Yohane 5:25 - Somi He Ɔ

²⁵ I ngɛ nyɛ dee anɔkuale mi ke: Ngmlɛfia a ma, nɛ e su ta, nɛ ni gbogboe ɔmɛ maa nu Mawu Bi ɔ gbi, nɛ nihi nɛ nuɔ ɔ yi ma na wa.

BAIBLO ALOO NGMAMI KLƆUKLƆU Ɔ

²⁵ I ngɛ nyɛ dee anɔkuale mi ke be ma, pohu e su ta, nɛ gbogboehi maa nu Mawu Bi ɔ gbi, nɛ a maa ba wami mi ekohu.

Yohane 5:25 ပူးပေါင်းရင်းမြစ်များ

Yohane 5:28

Enɛ ɔ ko pee nyɛ nyakpɛ; ejakaa ngmlɛfia a ma, nɔ́ mi nɛ nihi tsuo nɛ ngɛ yɔkɔ ɔmɛ a mi ɔ maa nu e gbi,

Efesobi 5:14

Lɔ ɔ he nɛ a de ke: “O hɛ nɛ tsɛ, mo nɔ nɛ o ngɛ mahɛ hwɔe ɔ, Nɛ o te si kɛ je gbeje, Nɛ Kristo maa tso ha mo” ɔ, nɛ!

Efesobi 2:5

nɛ wɔ nɛ wa ji ni gbogboehi ngɛ tuegbenɔ mi ɔ, e tsɛ̃ɛ waa kɛ Kristo tsuo hɛ; dloomi a kɛ he nyɛ yi wami!

Yohane 4:23

Se ngmlɛfia a ma nɛ e su momo benɛ anɔkuale jali ɔmɛ ma ja Tsɛ ɔ ngɛ mumi kɛ anɔkuale mi, ejakaa nihi nɛ jaa lɛ kikɛ ɔ Tsɛ ɔ hu ngɛ hlae.

Kpojemi 3:1

“Nɛ Sarde asafo ɔ bɔfo ɔ, ngmaa ya ha lɛ ke: “Nihi nɛ nɔ nɛ ngɛ Mawu mumihi kpaago ɔ kɛ dodoehi kpaago ɔ de ji nɛ ɔ nɛ: I le o ni tsumi ɔmɛ kaa o hɛɛ biɛ kaa o hɛ ngɛ, se o gbo.

Yohane 8:47

Nɔ nɛ je Mawu mi ɔ, e nuɔ Mawu munyu; lɔ ɔ he nɛ nyɛɛ lɛɛ nyɛ nui ɔ nɛ, ejakaa nyɛ ji Mawu mi.”

Kolosebi 2:13

Nɛ nyɛ nɛ nyɛ ji ni gbogboehi ngɛ nyɛ nɔ tɔmi ɔmɛ kɛ nyɛ he lo mɔmlɔtɔ ɔ mi ɔ, e ha nyɛɛ kɛ lɛ tsuo wami, nɛ e kɛ nyɛ nɔ tɔmi ɔmɛ kulaa pa nyɛ;

Efesobi 2:1

Sa a, nyɛ ji ni gbogboehi ngɛ tue gbomi kɛ yayamihi a mi.

Romabi 6:4

Lɔ ɔ he ɔ, a kɛ baptisimi nɛ a baptisi wɔ ngɔ wo e gbenɔ ɔ mi ɔ pu waa kɛ lɛ tsuo, konɛ kaa bɔ nɛ a tle Yesu si kɛ je gbeje ngɛ Tsɛ ɔ hɛ mi nyɛmi nya a, ja nɔuu kɛ wɔ hu waa nyɛɛ ngɛ wami nɛ plɛ ehe mi.

Yohane 8:43

Mɛni he je nyɛ nɛ́ ye munyu nya a? E je ye munyu tue nɛ nyɛ bui ɔ.

Yohane 5:21

Ejakaa bɔ nɛ Tsɛ ɔ tleɔ ni gbogboehi a si nɛ e haa mɛ wami ɔ, ja kɛ̃ Bi ɔ hu haa nihi nɛ e suɔ ɔ wami.

Luka 15:24

ejaakaa ye bi nɛ ɔ gbo, nɛ e hɛ tsɛ ekohu; e laa nɛ a na lɛ.’ Nɛ a bɔni nyami.

Luka 9:60

Se Yesu de lɛ ke: “Ha nɛ ni gbogboehi nɛ pu a ni gbogboehi se mo lɛɛ yaa nɛ o ya fiɛ Mawu matsɛyemi ɔ!”

Yohane 4:21

Yesu de lɛ ke: “Maa, he mi ngɔ ye kaa ngmlɛfia a ma nɛ pi yoku nɛ ɔ nɔ, nɛ pohu pi Yerusalem nɛ nyɛ ma ja Tsɛ ɔ ngɛ.

Luka 15:32

se e sa kaa wa nya nɛ wa bua nɛ jɔ wa he, ejakaa o nyɛmi nɛ ɔ gbo, nɛ e hɛ tsɛ ekohu, e laa, nɛ a na lɛ.’ ”

Yohane 17:1

Benɛ Yesu de ni nɛ ɔmɛ se ɔ, e wo e hɛ nɔ kɛ ya hiɔwe, nɛ e ke: “Tsaatsɛ, ngmlɛfia a su. Wo o bi ɔ hɛ mi nyami, konɛ o bi ɔ hu nɛ wo o hɛ mi nyami.

Yohane 13:1

Loko Hetsɔmi nyami ligbi ɔ maa su ɔ, akɛnɛ Yesu le kaa e ngmlɛfia nɛ e kɛ maa je je ɔ mi kɛ ya Tsɛ ɔ ngɔ ɔ su he je ɔ, bɔ nɛ e suɔ e nihi nɛ ngɛ je nɔ mi ɔ, ja e suɔ mɛ kɛ pi si.

Yohane 6:60

Enɛ ɔ he je ɔ, benɛ e kaseli ɔmɛ a ti nihi fuu nu enɛ ɔ ɔ, a ke: “Munyu nɛ he wa ji nɛ ɔ nɛ; mɛnɔ ma nyɛ tue bu?”

Yohane 9:27

E he nɔ nɛ e ke: “I de nyɛ momo, nɛ nyɛ nui; mɛni he je nyɛ ngɛ hlae nɛ nyɛɛ bu tue ekohu? Anɛ nyɛ hu nyɛ suɔ kaa nyɛ ma plɛ e kaseli lo?”