Yohane 5:44 - Somi He Ɔ

⁴⁴ Nyɛ nɛ nyɛ ngɛ hɛ mi nyɛmi he hae ngɛ nyɛ kpɛti, se hɛ mi nyami nɛ jee Mawu kake too ɔ ngɔ ɔ lɛɛ nyɛ di se ɔ, kɛ maa pee kɛɛ nɛ nyɛ ma nyɛ he ye mɔ?

BAIBLO ALOO NGMAMI KLƆUKLƆU Ɔ

⁴⁴ Nyɛ nɛ nyɛ hlaa nɛ nihi nɛ je nyɛ yi, se nyɛ bɔɛ mɔde, konɛ nɔ nɛ lɛ nɔ kake pɛ ji Mawu ɔ nɛ wo nyɛ hɛ mi nyami ɔ, kɛ maa pee kɛɛ nɛ nyɛ ma he mi maa ye mɔ?

Yohane 5:44 ပူးပေါင်းရင်းမြစ်များ

Mateo 23:5

Se a nihi tsuo ɔ a peɔ konɛ nihi nɛ na. Ejakaa a haa a kaimi sɛbɛ ɔmɛ bliɔ nɛ a peɔ a tade nya fiami ɔmɛ nguahi;

Luka 19:17

Nɛ e de lɛ ke: ‘Ayekoo, sɔmɔlɔ kpakpa, akɛnɛ o ye anɔkuale ngɛ nɔ nyafii kulaa mi he ɔ, ye ma nyɔngma nɔ.’

Yohane 12:43

ejakaa a suɔ nimli a hɛ mi nyami pe Mawu nɔ́.

Yohane 17:3

Se enɛ ɔ ji neneene wami ɔ nɛ, kaa a le mo, anɔkuale Mawu kake ɔ, kɛ Yesu Kristo nɔ nɛ o tsɔ ɔ.

Yohane 3:20

nɛ nɔ tsuaa nɔ nɛ tsuɔ ni yayamihi ɔ nyɛɛ la a, nɛ e bɛ la a he, konɛ a ko je e ni tsumi ɔmɛ kpo.

Yohane 5:41

“I hla we nimli a hɛ mi nyami.

Yohane 8:43

Mɛni he je nyɛ nɛ́ ye munyu nya a? E je ye munyu tue nɛ nyɛ bui ɔ.

Romabi 2:10

Se hɛ mi nyami kɛ bu kɛ he jɔmi maa ba nɔ tsuaa nɔ nɛ tsuɔ ni kpakpahi ɔ nɔ, Yuda no kekle kɛ Hela no hulɔ.

Romabi 2:29

se mohu nɔ nɛ ji Yudafo no ngɛ mi mi je ɔ lɛ ji Yuda no; nɛ tsui mi nɔ pomi nɛ ngɛ mumi mi, nɛ pi ngmami okadi mi ɔ, ji nɔ pomi nɛ e yi jemi ɔ ji nimli a ngɔ, se mohu Mawu ngɔ e jee.

Romabi 2:7

Nihi nɛ kɛ kpakpa peemi kɛ tsui si tomi hlaa hɛ mi nyami kɛ bu kɛ si himi nɛ puɛ we ɔ, Mawu ma ha mɛ neneene wami.

1 Korintobi 4:5

Lɔ ɔ he ɔ nyɛ ko kojo nɔ ko loko e su be ɔ, kɛ yaa su be nɛ Nyɔmtsɛ ɔ maa ba, nɔ nɛ kɛ diblii mi nihi nɛ a kɛ laa a tete maa ba la hɛ mi nɛ e ma je tsuihi a mi juɛmi ɔmɛ a si ɔ. Lɔ ɔ mi ɔ, nɔ tsuaa nɔ ma na e yi jemi kɛ maa je Mawu dɛ mi.

2 Korintobi 10:18

Ejakaa pi nɔ nɛ jeɔ e he yi ɔ ji nɔ nɛ sa, se mohu nɔ nɛ Nyɔmtsɛ ɔ jeɔ e yi ɔ.

Filipibi 2:3

Nyɛ ko ngmɛ mi gbami loo yaka hɛ mi nyami hlami blɔ, se mohu nyɛɛ kɛ he si bami juɛmi nɛ bu nyɛ sibi pe nyɛ nitsɛmɛ nyɛ he;

1 Tesalonikabi 2:6

jehanɛ wa hla we nimli a hɛ mi nyami ngɛ nyɛ ngɔ aloo ni kpa komɛ a ngɔ,

1 Timoteo 1:17

Neneene Matsɛ ɔ, nɔ nɛ gbo we, nɔ nɛ ji Mawu kake ɔ, a ngɔ bu kɛ hɛ mi nyami ngɔ ha lɛ kɛ ya neneene kɛ neneene! Amen.

Hebribi 3:12

Nyɛɛ hyɛ nɛ hi, mamimɛ, konɛ nyɛ ti nɔ ko ko hi tsui nɛ he we yi nɛ e kpale kɛ je Mawu hɛ kalɔ ɔ he;

Yakobo 2:1

Mamimɛ, nyɛɛ kɛ nihi a hɛ mi hyɛmi ko futu wa Nyɔmtsɛ Yesu Kristo nɛ ji hɛ mi nyami Nyɔmtsɛ ɔ hemi kɛ yemi ɔ mi.

1 Petro 1:7

konɛ a na nyɛ hemi kɛ yemi sami ɔ kaa e he jua wa babauu. Sika tsu po nɛ puɛɛ ɔ, a kaa ngɛ la mi; nɛ lɔ ɔ he ɔ nyɛ hemi kɛ yemi nɛ he jua wa pe sika tsu ɔ hu sa nɛ a ka lɛ konɛ e nyɛ nɛ e hi si. Lɛɛ, nyɛ nine maa su yi jemi kɛ hɛ mi nyami kɛ bu nɔ ngɛ Yesu Kristo kpo jemi ɔ mi,

Yuda 1:25

Mawu nɛ ji ni lelɔ kake kɛ wa yi wami helɔ ngɛ Yesu Kristo wa Mawetsɛ ɔ he ɔ, lɛ a ngɔ hɛ mi nyami kɛ agboje, nɔ yemi kɛ he blɔ kulaa ngɔ ha jehanɛ kɛ daa. Amen.