Yohane 5:22 - Somi He Ɔ

²² Ejakaa Tsɛ ɔ kojo we nɔ ko, se e tu kojomi ɔ tsuo ngɔ wo Bi ɔ dɛ;

BAIBLO ALOO NGMAMI KLƆUKLƆU Ɔ

²² Tsɛ ɔ nitsɛ kojo we nɔ ko. E ngɔ jamɛ a he blɔ ɔ tsuo kɛ ha Bi ɔ, konɛ Bi ɔ nɛ kojo nihi.

Yohane 5:22 ပူးပေါင်းရင်းမြစ်များ

Mateo 11:27

“Tsaatsɛ tu nihi kulaa ngɔ wo ye dɛ mi; nɛ nɔ ko nɔ ko li Bi ɔ, kaa ja Tsɛ ɔ kɛkɛ; jeha nɛ ɔ, nɔ ko nɔ ko li Tsɛ ɔ, kaa ja Bi ɔ, kɛ nɔ nɛ Bi ɔ suɔ kaa e je lɛ kpo ngɔ tsɔɔ ɔ.

Mateo 16:27

Ejakaa nɔmlɔ Bi ɔ maa ba ngɛ e tsɛ nyami ɔ mi kɛ e bɔfo ɔmɛ; nɛ lɛ be ɔ mi ɔ, e maa wo nɔ tsuaa nɔ hiɔ ngɛ e ni tsumi nya.

Mateo 28:18

Nɛ Yesu ba nɛ e kɛ mɛ ba tu munyu ke: “A ngɔ he blɔ tsuo ngɔ ha mi ngɛ hiɔwe kɛ zugba a nɔ.

Yohane 17:2

Ejakaa o ha lɛ he blɔ ngɛ he lo tsuo nɔ, konɛ nihi tsuo nɛ o ngɔ ha lɛ ɔ, e ha mɛ neene wami.

Yohane 3:35

Tsɛ ɔ suɔ Bi ɔ, nɛ e tu nihi kulaa ngɔ wo e dɛ.

Yohane 5:27

Nɛ e ha lɛ he blɔ kaa e kojo hulɔ, ejakaa Nɔmlɔ Bi ji lɛ.

Yohane 9:39

Nɛ Yesu ke: “Kojomi he nɛ i ba je nɛ ɔ mi ngɛ, konɛ nihi nɛ hyɛ we nɔ ɔ, a hyɛ, nɛ nihi nɛ ngɛ hyɛe ɔ, a plɛ hɛ yuyuli.”

Ni Tsumi 10:42

Nɛ e wo wɔ kita ke waa fiɛ ngɔ tsɔɔ ma a nɛ waa ye odase kaa lɛ ji nɔ nɛ Mawu je ngɔ to nɛ e kojo hɛ kali kɛ ni gbogboehi ɔ nɛ.

Ni Tsumi 17:31

Ejakaa e to ligbi ko nɛ e maa gu nyumu ko nɛ e to ɔ nɔ kɛ kojo je mluku ɔ tsuo ngɛ dami nya; e ha nɔ tsuaa nɔ le enɛ ɔ, ejakaa e tle lɛ si kɛ je gbeje.”

Romabi 2:16

ngɛ ligbi nɛ Mawu maa gu Yesu Kristo nɔ kɛ kojo nimli a laami mi ni ɔmɛ ngɛ ye Sane Kpakpa a nya a.

2 Korintobi 5:10

Ejakaa ja wɔ kulaa wa pue paa ngɛ Kristo kojomi sɛ ɔ hɛ mi, konɛ nɔ tsuaa nɔ nɛ na nihi nɛ e pee ngɛ nɔmlɔ tso mi ɔ he hiɔwo, bɔ nɛ e pee ɔ, kpakpa ʼi jio, yaya ʼi jio.

2 Timoteo 4:1

I ngɛ mo dee faii ngɛ Mawu kɛ Mawetsɛ Yesu Kristo nɛ maa ba ba kojo hɛ kali kɛ ni gbogboehi ngɛ e bami kɛ e matsɛ yemi ɔ mi ɔ hɛ mi ke:

1 Petro 4:5

se a maa bu akɔtaa ngɔ ha nɔ nɛ dla e he ngɔ to nɛ e maa kojo hɛ kãli kɛ ni gbogboehi tsuo ɔ.