsɛ ɔ he e ngɛ ngɛ, nɛ Nyɔmtsɛ ɔ hu ngɛ ha nɔmlc tso ɔ.

Romabi 4:11

Nɛ be mi nɛ a po lɛ ɔ, e nine su nɔ pomi he okadi ɔ nɔ kaa dami nya sɔumi nɔ nɛ a kɛ sɔu he nɛ e he ye be mi nɛ e ji mɔmlɔtɔtsɛ lokoo ɔ nya, konɛ e pee tsɛ kɛ ha nihi kulaa nɛ heɔ yeɔ benɛ a ji mɔmlɔtɔtsɛmɛ ɔ nɛ a bu dami ɔ ngɔ ha mɛ hulɔ,

Yohane 15:24

Kaa i tsu we ni tsumihi nɛ nɔ ko nɔ ko tsu we eko hyɛ ngɛ nyɛ kpɛti jinɛ, yayami ko be a he; se enɛ ɔ lɛɛ a na nɛ kɛ ɔ, a ngɛ mi nyɛe kɛ Tsaatsɛ tsuo.

Yohane 14:6

Yesu de lɛ ke: “Ami ji blɔ ɔ kɛ anɔkuale ɔ kɛ wami ɔ; nɔ ko bɛ́ Tsɛ ɔ ngɔ, kaa ja e gu ye nɔ.

Yohane 11:42

Se imi lɛɛ i le kaa o buɔ mi tue; se asafo ɔ nɛ daa si ɔ he nɛ i ngɛ dee, konɛ a he ye kaa mo lɛ o tsɔ mi.”

Yohane 8:18

Imi, lɛɛ i yeɔ imi nitsɛ ye he odase, nɛ Tsɛ ɔ nɛ tsɔ mi ɔ hu yeɔ ye he odase.”

Marko 9:7

Nɛ bɔku ko ba ha a nɔ, nɛ gbi ko je bɔku ɔ mi de ke: “Nɔ nɛ ɔ ji ye suɔmi bi ɔ nɛ, nyɛɛ bu lɛ tue!”

Marko 1:11

Nɛ e nu gbi ko kɛ je hiɔwe de ke: “Mo ji imi nitsɛ ye suɔmi bi. I ngɛ o he suɔmi!”

Mateo 17:5

Benɛ a ngɛ munyu ɔ tue kɛ mwɔɔ ɔ, oʼɛ, bɔku hleii ko ba ha a nɔ, nɛ oʼɛ, gbi je bɔku ɔ mi de ke: “Nɔ nɛ ɔ ji ye suɔmi bi nɛ i naa e he tsui ɔ nɛ; nyɛɛ bu lɛ tue!”

Mateo 3:17

Nɛ oʼɛ, gbi ko je hiɔwe ke: “Nɔ nɛ ɔ ji ye suɔmi bi nɛ i ngɛ e he tsui ɔ nɛ.”

Yakobo 1:11

Ejakaa pu tee si nɛ e tsoo nɛ e gbliɔ nga a, nɛ e mɔmɔ ɔmɛ wɔleɔ pueɔ si nɛ e fɛu ɔ puɛɔ. Ja nɔuu niatsɛ hu hɛ mi ma kpata ngɛ e blɔ ɔmɛ a nɔ.

2 Korintobi 4:18

Wɔ nɛ wa pi nihi nɛ hyɛɛ nihi nɛ a naa a, se mohu nihi nɛ a nɛ ɔ wa hyɛɛ ɔ; ejakaa nihi nɛ a naa a hii si be bɔɔ ko kɛkɛ, se nihi nɛ a nɛ́ ɔ hii si kɛ yaa neneene.

Mateo 8:20

Yesu de lɛ ke: “Kɔkɔbohi ngɛ muɔhi, nɛ hiɔwe lohwe pɛlitsɛmɛ ngɛ tsuhi; se Nɔmlɔ Bi ɔ be he nɛ e kɛ e yi fɔɔ.”

Mateo 25:46

Nɛ ni nɛ ɔmɛ ɔ, a maa ya neneene he hiami mi; se dali ɔmɛ maa ya neneene wami mi.”

Yohane 3:15

Konɛ nɔ tsuaa nɔ nɛ heɔ e nɔ yeɔ ɔ hɛ mi ko kpata, se mohu e na neneene wami.

Yohane 6:47

“I ngɛ nyɛ dee anɔkuale mi ke: Nɔ nɛ heɔ yeɔ ɔ, e ngɛ neneene wami.

Yohane 6:53

Kɛkɛ nɛ Yesu de mɛ ke: “I ngɛ nyɛ dee anɔkuale mi ke: Ke nyɛ yi Nɔmlɔ Bi ɔ he lo nɛ nyɛɛ nu e muɔ ɔ, nyɛ be wami ngɛ nyɛ mi.

Yohane 6:62

Se ke nyɛ na Nɔmlɔ Bi ɔ nɛ yaa hiɔwe he nɛ e ngɛ sa a, kɔlɔ ɔ nɛɛ?