Yohane 5:30 - Somi He Ɔ

³⁰ “Imi nitse i be ye yi mi nyɛe maa to kɛ pee nɔ ko; bɔ nɛ i nuɔ ɔ, ja i kojoɔ, nɛ ye kojomi ɔ dami kojomi ʼi, ejakaa i hia we nɔ́ nɛ imi nitsɛ i suɔ, se mohu nɔ nɛ Tsɛ ɔ nɛ tsɔ mi ɔ suɔ?

BAIBLO ALOO NGMAMI KLƆUKLƆU Ɔ

³⁰ “I be he blɔ nɛ i peeɔ imi nitsɛ ye yi mi nɔ́ ko. Bɔ nɛ Mawu tsɔɔ mi ke ma kojo ɔ, jã pɛ i peeɔ; lɔ ɔ he ɔ, i yeɔ dami sane. Ejakaa i hla we kaa ma pee nɔ́ nɛ imi nitsɛ i suɔ, se mohu Tsaatsɛ nɛ tsɔ mi ɔ suɔmi nya ní i peeɔ.

Yohane 5:30 ပူးပေါင်းရင်းမြစ်များ

Mateo 26:39

Nɛ e ya e hɛ mi bɔɔ nɛ e ngɔ e hɛ mi ngɔ bu si, nɛ e sɔle ke: “Tsaatsɛ, ke e maa hi ɔ, ha nɛ kplu nɛ ɔ be ye he kɛ ho; se kɛ̃ ɔ, pi bɔ nɛ imi i suɔ, se mohu bɔ nɛ mo o suɔ.”

Yohane 14:10

Anɛ o he we yi kaa i ngɛ Tsɛ ɔ mi nɛ Tsɛ ɔ hu ngɛ ye mi lo? Munyu nɛ i kɛ nyɛ tuɔ, pi imi nitsɛ ye yi mi nɛ i toɔ nɛ i deɔ; se Tsɛ ɔ nɛ hii ye mi ɔ, lɛ lɛ e tsuɔ ni tsumi ɔmɛ ɔ nɛ.

Yohane 17:4

Imi lɛɛ i wo o hɛ mi nyami ngɛ zugba a nɔ, akɛnɛ ni tsumi ɔ nɛ o ha mi tsumi ɔ i gbe nya a.

Yohane 18:11

Lɔ ɔ he ɔ Yesu de Petro ke: “Ngɔɔ o klaate ɔ ngɔ wo e kpo ɔ mi. Anɛ kplu nɛ Tsaatsɛ ngɔ ha mi ɔ, ma ko nu lo?”

Yohane 4:34

Yesu de mɛ ke: “Ye ngma ji kaa ma pee nɔ nɛ tsɔ mi ɔ suɔmi nya ni, nɛ ma gbe e ni tsumi ɔ nya.”

Yohane 5:19

Lɔ ɔ he ɔ Yesu he nɔ nɛ e de mɛ ke: “I ngɛ nyɛ dee anɔkuale mi ke: Bi ɔ nitse be e yi mi nyɛe maa to kɛ pee nɔ ko, ja nɔ nɛ se naa kaa Tsɛ ɔ peɔ ɔ; ejakaa nihi tsuo nɛ Tsɛ ɔ peɔ ɔ, kɔlɔ ɔmɛ nɔuu Bi ɔ hu peɔ.

Yohane 6:38

Ejakaa pi imi nitsɛ ye suɔmi nya ni peemi he nɛ i je hiɔwe kɛ ba ngɛ se mohu nɔ nɛ tsɔ mi ɔ suɔmi nya ni peemi he.

Yohane 8:28

Lɔ ɔ he ɔ Yesu de mɛ ke: “Ke nyɛ na nyɛ wo Nɔmlɔ Bi ɔ nɔ ɔ, lɔ ɔ loko nyɛ maa le kaa ami ʼi, nɛ kãa i to we ye yi mi i pee we nɔ́ ko, se mohu nɔ nɛ Tsaatsɛ tsɔɔ mi ɔ ja i deɔ.

Yohane 8:42

Kɛkɛ nɛ Yesu de mɛ ke: “Mawu ji nyɛ tsɛ jinɛ nyɛ maa suɔ mi, ejakaa imi lɛɛ, Mawu ngɔ i je kɛ ba; nɛ pohu i to we imi nitsɛ ye yi mi kɛ bɛ, se mohu lɛ nɛ tsɔ mi.

Yohane 8:50

I hla we imi nitsɛ ye hɛ mi nyami, se nɔ ko ngɛ nɛ hlaa nɛ e kojoɔ.

Romabi 15:3

Ejakaa Kristo hu susu we lɛ nitsɛ e he; se mohu kaa bɔ nɛ a ngma a: “Ninɛmɛ nɛ bɔ mo ahlua a, a hlua bɔmi ɔ ba nɔ ye nɔ.”

Romabi 2:2

Wa le kaa Mawu fɔ bumi ɔ sa nihi nɛ tsuɔ jamɛ a ni ɔmɛ pɛ.

Romabi 2:5

Se o kɛ o tsui wami kɛ o he nɛ o pia we ɔ ngɛ mi mi fumi nyɛ buae ngɔ ha mo nitsɛ o he ngɔ to mi mi fumi kɛ Mawu dami kojomi kpo jemi ligbi ɔ.