Yohane 5:26 - Somi He Ɔ

²⁶ Ejakaa bɔ nɛ Tsɛ ɔ ngɛ wami ngɛ lɛ nitse e mi ɔ, ja kɛ̃ e ha Bi ɔ hu ke e hi wami ngɛ lɛ nitse e mi.

BAIBLO ALOO NGMAMI KLƆUKLƆU Ɔ

²⁶ Lɔ ɔ he ɔ, kaa bɔ nɛ Tsɛ ɔ ngɛ wami ngɛ e mi ɔ, ja nɔuu e ha e Bi ɔ hu wami.

Yohane 5:26 ပူးပေါင်းရင်းမြစ်များ

Yohane 11:26

nɛ nɔ tsuaa nɔ nɛ hɛ ngɛ nɛ e heɔ ye nɔ yeɔ ɔ, e be gboe gblegbleegblee. O heɔ enɛ ɔ yeɔ lo?”

Yohane 1:4

E mi wami ngɛ, nɛ wami ɔ ji nimli a la a nɛ;

Yohane 14:6

Yesu de lɛ ke: “Ami ji blɔ ɔ kɛ anɔkuale ɔ kɛ wami ɔ; nɔ ko bɛ́ Tsɛ ɔ ngɔ, kaa ja e gu ye nɔ.

Kpojemi 22:17

Mumi ɔ kɛ Ayɛflo ɔ ke: “Ba!” Nɛ nɔ nɛ nuɔ ɔ, e de ke: “Ba!” Nɔ nɛ kuma ngɛ lɛ tɔe ɔ, e ba, nɛ nɔ nɛ suɔ ɔ, e ba nɛ e ba yɛ wami nyu ɔ yaka gu.

1 Timoteo 1:17

Neneene Matsɛ ɔ, nɔ nɛ gbo we, nɔ nɛ ji Mawu kake ɔ, a ngɔ bu kɛ hɛ mi nyami ngɔ ha lɛ kɛ ya neneene kɛ neneene! Amen.

1 Korintobi 15:45

Jã a ngma hulɔ ke: “Adam nɛ ji kekle nɔmlɔ ɔ plɛ klaa nɛ hɛ ngɛ; nyagbe Adam ɔ plɛ mumi nɛ haa nɔ yi naa wa.”

Kpojemi 22:1

Nɛ hiɔwe bɔfo ɔ tsɔɔ mi wami nyu pa klɔuu nɛ mi tsɔ kaa kristalo ahuhuɛ nɛ ngɛ Mawu kɛ Tobi ɔ matsɛ sɛ ɔ mi jee kɛ ngɛ ma a gbejegbɛ ɔ mi gue,

Kpojemi 21:6

Nɛ e de mi ke: “A gbe nya. Ami ji Alfa a kɛ Omega a nɛ, sisije ɔ kɛ nyagbe ɔ. Nɔ nɛ kuma ngɛ lɛ tɔe ɔ, ma ha lɛ wami nyu vu ɔ mi nyu ɔ eko nɛ e nu yaka gu.

1 Timoteo 6:16

nɔ nɛ lɛ e nɔ kake lɛ ngɛ neneene si himi nɛ gbenɔ be mi, nɛ e hii la nɛ a be nyɛemaa su he ɔ mi ɔ, nɔ nɛ nɔmlɔ ko nɔmlɔ ko nɛ́ lɛ hyɛ, nɛ e be lɛ nyɛe maa na hulɔ ɔ, nɔ nɛ nɔ́ nɛ ji neneene bu kɛ he wami ɔ. Amen.

Ni Tsumi 17:25

nɛ jeha nɛ ɔ hu a kɛ nimli a ninehi ja we lɛ, kaa nɔ ko nɛ nɔ́ ko fiɔ lɛ; lɛ mohu e dɛ mi wami kɛ mumi kɛ nihi tsuo jee kɛ baa haa nimli kulaa.

Yohane 14:19

E piɛ bɔɔ kɛkɛ nɛ je ɔ be mi nae hu; se nyɛ lɛɛ nyɛɛ ngɛ mi nae, ejakaa ye hɛ ngɛ, nɛ nyɛ hu nyɛ hɛ maa hi ngmengmle.

Yohane 8:51

I ngɛ nyɛ dee anɔkuale mi ke: Ke nɔ ko ye ye munyu ɔ nɔ ɔ, e be gboe gblegbleegblee.”

Yohane 4:10

Yesu he nɔ nɛ e de lɛ ke: “Kaa o le Mawu nɔke nɔ́ ɔ kɛ nɔ nɛ ngɛ mo dee ke: ‘Ha mi eko ma nu’ ɔ, jinɛ mo mohu o maa ba lɛ nɛ e ha mo wami nyu.”

Kpojemi 7:17

ejakaa Tobi ɔ nɛ ngɛ matsɛ sɛ ɔ kpɛti ɔ maa lɛ mɛ, nɛ e maa tsɔɔ mɛ blɔ kɛ maa ya wami nyu vuhi a he, nɛ Mawu ma tsu a hɛ mi vo nyu kulaa.

Yohane 6:57

Bɔ nɛ Tsɛ, hɛ kalɔ, ɔ tsɔ mi, nɛ Tsɛ ɔ he nɛ ye hɛ ngɛ ɔ, ja nɔuu nɔ nɛ yeɔ mi ɔ hu maa hi si ngɛ ye he.

Yohane 10:18

Nɔ ko kpɔ we ngɛ ye dɛ, se mohu imi nitsɛ lɛ i ngɔ fɔɔ si. I ngɛ he wami kaa i kɛ haa, nɛ i ngɛ he wami kaa i ngɔɔ ekohu; bɔ nɛ Tsaatsɛ de mi ji nɛ ɔ nɛ.”

Yohane 11:25

Yesu de lɛ ke: “Imi ji sitemi ɔ kɛ wami ɔ nɛ; nɔ nɛ heɔ ye nɔ yeɔ ɔ, ke e gbo tete po ɔ, e hɛ maa hi ngmengmle,

Hebribi 1:2

se ngɛ nyagbe ligbi nɛ ɔmɛ a mi ɔ, e Bi ɔ nya e kɛ wɔ tu munyu ngɛ, nɔ nɛ e ngɔ lɛ ngɔ pee nihi kulaa yelɔ ɔ, nɔ nɛ nɔ hu nɛ e gu kɛ bɔ je ɔ kɛ e mi ni ɔmɛ;