Yohane 5:5 - Somi He Ɔ

⁵ Nyumu ko ngɛ lejɛ ɔ nɛ hiɔ hɛɛ lɛ jeha nyingmi etɛ kɛ kpaanyɔ.

BAIBLO ALOO NGMAMI KLƆUKLƆU Ɔ

⁵ Nyumu ko ngɛ lejɛ ɔ nɛ ngɛ hiɔ nue jeha nyingmi etɛ kɛ kpaanyɔ sɔuu.

Yohane 5:5 ပူးပေါင်းရင်းမြစ်များ

Ni Tsumi 3:2

Nyumu ko ngɛ nɛ ji akpaketsɛ kɛ je e nyɛ muklii mi, nɛ a woɔ lɛ daa kɛ ba hii si ngɛ sɔlemi we sinya nɛ a tsɛɛ sinya saminyayoo ɔ nya, konɛ e ba ni ngɛ nihi nɛ yaa sɔlemi we ɔmɛ a dɛ.

Luka 8:43

Nɛ yo ko nɛ muɔ ngɛ dɛe ngɛ e he jeha nyɔngma kɛ enyɔ, nɛ e puɛ e nihi tsuo kulaa kɛ ha tsopatsɛmɛ, nɛ nɔ ko nɔ ko nyɛ we lɛ nɛ e tsa a,

Marko 9:21

Yesu bi e tsɛ ɔ ke: “Mɛni be enɛ ɔ bɔni lɛ peemi?” Nɛ e de lɛ ke: “Kɛ je e jokuɛ mi lokoo.

Ni Tsumi 14:8

Nyumu ko ngɛ Listra nɛ e nyɛ we si nɛ e da, se si e hii nɛ e ji nɔ nɛ hule kɛ je e nyɛ muklii mi lokoo nɛ e nyɛɛ we gblee.

Luka 13:16

Oʼɛ, kikɛmɛ a yo nɛ ɔ nɛ ji Abraham bi yo nɛ Satan fi lɛ kikɛmɛ a jeha nyɔngma kɛ kpaanyɔ nɛ ɔ ɔ, anɛ e dɛ́ kaa a pɛneɔ lɛ ngɛ kikɛmɛ a kpa nɛ ɔ mi ngɛ Hejɔɔmi Ligbi ɔ nɔ lo?”

Ni Tsumi 9:33

Nɛ e ba na nyumu ko ngɛ lejɛ ɔ nɛ a tsɛɛ lɛ Ainea nɛ e fɔɔ si ngɛ sa nɔ kɛ kuɔmi hiɔ jeha kpaanyɔ sɔuu.

Yohane 9:1

Benɛ Yesu bee ɔ, e na nyumu ko nɛ e hɛ yu kɛ je e fomi mi.

Yohane 5:14

Pee se ɔ Yesu ya na lɛ ngɛ sɔlemi we ɔ, nɛ e de lɛ ke: “Oʼɛ, o na he wami; koo pee yayami hu, kone nɔ́ ko yaya nɛ pe kekle nɔ́ ɔ ko ba o nɔ.”

Ni Tsumi 4:22

ejakaa nɔmlɔ nɛ a tsa lɛ nyakpɛ tsami nɛ ɔ ye pe jeha nyingmi eywiɛ.

Yohane 9:21

se bɔ nɛ pee nɛ e ngɛ nɔ hyɛe jeha nɛ ɔ ɔ, lɛɛ wa li; jeha nɛ ɔ hu, nɔ nɛ bli e hɛngmɛ ɔ, wa li; nyɛ bi lɛ, e wa, lɛ nitsɛ e maa tu munyu ha e he.”

Yohane 5:4

Ejakaa be komɛ ɔ, hiɔwe bɔfo ko kpleɔ si kɛ baa taku ɔ mi, nɛ e ba klɛɔ nyu ɔ mi; kɛkɛ ɔ, o mi klemi ɔ se ɔ, nɔ tsuaa nɔ nɛ ya nɔɔ nyu ɔ mi kekle ɔ, hiɔ tsuaa hiɔ nɛ ngɛ e he ɔ tãa.]

Yohane 5:6

Nɛ benɛ Yesu na lɛ nɛ e fɔɔ si, nɛ e le kaa e se kɛ hluu ɔ, e bi lɛ ke: “O suɔ kaa o na he wami lo?”